Deuteronomy 14

Chin SCB2 (Syin Chin Bible)

← Chapter 13 Jump to: Chapter 15 →

1“Note sia Topa na Pathian ii mite na hi uh hi. Tua hi a, mithi na kaa uh ciang midangte ii vawt bangin, na pumpi noma le noma ki at heak vun a, na mai samte meet heak vun.

2Topa na Pathian neisa na hi uh a; leitung ah a teang mihing theampo sung pan ama mi tu in hong tealsa na hi uh hi.

3“ Topa ii thiang ngawl hi a ci peuma ne heak vun.

4Hi nganhingte ne thei tu nu hi: tuate sia khui, tuu, keal,

5sangai, ngamtuu, ngamkeal le sathak —

6a peangcin kaa in eakkha zongh a thai nganhing pawpo ahi hi.

7Ahizong a peangcin kaa ngawl le eakkha zongh a thai ngawl nganhingte na ne buatu uh hi. Kalaoh, bilpi le ngalhvang te ii sa ne heak vun. Tuate sia eakkha thai ahihang a peangcin kaa ngawl ahikom a thiang ngawlin kingaisun tu hi.

8Voksa ne heak vun. Amate peangcin kaa hikale eakkha thai ngawl ahikom a thiang ngawlin kingaisun hi. Hi nganhingte peuma ne heak vun a, a thisate ngawngawn tham heak vun.

9“Ngasate sung pan a hawlip le a tha neite na ne thei tu uh a,

10ahizong tui sungah a nungta hawlip le tha a nei ngawlte peuma ne heak vun; Tuate sia a thiang ngawlin kingaisun tu hi.

11“A thiang vacimte ne thei tu nu hi.

12Ahizong a nuai a vacimte ne ngawl tu nu hi: tuate sia muvanlai, simbu, muthi, mupui, mumeikaa, musan, va-ak, kalaoh vacim, tuipiva, hilniang vacimlian, vakaang, tuingumpai, ngun va, vasuangui le bak ahi hi.

19“Tha a nei lungno theampo thiang ngawl hi; ne heak vun.

20Lungno a thiang pawpo ne thei tu nu hi.

21“Ama thu in a thi thawthong nganhing sa ne heak vun. Note sungah a teang ngamdangmite in nesak thei tu nu hi, ahibuale ngamdangmite tungah zuak thei tu nu hi. Ahizong note sia Topa na Pathian neisa na hi uh a; ama mite na hi uh hi. “Tuuno sa ahibuale kealno sa sia a pui noaitui sungah huan heak vun.

22“Kum simin na lo pan an a piang theampo ii khen sawm sua khen khat — sawm a khat a tuamin koi vun.

23Tua zawkciang Topa na Pathian ii ama biak natu in a tealna munah paipui vun. Tua mun ama mai ah sawm a khat na piak uh antang, sapittui le olive thau, tuaciang tuu le keal no suakciilte ne vun. Topa na Pathian a tawntung na zatak thei natu in tuabangin hi vun.

24Topa thupha piak hangin a piang sawm a khat te puak natu in tua biakna mun khat sia na inn pan a khuala lei le, hi bangin vawt vun:

25Tua ante zuakin, a sum teng biakna munah paipui vun.

26Na du pawpo — khuisa, tuusa, sapittui, beer lei in tua mun Topa na Pathian mai ah nangma le na innkuanpuite in nuam takin ne in dawn vun.

27“Na khuate sungah a teang Levi te en thong heak vun; amate tuamin neisa bangma nei ngawl hi.

28Kum thum cin simin na piak uh sawm a khat an teng hong paipui in na khua sung uh ah khol vun.

29Hi an sia neisa bangma a nei ngawl Levi te atu le, na khua sungah a teang ngamdangmite, tangate, le meingongte atu ahi hi. Amate hong pai in a kisap bangin la tu hi. Tuabangin vawt vun, tua hile na Topa Pathian in na nasep theampo thupha hong pia tu hi.

← Chapter 13 Jump to: Chapter 15 →