bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Dagbani
/
Dagbani Bible (Naawuni Kundi Kasi)
/
Leviticus 27
Leviticus 27
Dagbani Bible (Naawuni Kundi Kasi)
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
1
Yawɛ daa yɛli Musa,
2
“Yɛlim’ Izraɛlnima, so yi po pɔri n-zaŋ daadam ti Yawɛ kaman yi ni zal o da’ shɛli,
3
di saha doo ŋun paai yuun’ pisi zaŋ hal ni yuun’ pihiyɔbu, o daa yɛn nyɛla anzinfa laɣibaligu bini pihinu kaman jɛmbu duu liɣiri zahimbu ni nyɛ shɛm.
4
Ka di yi nyɛla paɣa, o daa yɛn nyɛla anzinfa laɣibaligu bini pihita.
5
Ka dilan’ yi nyɛla ŋun paai yuma anu zaŋ hal ni yuun’ pisi, doo daa yɛn nyɛla bini pisi, ka paɣ’ mi nyɛ bini pia.
6
Ka dilan’ yi nyɛla ŋun paai goli zaŋ hal ni yuma anu, di yi nyɛla doo, o daa yɛn nyɛla anzinfa laɣibaligu bini diba anu, ka di yi nyɛla paɣa, o daa yɛn nyɛla anzinfa laɣibaligu bini diba ata.
7
Ka dilan’ yi nyɛla doo ŋun paai yuun’ pihinu zaŋ chana, o daa yɛn nyɛla anzinfa laɣibaligu bini pinaanu, ka paɣ’ mi nyɛ bini pia.
8
Ka do’ so yi nyɛla faralana ka ku tooi yo yi ni zali da’ shɛli maa, dindina yin’ zaŋmi dilan’ chaŋ maligumaana sani, ka o ti zal’ o daa, maligumaana ni zal’ o daa maa ka di dolila ŋun po pɔri maa dahima ni nyɛ shɛm.
9
“Ka di yi nyɛla biŋkɔb’ so bɛ ni zaŋdi maani sara tiri Yawɛ, ninsal’ yi zaŋ biŋkɔbigu ti Yawɛ, o nyɛla ŋun be kasi.
10
O ku lan tooi zaŋ binshɛli zal’ o zaani bee n-zaŋ binshɛli taɣ’ o n-zaŋ zaɣ’ suŋ taɣi zaɣ’ biɛɣu bee n-zaŋ zaɣ’ biɛɣu taɣi zaɣ’ suŋ. Ka o yi zaŋla biŋkɔbigu ni o taɣi biŋkɔbigu, dindina o ni zaŋ so na ni o ti taɣ’ o maa min’ o zaa ni leei bɛn be kasi.
11
Ka di yi nyɛla biŋkɔb’ so ŋun bi be kasi, ka nyɛ bɛ ni ku zaŋ biŋkɔb’ so mali sara ti Yawɛ, dindina doo maa ŋun’ zaŋm’ biŋkɔbigu maa chaŋ maligumaana sani,
12
ka maligumaana maa ti zal’ o daa ka di dol’ o ni viɛl’ shɛm bee o ni bi viɛl’ shɛm. Kaman ŋun’ maligumaana ni zal’ o daa shɛm, lala n-yɛn nyɛ li.
13
Amaa dilan’ yi bɔr’ ni o yo o zuɣu ka deeg’ o, ŋun’ yom’ daa maa pirigibu ʒiibunu yim zuɣu pahi bɛ ni zali da’ shɛli maa zuɣu.
14
“So yi zaŋ o yili ti Yawɛ ka di leei zaɣ’ kasi, maligumaana n-ni zali di daa ni nyɛ shɛm, maligumaana maa ni zali di daa ka di doli di ni viɛl’ shɛm bee di ni bi viɛl’ shɛm, ka maligumaana maa ni zali di daa shɛm, lala n-yɛn nyɛ li.
15
Ka ŋun zaŋ li ti Yawɛ maa yi bɔr’ ni o yo di zuɣu ka dee’ li, o ni yo di daa maa pirigibu ʒiibunu yim zuɣu pahi di daa maa zuɣu, ka di leeg’ o dini.
16
“So yi zaŋ o ni di tiŋgban’ shɛli fali yaɣ’ shɛli ti Yawɛ, dindina di daa yɛn dolila di ni yɛn tooi deei bimbira shɛm. Pal’ shɛli din ni biri siŋkaafa tah’ ayi daa ni nyɛla anzinfa laɣibaligu pihinu.
17
Ka o yi zaŋ o puu ti Yawɛ yi nɛma labisi ti yuuni puuni yi ni zal’ li da’ shɛli, di daa n-kul yɛn bala.
18
Amaa so yi zaŋ o puu ti Yawɛ yi chuɣu maa puhibu nyaaŋa, dindina maligumaana ni zali di liɣiri ni nyɛ shɛm, ka di doli yuun’ shɛŋa din na kpalim ni bɛ nɛma labisi ti yuuni maa, ka yi ni tooi yihi shɛli yi daa maa ni.
19
Ka ŋun zaŋ li ti Yawɛ maa yi bɔr’ ni o yo di zuɣu ka dee’ li, dindina ŋun yom’ di daa maa pirigibu ʒiibunu yim zuɣu pahi ka di leeg’ o dini.
20
Amaa ka o yi bi bɔr’ ni o yo puu maa zuɣu ka dee’ li bee o yi pun zaŋla puu maa kɔhi so zuɣu, o ku lan tooi yo di zuɣu ka dee’ li yaha.
21
Amaa bɛ yi ti deei puu maa chuɣu puhibu la saha, di ni nyɛla din be kasi Yawɛ sani, ka nyɛ bɛ ni zaŋ pu’ shɛli ti Yawɛ. Maligumaana n-ni ti su li.
22
“Ka so yi zaŋ o ni da pu’ shɛli ti Yawɛ, ka di pala o ni di tiŋgban’ shɛli fali yaɣ’ shɛli palo,
23
dindina maligumaana ni zali di daa ni yɛn nyɛ shɛm hal ti paai nɛma labisi ti yuuni maa ni, ka dilan’ ni yo di liɣiri dindali maa ka di leei din be kasi Yawɛ sani.
24
Nɛma labisi ti yuuni maa ni, di simdi ka yi labisi puu maa ti bɛ ni daa da li ninvuɣ’ so sani maa, ŋun daa su li, ka di nyɛla o di li la fali maa.
25
“Yi daa kam ni dolila jɛmbu duu sania. Gɛra bini pisi n-ni nyɛ anzinfa laɣibaligu zaɣ’ yini.
26
“Amaa biŋkɔbigu ni tuui dɔɣi bi’ so nyɛla Yawɛ ni su so, di bi simdi ka so ti lan zaŋ o ti Yawɛ. Di yi nyɛla nahu bee piɛɣu, o nyɛla Yawɛ dini.
27
Ka di yi nyɛla biŋkɔb’ so ŋun bi be kasi, dindina o ni tooi yo yi ni zal’ o da’ shɛli, ka yo o daa maa pirigibu ʒiibunu yim zuɣu pahi bee o yi bi yo ka deeg’ o, dindina yin’ kɔhimiy’ o yi ni zal’ o da’ shɛli.
28
“Amaa so yi zaŋ o ni su shɛli ti Yawɛ zaa, di yi nyɛla daadam bee biŋkɔbigu bee o ni di tiŋgban’ shɛli fali, di bi simdi ni bɛ kɔhi li bee n-yo di zuɣu ka dee’ li, bɛ ni zaŋ binshɛlikam ti Yawɛ nyɛla din be kasi zaa.
29
Bɛ ni zaŋ so ti Yawɛ, ka o nyɛ bɛ ni yɛn ku so, so ku lan tooi yo o zuɣu ka deeg’ o, bɛ kul ni ku o mi.
30
“Tiŋgbani maa atam bupia kam puuni yim zuɣu, di yi nyɛla tiŋgban’ ni bindira bee tihi wala, di nyɛla Yawɛ dini, ka nyɛ din be kasi Yawɛ sani.
31
So yi bɔr’ ni o yo pia kam puuni yim maa zuɣu ka dee’ li, o ni yo di daa pirigibu ʒiibunu yim zuɣu pahi.
32
Ka nahu kam mini piɛɣu kam ŋun pahiri pia ka nyɛ biŋkɔbigul’ ni guli so nyɛla ŋun be kasi Yawɛ sani.
33
Ka so di ti bɔhi ni o nyɛla ŋun viɛl’ bee ŋun bi viɛla, ka so mi di ti zaŋ binshɛli taɣ’ o, ka so yi ti zaŋ binshɛli taɣ’ o, dindina o min’ o ni zaŋ binshɛli taɣ’ o maa zaa ni leei din be kasi, ka so ku lan tooi yo o zuɣu ka deeg’ o.”
34
Fukumsi zaligu shɛŋa Naawuni ni daa zaŋ ti Musa Sinai Zoli zuɣu ni o zaŋ ti Izraɛlnima m-bala.
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27