Joshua 16

Chin (Mara Bible RV (BSI))

← Chapter 15 Jump to: Chapter 17 →

1Zawsi pathlazy tovyuh cha Zerikô tizy nochhi lâta a ypa Zerikô dady Zawdâh chavah tawhta a thao ta, Zerikô tawhta râhchawhpa lâta sie lymâ ta, Bethel tlâh râh lâta khy ta,

2Luzi ama tahpa Bethel tawhta Arakhi râh Atarô chapiapa ta sie lymâ ta,

3notla lâta Zaphâle râhri lâta chô ta, Behôrô mathi taihta sie ta, Keze lâ chô ta, tilaipi liata a chhâ.

4Chazy cha Zawsi pathla Manase nata Epharai chizy ryuto râh a châ.

5Hezy he Epharai pathlazy ta a pho pho ta ama to awpa ryuto râh a châ: Nochhi lâta ama râhri cha Atarôthadâ tawhta Behôrô machhua lâ taihta châ ta,

6cha tawhna chata râhri cha tilaipi lâta sie ta, maw lâta Mikamethâ y ta, nochhi lâ pakopa ta Tanâsilô lâta sie ta, Zanô nochhi lâta sie lymâ ta,

7Zanô tawhta Atarô nata Nârâ lâta chô ta, Zerikô tlô ta, Zawdâh liata a kaw pua.

8Râhri cha Tâpuah tawhta notla lâta Kânâ chavah taihta sie lymâ ta, tilaipi liata a chhâ. Chazy cha Epharai chi ta a pho pho ta ama topa ryuto râh a châ.

9Chazy thota, Manase pathlazy ryuto râhzy hry tawhta Epharai pathlazy châta raopa khihpi nata ama khichapeih zydua â hlao.

10Keze liata a pahrâpa Kâna mo deikua cha, papua veih ei. Chavâta Kâna mo cha tanoh taihta Epharai mo hry liata pahrâ ei ta, rai hriatuhpazy ta taopa ama châ.

← Chapter 15 Jump to: Chapter 17 →