Jonah 4

Chin (Mara Bible RV (BSI))

← Chapter 3 Jump to:

1Khazohpa ta Ninivâ khihpi a pahleipadia khao leipa vâta, Zawna cha a ly leipa ta, a hiehâh ngaita ta.

2Abeipa lâ thlahchhâ ta, “Hy Abeipa, ei châ haw na. He hmo he ei râh liata ei y thlâh no tawhna khata ei rei hapa châ vei ma? He vâna heta mah a parapa ta Tâsi lâ ei râ pâ ngâ kawpa kha a châ tâh. Nâ cha ngiachhiena nata zawngiahna a hneipa, nônaipa nata kyhpachâna ta a biepa Khazohpa châ chi ta, chhiena patlôsa awpa tawhta a palôh a panano theipa na châ tahpa pahno tlôh na ta.

3Chavâta Hy Abeipa y, ngiachhiepa ta ei hrona he tahmâ keima tawhta la ha mah y, kei châta la hropa hlâta thipa tlao a pha via,” tah ta.

4Abeipa ta, “Na hiehâhna kha â do ma?” tah ta.

5Zawna cha khihpi tawhta pua ta, khihpi nochhi lâ liata a tyuh ta, cha liata tlâhphia a hy ta. Khihpi chô liata khâpa hmo ma a vaw tlô aw tahpa hmô awpa ta, tlâhphia nohdi ry liana cha a tyuh thlâh ha ta.

6Zehôvâh Khazohpa ta titheih zôh vaw paysa ta, Zawna chô lâta pazawhsa ta, cha chata a luh pahlina nohdi piepa ta, a riethei taona tawhta vaw pachha ta. Zawna cha titheih zôh vâna chata a ly ngaita ta.

7Châhrasala a mylâ khih a dei nah ta, Khazohpa ta alôpa paysa ta, cha chata titheih zôh cha chaih ta, uah ha ta.

8Noh a vaw chhi nahta, Khazohpa ta nochhi thlih lalôhpa vaw tuah ta, Zawna cha nohsa ta a luh vawh ta, panao ha ta. Chavâta thi awpa ta hiah ta, “Kei châta la hropa hlâta thipa a pha via,” tah ta.

9Khazohpa ta Zawna hnohta, “Titheih zôh kyh ta na hiehâhna he â do ma?” tah ta. Zawna ta, “Ei hiehâhna he â do na, thi theina taihta na ei hie a hâh,” tah ta.

10Abeipa ta a hnohta, “Na hriapasana a châ leipa, na palaiseihsapa chhao a châ leipa, zâ zâ kha ta vaw y ta, zâ zâ kha ta a lei heihpa titheih zôh kha na ngia cha chhie kaw ta.

11Ninivâ khihpi, a chhôh liata chavei nata chachâh ku chhao a pahno leipa chyhsa 120,000 nata sahroh hluhpi yna khihpi, hao khihpi rônahpa hao ngiachhie aw va na ma?” tah ta.

← Chapter 3 Jump to: