bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Chin
/
Chin (Mara Bible RV (BSI))
/
Romans 16
Romans 16
Chin (Mara Bible RV (BSI))
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
1
Eima sietanô Phibi, Kenkaria Awnanopa liata chakaotuhpa pahnokheina nâmo lâta ei vaw roh.
2
Mopathaihpa a châna nata â phuhpa ta Abeipa liata a vaw ly u la, bao â ngiahna maih liata vaw bao lymâ muh vy. Kei nata chyhsa hluhpi miah a deichhy tyhpa a châ.
3
Priskilâ nata Akuilâ, Krista Zisu liata ei hrialâhpazy kha nâ naohpa muh vy.
4
Ei hrona pabohsa awpa ta rao a dao ngâhpazy châ ei ta, kei ta ama hnohta alyna bie ei reipa dei châ leipa ta, Zenitai awnanopa zydua ta alyna bie ama hlâ hra.
5
Ama o liata Awnanopa a pakhypazy chhao kha nâ naohpa muh vy. Ei kho ngaitapa Epenetâ, Asia râh liata Krista a ngiapâ tua chaipa chhao kha nâ naohpa muh vy.
6
Nâmo châta a hriapasa ngaitapa Mâri chhao kha nâ naohpa hra muh vy.
7
Ei chiheih Andrônikâ nata Zunia, patâhna o liata ei tâlâhpazy kha nâ naohpa muh vy. Âmo cha lyuhchâpazy ta ama pahno kawpazy châ ei ta, kei Krista liata ei y hlâta a y hapazy ama châ.
8
Ampaliatâ, Abeipa liata ei kho ngaitapa kha nâ naohpa muh vy.
9
Krista liata ei hrialâhpa Ubânâ nata ei kho ngaitapa Stâki kha nâ naohpa muh vy.
10
Krista liata chyhsa hmeiseihpa Apele kha nâ naohpa muh vy. Aristôbulâ chhôhkhazy kha nâ naohpa muh vy.
11
Ei chiheih Herôdiônâ kha nâ naohpa muh vy. Nâkisâ chhôhkha Abeipa liata a ypazy kha nâ naohpa muh vy.
12
Taruphanâ nata Tarôphôsâ, Abeipa châta a hriapasa ngaitapazy kha nâ naohpa muh vy. Kyhpachâpa Pâsi, Abeipa châta a hriapasa ngaitapa kha nâ naohpa muh vy.
13
Abeipa liata atlyhpa Rufu kha nâ naohpa u la, a nô, keima châ chhao ta nô a châpa kha nâ naohpa muh vy.
14
Asinkritâ, Phalekô, Hame, Patôbâ, Hamâ nata ama hnohta unawh a ypazy chhao kha nâ naohpa muh vy.
15
Philôkâ, Zulia, Neria nata a sietanô nata Ôlipâ nata ama hnohta mopathaihpa a ypa zydua kha nâ naohpa muh vy.
16
Apahnâna pathaihpa ta a naoh raihrie tyh muh vy. Krista Awnanopa zydua ta ama châ naoh.
17
Unawh saih u, biezyhpa eima cha pachupa chakhiapa ta, achhaihna taopa ta, paona châ sokhâhtuhpazy tawhta a vaih awpa ta ei châ haw ei. Âmo cha a kâsai teh u.
18
Cha hawhpa chyhsazy cha, eima Beipa Zisu Krista chakao leipa ei ta, âmo py a chakaopa tlao châ ei ta, reikah pahniapa nata papyupahly thainazy ta chyhsa pha molopazy ama dôvei tyh.
19
Khazohpa bie a zyhpa nama châzie cha mo to pahnopa a châ. Chavâta nama chô liata ei ly ngaita. Hmo phapa lâta so u la, moleina lâta deikua cha, a so leipa nama châ awpa ei khoh.
20
Thlalôhna Khazohpa ta Sâtâ cha nama phei ry liata a tlysao patoh aw. Eima Beipa Zisu Krista ngiachhiena nama hnohta y mawh sy.
21
Ei hrialâhpa Timawthy ta a châ naoh ei. Ei chiheih Lukia, Zasaw nata Sôsipatâ zy chhao ta ama châ naoh.
22
Kei Tertia, he châ rohtuhpa heta, Abeipa moh ta ei châ naoh ei.
23
Ei tlôna paw, Kaiâ, Awnanopa a pakhy tyhna o hneituhpa ta a châ naoh ei. Khihpi sôh avaotuhpa Erastâ nata eima unawhpa Kuatâ ta ama châ naoh.
24
Eima Beipa Zisu Krista ngiachhiena nama zydua hnohta y mawh sy.
25
Kô hluhpi nyupa ta a ypa bienyupa liata aluahna zipa ta, ei thâtihpha reipa nata Zisu Krista bie ei chhopa hawhta tha châ patlô theituhpa Khazohpa hnohta rônahna y mawh sy.
26
Tahmâ deikua cha, bienyupa palâhâhpa ta a y haw. Chyhsazy ta a ngiapâ ei sala, a bie ama zyh thei nawpa ta, chhâzaw Khazohpa ta biepie ta, bienyupa cha hrohsopazy châbu hmâpa ta phopi zydua hnohta pahnosapa ta a y.
27
Khazohpa sopa a y chhôhpa hnohta, Zisu Krista vâta chhâzaw ta rônahna y mawh sy! Amen.
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
All chapters:
1
2
3
4
5
6
7
8
9
10
11
12
13
14
15
16