Numbers 1

Chin TBR17 (Tedim Bible Revision 2017)

Jump to: Chapter 2 →

1Amaute, Egypt gam panin a paikhiat zawh uh a kum nihna, a kha nihna a ni masa ni-in, Sinai sehnel gam kikhopna puanbuk sungah Topa in Moses hopihin hih bangin ci hi:

2“Nang le Aaron in Israel mihonte khempeuh a innkuankuan, a behbehin, pasal peuhmah a milipin a phazah sim un.

3Israel sungah kum sawm nih panin a tungsiah a pha, galdo dingin a kuan thei ding mi khempeuh a honhonin na sim ding uh hi.

4A minam simin a beh sungah a lutang ahi mi khat ciat in hong huh ding uh hi.

5No hong huh dingteʼ min: Reuben sung panin Shedeurʼ tapa Elizur;

6Simeon sung panin Zurishaddaiʼ tapa Shelumiel;

7Judah sung panin Amminadabʼ tapa Nahshon;

8Issakhar sung panin Zuarʼ tapa Nethanel;

9Zebulun sung panin Helonʼ tapa Eliab;

10Josef tapate, Efraim sung panin Ammihudʼ tapa Elishama le Manasseh sung panin Pedahzurʼ tapa Gamaliel;

11Benjamin sung panin Gideoniʼ tapa Abidan;

12Dan sung panin Ammishaddaiʼ tapa Ahiezer;

13Asher sung panin Okranʼ tapa Pagiel;

14Gad sung panin Deuelʼ tapa Eliasaf;

15Naftali sung panin Enanʼ tapa Ahira ahi hi,” a ci hi.

16Hihte pen mihon sung panin a kiteel, amauʼ phung sung panin a makaite, Israel behteʼ lutangte ahi uh hi.

17Topa in Moses a thupiak bangin Moses le Aaron in a min kilo sa hih mite khawmin, a kha nihna a ni masa ni-in amaute in kum sawm nih panin a tungsiah a pha peuhmah a milipin a innkuankuan, a behbehin amau le amau a kiciamteh mihon buppite khawm uh hi. Tua ahih ciangin amah in Sinai sehnel gamah amaute a phazah a sim hi.

Jump to: Chapter 2 →