Hosea 14

Chin (Mara Bible RV (BSI))

← Chapter 13 Jump to:

1Hy Izarei, kua la, Abeipa na Khazohpa lâ kua mah y; Na moleina vâta na pao ha hih!

2Biezy a cheipa ta, Abeipa lâ kua u la, A hnohta hetana heta tah teh u: “Moleina zydua la khai la, Hmo phapa a pyh mah y; Viahchao tôhpa hlâ vyuhpa ta, Eima hmao bietaizy eima cha vaw hlâ.

3Asuria ta miah pachha leipa aw ta, Arâzy kiah khao aw ma pi. Keimo ku ta taopa hmozy lâta, ‘Eima khazohzy nama châ,’ Tah khao hra aw ma pi. Hârapa ta nâ liata Zawngiahna a hmô tyh.

4“Ama paosaina patlâh aw na ta, A saipa ta ama kyh ei pachâ aw; Ei hiehâhna ta a kuasai ha ei.

5Izarei châta diati hawh châ aw na ta, Ano cha lilipaw hawhta pawh aw ta, Lebanaw tho hawhta thari a thla aw.

6A chiahzy pazawh aw ta, Ôli tho hawhta a ngia ngaita aw ta, Lebanaw hawhta a roh a pahâh kaw aw.

7A nohdi liata a tyuh tyhpazy vaw kua aw ei ta, Sâh hawhta ama laiseih aw; Kre zôh hawhta pawh aw ei ta, Lebanaw kresawhti hawhta ama pathâh aw.

8“Hy Epharai, Nothlahpazy cha khâpa ma ei taona aw? Kei he châ chyh-eituhpa cha châ na ta, Châ mohôhtuhpa ei châ. Meisah tho hrohpa hawhta châ na ta, Keima tawhta na theizy na hmô.

9“Chyhsa sopa ta He hmozy he a novâh sala, Chyhsa novâhpa ta Pahno thai mawh sy! Abeipa lâpizy cha a do ta, Mosiapazy ta amâ chhih thei; Moleipazy deikua cha, Amâ chapia aw.”

← Chapter 13 Jump to: