Hosea 3

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

← Chapter 2 Jump to: Chapter 4 →

1Eye Yehowa gblɔ nam bena: Gayi nalɔ̃ nyɔnu, si ame bubu le lɔlɔ̃m, eye wònye gbolo la, abe alesi Yehowa lɔ̃ Israel-viwo, ke woawo trɔ ɖe mawu tutɔwo ŋu, eye wole weintsetsebolo lɔ̃m la ene.“

2Tete metso klosalo sekel wuiatɔ̃ kple bli gomer ɖeka kple afã ƒlee.

3Eye megblɔ nɛ bena: Nɔ gbɔnye kpoo eteƒe nadidi, megawɔ gbolo o, eye megaɖe ŋutsu bubua ɖeke o, eye alea nye hã mana na wò.

4Elabena Israel-viwo anɔ anyi eteƒe nadidi, eye fia kple amegã, akpedavɔsa kple legba, kɔmewu kple aklama kpakpɛa ɖeke mana wo si o.

5Emegbe Israel-viwo atrɔ adi Yehowa, woƒe Mawu la, kple woƒe fia Dawid; eye woanɔ dzodzom nyanyanya ava Yehowa kple eƒe dɔmenyo gbɔ le ŋkekeawo ƒe nuwuwu.

← Chapter 2 Jump to: Chapter 4 →