Hosea 13

Chin (Mara Bible RV (BSI))

← Chapter 12 Jump to: Chapter 14 →

1Epharai ta bie a reih khiahta cha, Chyhsazy amâ chalyu tyh; Ano cha Izarei liata cheihchalopa a châ. Châhrasala Bâlâ vâta thailei châ ha ta, Chavâta a thi haw.

2Tahmâ chhao molei via rili ei ta, Ama tâkâ ta leihpa nothlahpazy amâ tao; Cha zydua cha âmo pachâpalipa ta Zôthaipazy taopa sai a châ. Chavâta âmo kyh liata, “Atheihna a hlâpazy ta Viahchaotaw amâ pahnâ,” Ama tah tyh.

3Chavâta mydi ameih hawhta châ aw ei ta, My diati thlai ta a paipa hawhta ama châ aw. Sawhri tawhta sâh sihpa zie pathlahpa hawhta châ aw ei ta, Opy tawhta meikhuh a puapa hawhta ama châ aw.

4Châhrasala Izi râh tawhna khata, Kei he nama Khazohpa cha ei châ; Keima leipa ta Khazohpa hropa pahno leipa ei chi ta, Keima leipa ta pachhatuhpa hropa y veih ei.

5Râh chawhpa liata cha mohôh ei na ta, Râh raohpa liata ei cha deichhy ei.

6Ama lao bâ ei ta, Ama rih bie ta; Ama rih a bie nahta, Ama palôh lai ta; Kei eina my ha ei.

7Chavâta âmo châta Chakeibarôhneipa hawhta châ aw na ta; Keihchhoh hawhta Lâpi liata ei byh aw ei.

8Chavyh a taw ama chhupa hawh ta A zawhnao aw ei na ta, Ama châh-ao alâna taihta Ei hriechhei khai aw ei; Cha liata âmo cha, Chakeibarôhneipa hawhta nie aw ei na ta; Sahrâhpa hawhta Ei hriechheih khai aw ei.

9Hy Izarei, nâ dyuh chi ta, Châ baotuhpa nâ dyuhpa vâta, Pahleipadiapa na châ.

10Na bei cha khataih lia a y haw? Na khihpi to liata châ pachha awpa bei cha, Khataih liata a y haw? Na ryureituhpazy khataih liata ama y haw? “Bei nata beimachâzy na pie teh,” Tahpa ta nâ hawpazy kha, Khataih liata ama y khai haw?

11Ei hiehâhpa ta bei cha pie na ta, Ei pathi iapa ta ei la ha heih.

12Epharai taopasina cha chaty hapa châ ta, A moleinazy pachô khaipa a châ.

13Chanô sawzeih pasana ta tlô thlu ta, Châhrasala sawchapaw so leipa a châ; A daihti vaw tlô ta a vaw luah leipa ta, Chhi â pahypa lâ a vy vei.

14Athikhih ku tawhta pachha aw ei na ta, Thina tawhta ei chatlai aw ei. Hy thina, na potlana hri cha khataih liata a y? Hy Athihkhih, na châmaih cha khataih liata ma a y? Ngiachhiena cha, Ei mokhaoh tawhta nyupa a châ.

15A unawhzy hry liata Thlaochhipa ta y hra sala, Râhchawhpa lâ tawhta Abeipa thlih, Nochhi thlih a vaw pathli aw; A chavah kua aw ta, A tihnawh a hi aw; A ryusôhpa hmo pha tozy chhao, Hrao khaipa a châ aw.

16Samâri cha a Khazohpa â dyuhpa vâta, A thaileichâna a phaoh aw. Zaozi ta thi aw ei ta, Ama hawsaihzy taichheihpa ama châ aw; Ama chanô sawphaohpazy taihta Hriechheihpa ama châ aw.

← Chapter 12 Jump to: Chapter 14 →