2 Timothy 4

Gussi (EBIBILIA ENCHENU) 2020

← Chapter 3 Jump to:

1Nagochikire ase obosio bwa Nyasae, na obwa Kristo Yeso, oyorache kogambia abare moyo na abakure, na ase okooroka kwaye, na oboruoti bwaye.

2Randia Ring’ana ria Nyasae, kora omokia ase engaki ekogwenerete, na ase eyetakogwenereti, kurera na togonyera, na gosorora ase oboremereria bwonsi, na ase okworokereria.

3Na engaki neche, ekero abanto baraange okworokereria kw’obogima, na ase okogania kwabo okobe benyorere aborokia abange mono, ekiagera amato abo are nebiagaso.

4Barabwo mbeatanane korwa ase okoigwa ayare ay’ekeene, na koonchokera emegano ao ao.

5Korende aye, bwerite ase amang’ana onsi, oremererie emechando, kora emeremo y’oborandia, ikerania ogokora kw’obosomba bwao.

6Naki inche bono naikire koumorwa buna okoruegwa gw’ekenyugwa na engaki yane y’ogokwa yaikire.

7Narwanire esegi ere engiya, nakoorire orogendo, narendire okwegena.

8Nyuma ase aya nagacheirwe egutwa y’oboronge, eye Omonene, omogambi bw’oboronge, arang’e ase Rituko riria gose tari inche bweka arae, korende nabanto bonsi abanchete okoorokigwa kwaye.

9Teema buna oranyare gocha asende bwango.

10Naki Dema ontigire, na gwancha ense eye ya bono; ochiire Tesaloniki. Keresike ochiire Galatia na Tito Dalamatia.

11Luka bweka ore aiga amo nainche. Orentane Mariko, moche komo, ekiagera ere nigo aranyare gonkonya mono.

12Tukiko namotomire Efeso.

13Ekero orache ondentanerie egetambaa gi’okwambara, eke natigerete Karipo aria Teroa. Naboigo kogocha ondentanerie chibuku, na kobua mono chiria chi’amasankwa.

14Aleksanderi, omoturi bwe chitaai, agankorera amabe amange. Omonene namoakane koreng’ana nogokora kwaye.

15Aye bwerende korwa asare, ekiagera nigo aengereretie okworokereria gwaito.

16Ase ogwekengera kwane kwe ritang’ani onde tarenge otenenete amo nainche, korende bonsi bagantiga. Nasabire ng’a tibabarerwa ebibe ase ring’ana erio.

17Korende Omonene agatenena amo nainche, akambeka chinguru, erinde goetera asende okoraria kwe ring’ana goikeranigwe goika abanto bonsi b’Ebisaku bakoigwe. Na inche nigo natooretigwe korwa ase omonwa bw’endo.

18Omonene nansibore korwa ase amabe onsi, na antoorie goika nsoe ase oboruoti bwa igoro. Ogotogigwa nokwaye kare na kare. Amina.

19Nkwanerie Priska na Akwila, na abanto b’enyomba y’Onesiforo.

20Erasto nigo atigarete Korinto, korende Torofimo nkamotiga Mileto orwarete.

21Teema buna oranyare gocha ritang’ani obokendu botaracha. Eubulu ogokwanirie, naboigo Pudente na Lino, na Klaudia, na abaminto bonsi.

22Omonene abe amo nomoyo oo. Obuya bobe amo nainwe mwensi.

← Chapter 3 Jump to: