Jonah 2

Chin (Mara Bible RV (BSI))

← Chapter 1 Jump to: Chapter 3 →

1Zawna cha nga py chhôh tawhta Abeipa a Khazohpa lâ thlahchhâ ta,

2“Nôpopa ta Abeipa pado na ta, Ano ta eina chyh-ei; Athihkhih py chhôh tawhta awh na ta, Ei ao na thei.

3Ti athupa lâ na thy chi ta, Tilaipi ry lâ eina thy ha chi; Tipa-ua ta na chadô ta, Na tichatlaopa nata na tily zydua ta eina vao ei.

4Chatawhcha kei ta, ‘Na mohmô tawhta thypa châ na ta, Chatanachôta nâ chhyna o pathaihpa lâ Ei sai heih aw,’ tah na ta.

5Ei hrona la awpa ta tizy ta eina vao ei; Ti athupazy ta na chadô ei ta, Sipopazy ta ei luh ama pahly.

6Tlâhpizy thaby lâ zu na ta, Alei ta leitlâhzy hmâpa ta, Chhâzaw ta eina hraikhôh haw; Chatanachôta Hy Abeipa ei Khazohpa, Ei hrona cha khaohtlô tawhta na thaoh haw.

7Ei hrona a chhâ hai no ta, Abeipa cha a thei na ta, Ei thlahchhâna nâ lâ vaw tlô ta, Na Achhyna o pathaihpa lâ a vaw tlô.

8Hraoleipa nothlahpa a chhytuhpazy cha, Ama ngâchhihna ama pahlei tyh.

9Kei deikua cha alyna ao chhaota Atheihna cha hlâ aw na ta, Bie ei taih hapa cha ei pie aw. Pachhana cha Abeipa eih a châ,” tah ta.

10Chatawhcha Abeipa ta nga cha biepie ta, nga ta Zawna cha ngiahkâ lâ vaw pali ha ta.

← Chapter 1 Jump to: Chapter 3 →