Numbers 7

Chin TBR17 (Tedim Bible Revision 2017)

← Chapter 6 Jump to: Chapter 8 →

1Moses in biakbuk dingsakin, tua biakbuk le a nazatte khempeuh sathau nuhin ap a, biakna tau le a nazatte khempeuh sathau nuhin a ap a man ni-in,

2Israel makaite, a beh ukpite, minam makaite ahi a kisim mite a ukte in,

3buk a nei leeng guk le bawngtal sawm le nih Topaʼ mai ah paipih uh a, leeng khat ah makai nih, mi khat ah bawngtal khat ciatin sehin a biakna uh pia uh hi. Amaute in biakbuk mai ah tuate pia uh hi.

4Tua ciangin Topa in Moses kiangah,

5“Kikhopna buk nasepna ah zat dingin amauʼ tung panin tuate sang inla, a nasep ciat uh tawh kizui-in Levi mite pia in,” a ci hi.

6Tua ahih ciangin Moses in leengte le bawngtalte saangin Levi mite a pia hi.

7Amauʼ nasep tawh kizui-in Gershon mite tungah leeng nih le bawngtal li pia hi.

8Siampi Aaronʼ tapa Ithamarʼ ukna nuai ah na a sem Merari mite tungah amauʼ nasep tawh kizui-in leeng li le bawngtal giat pia hi.

9Ahih hangin Kohath mite tungah bangmah pia lo hi. Bang hang hiam cih leh liangko ah a puak ding uh a siangtho nate kep ding amaute tavuan kipia hi.

10Biakna tau sathau a kinuh ni-in a ap nadingin makaite in a biakna uh biakna tau mai ah pia uh hi.

11Topa in Moses kiangah, “Biakna tau ap nadingin makai khat in ni khat ciat a biakna uh pia ding uh hi,” a ci hi.

12A ni masa ni-a biakna a pia pa pen Judah minam, Amminadabʼ tapa Nahshon ahi hi.

13Ama piakte pen biakinn shekel tawh kizui-in shekel za le sawm thum a gik ngun kuangdai khat, shekel sawm sagih a gik ngun kuang khat, an tawh biak nadingin sathau tawh a kibawl annel a dim tuak tawh;

14shekel sawm a gik kham pakan khat, paknamtui a dim tawh;

15meihal biak nadingin bawngtalno khat, tuutal khat, kum khat a pha tuuno a pa khat;

16khialhna hanga biak nadingin keel a pa khat,

17le thunuam a biakpiak nadingin bawngtal nih, tuutal nga, keel a pa nga le kum khat a pha tuuno a pa nga ahi hi. Hihte pen Amminadabʼ tapa Nahshonʼ piak ahi hi.

18A ni nih ni-in Issakhar mite a makai, Zuarʼ tapa Nethanel in biakna pia hi.

19A biak nadingin amah in biakinn shekel tawh kizui-in shekel za le sawm thum a gik ngun kuangdai khat, shekel sawm sagih a gik ngun kuang khat, an tawh biak nadingin sathau tawh a kibawl annel a dim tuak tawh;

20shekel sawm a gik kham pakan khat, paknamtui a dim tawh;

21meihal biak nadingin bawngtalno khat, tuutal khat, kum khat a pha tuuno a pa khat;

22khialhna hanga biak nadingin keel a pa khat;

23le thunuam a biakpiak nadingin bawngtal nih, tuutal nga, keel a pa nga le kum khat a pha tuuno a pa nga ahi hi. Hihte pen Zuarʼ tapa Nethanelʼ piak ahi hi.

24A ni thum ni-in Zebulun mite a makai, Helonʼ tapa Eliab ahi hi.

25Ama piakte pen biakinn shekel tawh kizui-in shekel za le sawm thum a gik ngun kuangdai khat, shekel sawm sagih a gik ngun kuang khat, an tawh biak nadingin sathau tawh a kibawl annel a dim tuak tawh;

26shekel sawm a gik kham pakan khat, paknamtui a dim tawh;

27meihal biak nadingin bawngtalno khat, tuutal khat, kum khat a pha tuuno a pa khat;

28khialhna hanga biak nadingin keel a pa khat;

29le thunuam a biakpiak nadingin bawngtal nih, tuutal nga, keel a pa nga le kum khat a pha tuuno a pa nga ahi hi. Hihte pen Helonʼ tapa Eliabʼ piak ahi hi.

30A ni li ni-in Reuben mite a makai, Shedeurʼ tapa Elizur ahi hi.

