bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Chin
/
Chin (Mara Bible RV (BSI))
/
2 Kings 25
2 Kings 25
Chin (Mara Bible RV (BSI))
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
1
Zedekia â beina kô chakina, thla hrawhna, noh hrawhna noh ta, Babylaw bei Nebukaneza ta a pheisaih zydua chhaota Zerusale siehnao ta. Khihpi dôh ei ta, khihpi padôpa ta dôhna diasuazy tao ei ta.
2
Bei Zedekia abeina kô hrawh hleikhana taihta khihpi cha dôh ei ta.
3
Thla palihna, noh chakina noh ta khihpi liata chakâh mozoh vaw tlô ta, râh zawpizy châta niedo y khao leipa ta.
4
Chatanachata khihpi thokhy papyu ei ta, pheisaih zydua cha abei sadô kiapâh thokhy miano likawh liata a ypa chhikao lâ tawhta, a zo ta a râ ei ta. Kaldia mo ta khihpi cha dôh thlâh ha ei ta. Arabâ bypi lâpi lâta sie ei ta.
5
Kaldia pheisaihzy ta abei cha a chadai ei ta, Zerikô bypi liata kei pha ei ta. Abei cha a pheisaih zydua ta a râsai khai ha ei ta.
6
Kaldia mo ta Bei Zedekia cha patu ei ta, Riblâ khihpi liata Babylaw bei lâ a chhi ei ta, cha liata a thâtih pachia ei ta.
7
Zedekia sawchapawzy cha ama paw mohmô liata thie ei ta, Zedekia chhao a mozy thaoh ei ta, bâliazy ta buh ei ta, Babylaw lâ siekhei ha ei ta.
8
Babylaw bei Nebukaneza abeina kô hrawh hleichakina, cha kô thla pangawhna, noh sarina noh ta, Babylaw bei chakaotuhpa, abei vaituhpazy hyutuhpa Nebuzarâdâ cha Zerusale lâ a vy ta.
9
Abeipa Achhyna o, abei o nata Zerusale liata o zydua mei ta rao ta, o rônahpa zydua mei ta a rao khai haw.
10
Zerusale padôpa ta taopa thokhyzy chhao, abei vaituhpazy hyutuhpa hnohta a ypa Kaldia pheisaihzy ta a zydua ta ama pacho khai haw.
11
Khihpi liata siesaipa chyhsazy nata Babylaw bei lâ âmo kho ta â hlâpazy nata zawpi laibâhpazy cha, abei vaituhpazy hyutuhpa Nebuzarâdâ ta sei ta â chhi khai ha ei.
12
Râh chyhsa dyhchhie chaipa thokhazy deikua cha, abei vaituhpazy hyutuhpa ta kre zôh mohôhtuhpa nata leipalietuhpazy châta a siesai ei.
13
Abeipa o liata dawh tôhzy nata patyunazy nata dawh tipâh Abeipa o liata a ypazy cha, Kaldia mo ta pakeichheih ei ta, dawhzy cha Babylaw lâ ama siekhei haw.
14
Beihzy, buchâh linazy, meiôh lao chakienazy, ropahâhpa raona beihkohzy nata Achhyna o liata chakaona châta hmâpa dawh hmobaoh zydua la ei ta,
15
mei lanazy nata rahôzy chhao ama la khai haw. Abei vaituhpazy hyutuhpa ta ngôh ta taopazy cha ngôh hmobaohzy hry liata soh ta, tâkâ ta taopazy cha tâkâ hmobaohzy hry liata soh ta, a siekhei haw.
16
Sawlawmaw ta Abeipa o châta dawh ta a taopa atôh miano, tipâh nata patyunazy liata dawh hmâpa zie cha pathliah tiah awpa chhao châ vei.
17
Atôh miakha asâhna lâ cha dy hrawh hleicharie châ ta, a pawhmao liata dawh lubyuhpa y ta, lubyuhpa cha dy thôh â sâh. Lubyuhpa cha dawh sao nata pawmikarânâ nothlahpazy ta pahlypa a châ. Atôh mianona chhao, cha hawhta taopa châ ta, dawhsaozy a hnei hra.
18
Abei vaituhpazy hyutuhpa ta theihthai bei Seriah nata ano a pazipa theihthaipa Zephania nata ochhi vaituhpa pathôh zy patu ta.
19
Pheisaih hyutuhpa pakha, khihpi liata a ypa beimachâ papangawh, râh chyhsazy moh rona rai a hriapa chârohtuhpa pheisaih hyutuhpa nata khihpi liata a ypa râh chyhsa sycharu chhao khihpi tawhta a siekhei ha ei.
20
Abei vaituhpazy hyutuhpa Nebuzarâdâ ta âmo cha a chhi ta, Riblâ khihpi liata Babylaw bei lâ tlôkhei ta.
21
Babylaw bei ta Hâmathi râh Riblâ khihpi liata âmo cha chhawh ta, a thie ha ei. Chatanachata Zudâh pathlazy cha ama râh tawhta seichâna lâ ama siekhei haw.
22
Babylaw bei Nebukaneza ta a siesaipa, Zudâh râh liata a nguapa chyhsazy châta, Sâphâ sawchapawpa Ahikâ sawchapawpa Kedaliah cha râhvaotuhpa ta tao ta.
23
Babylaw bei ta Kedaliah cha râhvaotuhpa ta a tao tahpa pheisaih hyutuhpa zydua nata ama sahlaozy ta ama thei nahta, Mizpâ khihpi liata Kedaliah lâ sie ei ta. Chazy cha Nethaniah sawchapawpa Ismela, Karia sawchapawpa Zôhanâ, Netôpha chyhsa Tahume sawchapawpa Seriah nata Mâkâ pathla sawchapawpa Zazeniah zy ama châ.
24
Kedaliah ta pheisaih hyutuhpazy nata ama sahlaozy cha bie a taih ta, ama hnohta, “Kaldia beimachâzy he chi khah u. He râh liata pahrâ u la, Babylaw bei chakao u la, chatanachata nama châta a pha aw,” tah ta.
25
Châhrasala thla sarina liata, bei pathla Elisâmâ sawchapawpa Nethaniah sawchapawpa Ismela cha, chyhsa pahrawh chhaota a vy ta, Kedaliah cha a dyuh ta, ano nata Zuzy nata Kaldia chyhsa a hnohta a ypazy chhao Mizpâ liata a thie khai ha ei.
26
Chatawhcha chyhsa zydua cha, a lai a chyh ta, pheisaih hyutuhpazy chhaota thyu ei ta, Kaldia mo ama chipa vâta, Izi râh lâ ama sie haw.
27
Babylaw bei Evimerôdâ ta a ryureina â thaona kô liata, Zudâh bei Zehôkhi cha, seichâna lâ a sie tawhta kô sythôh nata kô sarina, thla hrawh hleinona, noh kih nata noh sarina noh ta patâhna o tawhta papua ta.
28
Evimerôdâ ta Zehôkhi cha bie pha a chho ta, Babylaw liata a hnohta a ypa beizy hlâta â sâh viapa ta patyusa ta.
29
Zehôkhi cha patâhna o chysiazy pahluh ta, a hro chhôh zydua ta abei tlâhkhai liata a dôh lymâ.
30
 mohôhna châta, noh chareih ta â ngiahpa hawhta, Babylaw bei ta a hro chhôh zydua tovyuh a pie lymâ.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25