2 Thessalonians 2

Gussi (EBIBILIA ENCHENU) 2020

← Chapter 1 Jump to: Chapter 3 →

1Bono baminto, ase amang’ana ’ogocha kw’Omonene oito Yeso Kristo, na ogosangererekana gwaito ase obosio bwaye, twababoririe,

2timotengechigwa bwango na gotiga ebirengererio biaino, gose timoichanigwa na moika onde, gose namang’ana, gose ne rirube rigokagwa ng’a nkorwa asetore riarure, erigoteba ng’a rituko ri’Omonene riaikire kobao.

3Monto onde tabang’aina ase enchera ende yonsi, ekiagera rituko riria tirigocha ogwatananekana na ogotaigwera gotaracha, na omosaria bw’amachiko, omwana bw’obosiru, aorokigwe.

4Ere nomoengereria, omweimokereria igoro omonyene, igoro ya kera egekorokwa Nyasae, na ekegosasimwa. Naende nigo agoikaransa ase Hekalu ya Nyasae, okweraria omonyene ng’a nere Nyasae.

5Inee! Timware koinyora ng’a ekero narenge amo nainwe inabatebetie ayio?

6Na bono, erimotangete morimanyete, erio ekero engaki yaye eraike anyare koorokigwa.

7Naki obobisi boria bw’ogosaria amachiko bwachakire gokora emeremo bono, na oria ore kobotanga bono goika arusigweo.

8Erio agwo omosaria oria bw’amachiko aorokigwe, na Omonene Yeso namoite nomoika bw’omonwa oye, na komosiria ase amasase ’okoorokigwa kwaye.

9Ogocha kw’omosaria oria nigo kore ogokora gwa Saitani, naende nkobe nokobua gwonsi, na ebikone, na amakumia ’oborimo,

10na ase obong’ainereria bwonsi bw’ogotaba boronge ase abwo bagosira, ekiagera bangete konyora ekeene, na kogiancha erinde banyare gotoorigwa.

11Ase ayio, Nyasae nabatomere obotantanu bwe chinguru, abakore begene ayare ay’oborimo,

12erinde bagambigwe bonsi abwo bategenete ekeene, korende baare kwegokia ase ayatari ay’oboronge.

13Korende baminto, netogwenerete koiraneria Nyasae ng’a mbuya mono botambe ase engencho yaino, inwe abamwanchire n’Omonene, ekiagera Nyasae abachorete korwa omochakano, erinde monyore ogotooreka ase ogochenwa kogokorwa n’Omoika, na kwegena ekeene.

14Ase aya naro abarangereretie inwe goetera ase enchili eye twabaranderetie, erinde monyore obonene bw’Omonene oito Yeso Kristo.

15Ase igo baminto, tenena bokong’u, na mobwate chingencho echio twaborokereretie, onye nase amang’ana ’emenwa yaito, gose nase rirube riaito.

16Bono Omonene oito Yeso Kristo omonyene, na Nyasae Tata oito, oyotwanchete na otoete okoremia gwa kare na kare, na ogosemeria okuya ase obuya bwaye,

17aremie chinkoro chiaino, na abakong’ie mokore ayare boronge ase kera ogokora okuya, na amang’ana amaya.

← Chapter 1 Jump to: Chapter 3 →