Hosea 3

Dagbani Bible (Naawuni Kundi Kasi)

← Chapter 2 Jump to: Chapter 4 →

1Ka Yawɛ daa yɛli ma, “Cham’ ti lan zaŋ a paɣa so a ni yuri la, hal o ni kul nyɛ zinalana ka zo n-doli do’ so la zaa yoli. Yum’ o kaman Yawɛ ni yuri Izraɛlnim’ shɛm, hal bɛ ni kul ŋmaligi jɛmdi buɣa ka yuri wain tiwal’ kuun’ mah’ shɛŋa, bɛ ni zaŋ mali buɣa, amaa ka man’ Yawɛ na kul yuri ba shɛm la.”

2Dinzuɣu ka n daa zaŋ anzinfa laɣibaligu pinaanu mini chi kilɔgiram kɔbiga ni pihinu yo o zuɣu.

3Ka n daa yɛl’ o, “Di simdi ka a kpalim be n sani dabisi gbaliŋ. Di bi simdi ka a lan go pagɔrisigu bee n-chɛ ka do’ so su a yaha. N gba ni be a sani lala.”

4Dama di ni yuui ka Izraɛlnim’ ku lan mali naa bee zuɣulana, ka ku lan mali maligu, ka binwɔɣila ku lan be bɛ sani. Bɛ ti ku lan mali wuni bee baɣibihi.

5Dimbɔŋɔ nyaaŋa Izraɛlnim’ ni ti lan jɛm Yawɛ ŋun nyɛ bɛ Naawuni ŋɔ, ka tibigi bɛ Naa Dauda, ka bɛ ti zɔri Yawɛ, ka bɔri zaɣ’ viɛlli o sani dabisi’ shɛŋa din bahindi nyaaŋa ŋɔ puuni.

← Chapter 2 Jump to: Chapter 4 →