31Ama piakte pen biakinn shekel tawh kizui-in shekel za le sawm thum a gik ngun kuangdai khat, shekel sawm sagih a gik ngun kuang khat, an tawh biak nadingin sathau tawh a kibawl annel a dim tuak tawh;

32shekel sawm a gik kham pakan khat, paknamtui a dim tawh;

33meihal biak nadingin bawngtalno khat, tuutal khat, kum khat a pha tuuno a pa khat;

34khialhna hanga biak nadingin keel a pa khat;

35le thunuam a biakpiak nadingin bawngtal nih, tuutal nga, keel a pa nga le kum khat a pha tuuno a pa nga ahi hi. Hihte pen Shedeurʼ tapa Elizurʼ piak ahi hi.

36A ni nga ni-in Simeon mite a makai, Zurishaddaiʼ tapa Shelumiel ahi hi.

37Ama piakte pen biakinn shekel tawh kizui-in shekel za le sawm thum a gik ngun kuangdai khat, shekel sawm sagih a gik ngun kuang khat, an tawh biak nadingin sathau tawh a kibawl annel a dim tuak tawh;

38shekel sawm a gik kham pakan khat, paknamtui a dim tawh;

39meihal biak nadingin bawngtalno khat, tuutal khat, kum khat a pha tuuno a pa khat;

40khialhna hanga biak nadingin keel a pa khat;

41le thunuam a biakpiak nadingin bawngtal nih, tuutal nga, keel a pa nga le kum khat a pha tuuno a pa nga ahi hi. Hihte pen Zurishaddaiʼ tapa Shelumielʼ piak ahi hi.

42A ni guk ni-in Gad mite a makai, Deuelʼ tapa Eliasaf ahi hi.

43Ama piakte pen biakinn shekel tawh kizui-in shekel za le sawm thum a gik ngun kuangdai khat, shekel sawm sagih a gik ngun kuang khat, an tawh biak nadingin sathau tawh a kibawl annel a dim tuak tawh;

44shekel sawm a gik kham pakan khat, paknamtui a dim tawh;

45meihal biak nadingin bawngtalno khat, tuutal khat, kum khat a pha tuuno a pa khat;

46khialhna hanga biak nadingin keel a pa khat;

47le thunuam a biakpiak nadingin bawngtal nih, tuutal nga, keel a pa nga le kum khat a pha tuuno a pa nga ahi hi. Hihte pen Deuelʼ tapa Eliasafʼ piak ahi hi.

48A ni sagih ni-in Efraim mite a makai, Ammihudʼ tapa Elishama ahi hi.

49Ama piakte pen biakinn shekel tawh kizui-in shekel za le sawm thum a gik ngun kuangdai khat, shekel sawm sagih a gik ngun kuang khat, an tawh biak nadingin sathau tawh a kibawl annel a dim tuak tawh;

50shekel sawm a gik kham pakan khat, paknamtui a dim tawh;

51meihal biak nadingin bawngtalno khat, tuutal khat, kum khat a pha tuuno a pa khat;

52khialhna hanga biak nadingin keel a pa khat;

53le thunuam a biakpiak nadingin bawngtal nih, tuutal nga, keel a pa nga le kum khat a pha tuuno a pa nga ahi hi. Hihte pen Ammihudʼ tapa Elishamaʼ piak ahi hi.

54A ni giat ni-in Manasseh mite a makai, Pedahzurʼ tapa Gamaliel ahi hi.

55Ama piakte pen biakinn shekel tawh kizui-in shekel za le sawm thum a gik ngun kuangdai khat, shekel sawm sagih a gik ngun kuang khat, an tawh biak nadingin sathau tawh a kibawl annel a dim tuak tawh;

56shekel sawm a gik kham pakan khat, paknamtui a dim tawh;

57meihal biak nadingin bawngtalno khat, tuutal khat, kum khat a pha tuuno a pa khat;

58khialhna hanga biak nadingin keel a pa khat;

59le thunuam a biakpiak nadingin bawngtal nih, tuutal nga, keel a pa nga le kum khat a pha tuuno a pa nga ahi hi. Hihte pen Pedahzurʼ tapa Gamalielʼ piak ahi hi.

60A ni kua ni-in Benjamin mite a makai, Gideoniʼ tapa Abidan ahi hi.

