bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Guarani
/
Guarani 2015 (Ñanderuete Ñe’ẽ Porã 2015)
/
Genesis 41
Genesis 41
Guarani 2015 (Ñanderuete Ñe’ẽ Porã 2015)
← Chapter 40
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 42 →
1
Ojehu ningo ohasa rire mokõi áño, faraon ohecha iképe ha’e oĩha ysyry rembe’ýpe;
2
ha pe ysyrýgui osẽ 7 vaka neporãva ha ndekyráva, okaru joáva kapi’ipe porãháme.
3
Ha hapykuerikuéra osẽ ambue 7 vaka ijape vai ha ipiruetereíva ha oñembo’ýva umi vaka iporãva ypýpe, pe ysyry rembe’ýpe;
4
ha umi vaka ijape vai ha ipiruetereíva omokõ umi 7 vaka neporã ha ndekyrávape, upejave faraon opáy.
5
Ha oke jevývo, ohecha iképe 7 trígo hára (espíga) henyhẽ ha okakuaa porãva peteĩ hakãguinte.
6
Umía rire osẽ 7 hára michĩ ha ipirúva, ha pe yvytu oipejúva kuarahyresẽguio ombopirupa.
7
Ha umi 7 hára michĩva omokõ umi 7 hára henyhẽ ha iporãvape. Upérõ faraon opáy ha péina ápe iképentera’e.
8
Ha ojehu ningo pe pyharevépe hi’ánga iñangekõi ichugui, ha ohenoiuka mayma Egiptoygua paje apohára ha mayma kuimba’e iñarandúvape; ha faraon omombe’u ichupekuéra ike peguare, ha ndaipóri avave ikatúva he’i faraónpe mba’épa he’ise ike peguare.
9
Upéramo pe váso rerojaha ruvicha he’i faraónpe: Ko árape chemandu’a che rembiapo vai rehe.
10
Faraon ipochy ramoguare hembiguaikuéra ndive, oremoingeva’ekue cárcelpe, pe cárcel ruvicha róga peguápe, chéve ha pe pan apoha ruvichápe.
11
Ha’e ha che avei peteĩ pyharépe rohecha ore kepegua, ha peteĩteĩ ore ke peguare omombe’úkuri umi mba’e ojehútava.
12
Oĩ upépe orendive peteĩ karia’y hebreoyguáva, pe cárcel ruvicha rembiguái, ha ore romombe’upa ichupe; ha upéi ha’e he’i oréve mba’épa he’ise ore ke peguare, ha peteĩteĩme omombe’u mba’épa he’ise ore képe rohechava’ekue.
13
Ha ojehupa ha’e hei hagueichaite oréve: Che añemoĩ jevy che rembiapokuépe, ha pe ambuépe oñemosãingo yvate.
14
Upémarõ faraon omondo ohenoiuka hag̃ua Josépe. Ha pya’e pya’e oñeguenohẽ Jose cárcelgui ha oñapĩ ha omonde hikuái ichupe ambue aópe, ou hag̃ua faraon rendápe.
15
Ha faraon he’i Josépe: Che ahecha peteĩ che kepegua, ha ndaipóri avave oikuaaukáva chéve mba’épa he’ise, ahendu katu nde remombe’ukuaaha, ha mba’épa he’ise, rehendu ramo peteĩ ke pegua.
16
Jose ombohovái faraónpe, ha he’i: Che chejeheguínte ndikatúi avei. Ñanderuete katu he’íta faraónpe mba’épa he’ise (che rupi).
17
Upémarõ faraon he’i Josépe: Che képe, aĩ ysyry rembe’ýpe;
18
ha pe ysyrýgui osẽ 7 vaka kyra ha hete porãva, okarúva kapi’ipe porãháme.
19
Upéi osẽ ambue 7 vaka ipiruete ha ivaietéva, umichagua Egípto retã tuichakuépe ndahechái gueteri.
20
Umi vaka piru ha ivaietéva katu omokõmba umi vaka kyra tenonde osẽva’ekuépe.
21
Ha umi ipirúva omokõmba rire umi ikyrávape, ha’ete ku ndo’úiva mba’evete ha upépe che apáy.
22
Ha ahecha avei ambue che képe, 7 trígo hára (espíga) okakuaa porãva peteĩ hakãguinte, henyhẽmba ha iporãmbáva.
23
Ha upéi okakuaa ambue 7 hára michĩva ha cha’ĩkuemíva, pe yvytu kuarahyresẽguio oúva ombopirupa;
24
ha umi hára michĩva omokõmba umi 7 hára iporãvape; ha ã mba’e amombe’upa umi paje apohárape, ndaipóri katu avave ijapytepekuéragui ikatúva he’i chéve mba’épa he’ise umía.
25
Upémaramo Jose he’i faraónpe: Ne mokõi ke peguare rupi Ñanderuete ohechaukase faraónpe umi mba’e Ha’e ojapótava.
26
Umi 7 vaka iporãva he’ise 7 áño; ha umi 7 hára iporãva he’ise avei 7 áño: Nde ke peguare peteĩ mba’énte he’ise.
27
Ha umi 7 vaka piru ha ivaíva osẽva’ekue hapykuerikuéra he’ise avei 7 áño ha umi 7 hára imichĩ ha icha’ĩmbáva, pe yvytu kuarahyresẽguio oúva ombopirupáva he’ise avei 7 áño ñembyahýi reheguáva.
28
Ko’ã mba’e rupi, Ñanderuete ohechauka ndéve umi mba’e Ha’e ojapótava.
29
Eikuaa porãke, ouva’erãha 7 áño hetaitereíta hi’upyrã Egípto retã tuichakuépe.
30
Hapykuéri katu oúta 7 áño pehasa asýta ñembyahýigui; ha umi hi’upyrã hetaitéva áragui oikóta tesarái ko Egípto retãpýpe, ha pe ñembyahýi ohundíta ko tetã kóvape.
31
Ha ndojehechakuaamo’ãi umi ára ryg̃uatãva, pe ñembyahýi uperiregua ipohyietereítagui.
32
Ha Ñanderuete ohechauka hague faraónpe mokõi jevy ike pegua, he’ise añetehápe ha pya’e Ñanderuete ojapotaha umi mba’e.
33
Upévare eheka ko’ág̃a peteĩ kuimba’e iñakãguapy ha iñarandúva, ombosako’ikuaapava’erãva Egípto retãme.
34
Eiporavo mburuvichakuérape oipe’ava’erãva peteĩ vosa (cáda) 5 vosa oñemono’õtava guive Egípto retã tuichakue rupi ko’ã 7 áño hi’upyrã hetaite oĩ aja.
35
Upéi toñembyaty opa tembi’urã faraónpe g̃uarã ha toñeñongatu opaite Egípto tavakuérape.
36
Upéicha nde remongarukuaáta opavavépe pe tembi’u oñeñongatupyrãva rupi, ani hag̃ua Egípto retã oñehundi ñembyahýi guasu oútava rupi.
37
Ha ko ñe’ẽ ho’a porãiterei faraon ha hembiguaikuérape,
38
upérõ faraon he’i hembiguaikuérape: Ikatúnepa jajohu ambue kuimba’e koichagua, ipype oĩva yvága Jára Pytu Porãitéva.
39
Ha faraon he’i Josépe: Yvága Jára oikuaaukapa ndéve ko’ã mba’e, ha ndaipóri ambue ndeichagua iñakãguapy ha iñarandúva,
40
upévare nde poguýpe opytáta che róga ha nde voi reisãmbyhýta avei che retã, tetã ruvicha mokõiha ramo, ha che apytátante tetã ruvicha peteĩha ramo.
41
Ha faraon he’ive Josépe: Ema’ẽ porã, che amoĩ Egípto retã tuichakue nde poguýpe.
42
Upéramo faraon oipe’a ikuãirũ ikuãgui, ha omoĩ Jose kuãre, ha omondeuka hese ao iporãva, línogui ojejapova’ekue, ha ijajúra rehe omoĩ peteĩ ajurigua oroguiguáva.
43
Uperire ohupiuka ichupe icárro mokõiháme, ha ohenduka henonderãme: Pejeity, ouhína Egípto retã ruvicha mokõiha.
44
Ha faraon he’i Josépe: Che ningo faraon (Egípto ruvicha peteĩha); nderehe’ỹ katu avave nomopu’ãiva’erã ipo térã ipy Egípto retã tuichakuépe.
45
Ha faraon ombohéra Josépe, Safnat-panéa (he’iséva: pe oporomongarúva) ha ome’ẽ ichupe Asenátpe, hembireko ramo, Potiféra rajy, péva oiko pa’i ramo Ónpe. Ha Jose osẽ (oikundaha hag̃ua) Egípto retã tuichakue.
46
Jose oguereko 30 áño oñembo’y ramoguare faraon Egípto retã ruvichaguasu renondépe, upéi ojei faraon renondégui oguata hag̃ua Egípto retã tuichakue javeve.
47
Umi 7 áño tenondeguáva pe yvy omoheñói porãiterei ha oñemono’õ hetaiterei temitỹnguéra.
48
Ha Jose ombyatyuka umi temitỹngue, umi 7 áño pukukue, ojehovasa aja Egípto retãme, ha oñongatu heta temitỹnguéra opaite tavapýpe, oñemono’õva’ekue umi kokuégui oĩva umi táva jerekuévo.
49
Jose omono’õ hi’upyrã ku yguasu rembe’y pegua yvyku’ícha, hetaitereígui ndaikatuvéima ojepapa.
50
Asenat, Potiféra rajy, On pegua pa’i, Jose rembireko, imemby Josépe g̃uarã mokõi mitãkuimba’e og̃uahẽ mboyve umi áño jehasa asy.
51
Ha Jose ombohéra ita’ýra ypykue Manases, he’ígui: Ñanderuete chembyesarái mayma angekõi vaígui, ha pe jehasa asykue che ru rogayguágui.
52
Ha ita’ýra mokõiha ombohéra Efrain, he’ígui: Ñanderuete chemboheta ko tetã ajepy’apyete haguépe.
53
Péicha oñemboty umi 7 áño oĩháme hi’upyrãita Egípto retãme.
54
Ha oñepyrũ umi 7 áño ñembyahýi reheguáva, Jose he’i haguéicha; ha ambue tetãnguéra ohasa asyeterei iñembyahyipágui avei, Egípto retã tuichakue rupi katu oĩ hi’upyrã.
55
Egiptoyguakuéra katu oñepyrũ oñandu avei pe ñembyahýi ha osapukái faraónpe ojerurévo hembi’urã rehe. Faraon katu he’i Egiptoyguakuérape: Tapeho Jose rendápe, ha pejapo ha’e he’ítava peẽme.
56
Oĩ ningo ñembyahýi ndetuicháva opa tetãpýre. Upéramo Jose oguenohẽ umi mba’e ra’ỹi oñeñongatuva’ekue, ha oñemu umi Egiptoygua ndive; ituicha tuichavéguima pe ñembyahýi Egípto retãme.
57
Ha opaite tetãgui oñeg̃uahẽ Egíptope ojogua hag̃ua Joségui hembi’urã, pe ñembyahýi og̃uahẽgui opaite tetãme.
← Chapter 40
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 42 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50