Galatians 6

Gussi (EBIBILIA ENCHENU) 2020

← Chapter 5 Jump to:

1Abaminto, onye omonto obuirwe nokomocha konde, inwe abamore ab’Omoika nebagwenerete koirania omonto oyio ase omoika bw’obwororo. Erigererie aye omonyene, tobaisa goteemwa.

2Bogorerania chigurube inwe ase inwe, nario moraikeranie amachiko a Kristo.

3Naki omonto karekage ng’a ere naisaine, ere taisaini kende; igo akweng’aina ere omonyene.

4Korende kera omonto arenge emeremo yaye omonyene. Onye ore nengencho y’ogwetogia, tiga ayietogerie bweka omonyene, na tereng’ania nomogisangio oye.

5Naki kera omonto nebogorererie egurube yaye omonyene.

6Korende ere oyokworokererigwa ring’ana, abwatane nere oyokomworokereria ase ebinto ebiya bionsi.

7Timong’aineka; Nyasae tagokorerwa echeche. Naki kende gionsi omonto agosimeka, nakio arache kogesa.

8Naki ere oyogosimeka ase chingencho chiaye chi’ebibe nache kogesa ogosareka korwa ase chingencho chiaye chi’ebibe, korende ere oyogosimeka ase Omoika nache kogesa obogima bwa kare na kare korwa ase Omoika.

9Titorosa gokora amaya, ekiagera natogese ekero engaki eraike, totakweti emioyo.

10Nabo gatorabe ne ribaga tokorere abanto bonsi amaya, korende kobua mono abwo bare ab’okwegena.

11Rigereria, buna chinuguta chire chinene echi nabarikeire nokoboko kwane omonyene.

12Bonsi abwo barigetie kororekana buya ase emebere yabo, abwo nabwo bakobabetereria ng’a mwarokigwe, erinde tibachandwa ase engencho y’omosalaba o Kristo.

13Naki nonya mbarabwo abanyene abarogete tibabwateti amachiko, korende mbarigetie inwe mwarokigwe, erinde banyare gwetogeria emebere yaino.

14Ogwetogia kobe are nainche, otatiga inyetogerie omosalaba bw’Omonene oito Yeso Kristo, ase oro ense yabambirwe asende, na inche ase ense.

15Naki okwaroka tai gento, gose ogotaroka tai gento, korende negento koba egetongwa ekeyia.

16Omorembe na amabera bibe amo na bonsi abaragenderere ase ogochika oko, na amo n’Abaisraeli ba Nyasae.

17Korwa bono monto onde tanchanda; naki nabogoirie ekemanyererio kia Yeso ase omobere one.

18Abaminto, obuya bw’Omonene oito Yeso Kristo bobe amo nemioyo yaino. Amina.

← Chapter 5 Jump to: