bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Dagbani
/
Dagbani Bible (Naawuni Kundi Kasi)
/
Revelation 1
Revelation 1
Dagbani Bible (Naawuni Kundi Kasi)
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 2 →
1
Sabbu din be litaafi ŋɔ ni nyɛla yɛl’ shɛŋa Naawuni ni daa zaŋ ti Yisa Masia ni o kahigi binshɛŋa din yɛn niŋ wuh’ o daba. O daa timla o malaika o dabili Jɔn sani ka o ti kahigi li n-wuh’ o.
2
Ka Jɔn daa niŋ Naawuni yɛligu maa mini Yisa Masia shɛhira ni omaŋmaŋ’ nini ni daa nya shɛlikam zaa shɛhiralana.
3
Ninvuɣ’ so ŋun karindi anabitali yɛtɔɣa ŋɔ mini ninvuɣ’ shɛb’ bɛn wumdi li ka doli din sabi litaafi ŋɔ puuni mal’ alibarika, dama saha maa miriya.
4
Man’ ŋun n-sabiri gbaŋ ŋɔ tiri cheechinima ayopɔin din be Ɛsha: Naawuni ŋun be, ka daa pun be, ka ni ti kana mini shih’ ayopɔin bɛn be o nam ʒiishee tooni la ni Yisa Masia ŋun nyɛ shɛhiralana ŋun be tibi, ka nyɛ ŋun daŋ tooni n-neei kum ni, ka lan nyɛ dunia ŋɔ nanim’ toondan’ la niŋm’ alibarika niŋ yi ni, ka tin ya suhudoo din nyɛ bɛ dini. Ŋuna n-yuri ti ka daa zaŋ o ʒim fa ti ti daalahichi ni bahi,
6
ka dihi ti nam n-zaŋ ti leei maligumaaniba ni ti jɛmd’ o Ba Naawuni. Ŋuna n-simdi tibigibu, ka simdi ni o su yiko hal ni saha din ka bahigu! Ami!
7
Nyamiya, o ni ti be sagbana ni kanna, ka sokam nina ni ti nya o, hal bɛn daa zaŋ kpani kuh’ o luɣili la gba ni ti nya o, ka dunia ŋɔ zuliya kam ti fabili bɛ ni daa niŋ o shɛm zuɣu. Lala nti shiri yɛn niŋ. Ami.
8
Ti Duuma Zallakudura Naa ŋun be, ka daa pun be, ka ni ti kana la yɛliya: “N nyɛla Alfa mini Omega.” “Di gbinni nyɛla ŋun nyɛ piligu ni bahigu.”
9
Man’ Jɔn nyɛla yi mabi’ so ŋun mini ya pahi ti Duuma Yisa zuɣu n-laɣim di suɣilo ti nahiŋgu puuni o nam ni la. N daa ti bela teeku puuni tiŋgban’ bil’ shɛli din yuli booni Patmɔs la ni. Naawuni yɛligu mini Yisa shɛhira la zuɣu ka bɛ daa zaŋ ma ti niŋ nimaani.
10
Ti Duuma dabisili dali ka Naawuni Shia Kasi daa ti pali ma, ka n wum kukol’ shɛli n nyaaŋa polo ka di tahiri kaman kikaa vur’ la
11
yɛra, “Sabimi a ni yɛn nya shɛli maa niŋ litaafi ni n-zaŋ tim ti ti cheechinima ayopɔin (din be Ɛsha) la. Di tinsi n-nyɛ: Ɛfɛsus mini Smɛɛna ni Pɛɛgamum ni Taiatira ni Saadis ni Filadɛlfia ni Laodisia.”
12
Di saha ka n daa ŋmaligi lihi ni n nya ŋun yɛli ma lala maa. N ni daa lihi maa, ka n nya salima firilatamdis’ ayopɔin,
13
ka nya so ka o ʒe di sunsuuni ŋ-ŋmani daadam. O daa yɛla binyɛr’ wɔɣinli din chaŋ ti lim o napɔnvari, ka salima nyolɔrigu lo o nyɔɣu.
14
Ka o zabiri piɛli kaman piɛ’ piɛlli kɔbiri bee gumbɔrigu; ka o nina be kaman buɣim zilinli la.
15
Ka o napɔnvari be kaman daanya sun shɛli bɛ ni zaŋ she zuɣiri buɣim ni m-paɣi ka di yi viɛnyɛliŋga la. Ka o kukoli mi vuri kaman kɔzɔrim vubu la.
16
Ka o gbibi saŋmaris’ ayopɔin o nudirigu ni, ka takɔb’ dirili din mali naŋgbana ayi yir’ o nol’ ni na, ka o ninni ne kaman wuntaŋ’ ni yi neei ni o kpiɔŋ zaa shɛm la.
17
N ni daa nya o maa, ka n lu n-dɔni o tooni m-be kaman kpim’ la. Amaa ka o zaŋ o nudirigu m-pa n zuɣu ka yɛli ma, “Di chɛ ka dabiɛm mal’ a; mani n-nyɛ piligu ni bahigu,
18
ka lan nyɛ ŋun be nyɛvili ni; nyama, n daa pun kpimi ka neei, ka mi ku lan kpi hal abada. Mani n-su kum mini kpiimba biɛhigu shee saafɛbihi fukumsi.
19
Sabimi binshɛŋa a nini ni nya maa: Binshɛŋa din be mini binshɛŋa din ti yɛn niŋ dimbɔŋɔnim’ nyaaŋa.
20
A ni nya saŋmaris’ ayopɔin shɛba n nudirigu ni la mini salima firilatamdis’ ayopɔin shɛŋa la gbinni m-bɔŋɔ: Saŋmaris’ ayopɔin maa nyɛla cheechinima ayopɔin la malaikanima, ka salima firilatamdis’ ayopɔin la mi nyɛ cheechinima ayopɔin la.”
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
Recommended Reading
Commentary
Revelation Commentaries
→
Devotional
Revelation Devotional Guide
→
Get This Bible
Dagbani Bible (Naawuni Kundi Kasi) Study Bible
→