61Ama piakte pen biakinn shekel tawh kizui-in shekel za le sawm thum a gik ngun kuangdai khat, shekel sawm sagih a gik ngun kuang khat, an tawh biak nadingin sathau tawh a kibawl annel a dim tuak tawh;

62shekel sawm a gik kham pakan khat, paknamtui a dim tawh;

63meihal biak nadingin bawngtalno khat, tuutal khat, kum khat a pha tuuno a pa khat;

64khialhna hanga biak nadingin keel a pa khat;

65le thunuam a biakpiak nadingin bawngtal nih, tuutal nga, keel a pa nga le kum khat a pha tuuno a pa nga ahi hi. Hihte pen Gideoniʼ tapa Abidanʼ piak ahi hi.

66A ni sawm ni-in Dan mite a makai, Ammishaddaiʼ tapa Ahiezer ahi hi.

67Ama piakte pen biakinn shekel tawh kizui-in shekel za le sawm thum a gik ngun kuangdai khat, shekel sawm sagih a gik ngun kuang khat, an tawh biak nadingin sathau tawh a kibawl annel a dim tuak tawh;

68shekel sawm a gik kham pakan khat, paknamtui a dim tawh;

69meihal biak nadingin bawngtalno khat, tuutal khat, kum khat a pha tuuno a pa khat;

70khialhna hanga biak nadingin keel a pa khat;

71le thunuam a biakpiak nadingin bawngtal nih, tuutal nga, keel a pa nga le kum khat a pha tuuno a pa nga ahi hi. Hihte pen Ammishaddaiʼ tapa Ahiezerʼ piak ahi hi.

72A ni sawm le khat ni-in Asher mite a makai, Okranʼ tapa Pagiel ahi hi.

73Ama piakte pen biakinn shekel tawh kizui-in shekel za le sawm thum a gik ngun kuangdai khat, shekel sawm sagih a gik ngun kuang khat, an tawh biak nadingin sathau tawh a kibawl annel a dim tuak tawh;

74shekel sawm a gik kham pakan khat, paknamtui a dim tawh;

75meihal biak nadingin bawngtalno khat, kum khat a pha tuuno a pa khat;

76khialhna hanga biak nadingin keel a pa khat;

77le thunuam a biakpiak nadingin bawngtal nih, tuutal nga le kum khat a pha tuuno a pa nga ahi hi. Hihte pen Okranʼ tapa Pagielʼ piak ahi hi.

78A ni sawm le nih ni-in Naftali mite a makai, Enanʼ tapa Ahira ahi hi.

79Ama piakte pen biakinn shekel tawh kizui-in shekel za le sawm thum a gik ngun kuangdai khat, shekel sawm sagih a gik ngun kuang khat, an tawh biak nadingin sathau tawh a kibawl annel a dim tuak tawh;

80shekel sawm a gik kham pakan khat, paknamtui a dim tawh;

81meihal biak nadingin bawngtalno khat, tuutal khat, kum khat a pha tuuno a pa khat,

82khialhna hanga biak nadingin keel a pa khat;

83le thunuam a biakpiak nadingin bawngtal nih, tuutal nga, keel a pa nga le kum khat a pha tuuno a pa nga ahi hi. Hihte pen Enanʼ tapa Ahiraʼ piak ahi hi.

84Biakna tau sathau a kinuh ni-in a piakte: Ngun kuangdai sawm le nih, ngun kuang sawm le nih,

85ngun kuangdai khat ciangin shekel za le sawm thum gikin ngun kuang khat ciangin shekel sawm sagih gik a, ngun kuangte khempeuh pen biakinn shekel tawh kizui-in shekel tul nih le za li gik hi.

86Paknamtui tawh a kidim kham pakan sawm le nihte, biakinn shekel tawh kizui-in khat ciangin shekel sawm gik a, kham pakan khempeuh pen shekel za le sawm nih gik hi.

87Meihal biak nadingin ganhing khempeuh pen bawngtal sawm le nih, kum khat a pha tuuno a pa sawm le nih, an-a biaknate tawh; le khialhna hanga biakna-in keel a pa sawm le nih,

88le thunuam a biakpiakna-in ganhing khempeuh bawngtal sawm nih le li, tuutal sawm guk, keel a pa sawm guk, kum khat a pha tuuno a pa sawm guk ahi hi. Hihte pen biakna tau sathau a kinuh khit ciangin apna biakna ahi hi.

89Topa tawh a kiho dingin kikhopna buk sungah Moses a pai ciangin, kherub nihteʼ kikal, thuciamna singkuang tungah a om hehpihna tokhom tung san teng panin amah a hopih awging khat om a, tua awging in Moses a hopih hi.

← Chapter 6 Jump to: Chapter 8 →