Jonah 3

Gussi (EBIBILIA ENCHENU) 2020

← Chapter 2 Jump to: Chapter 4 →

1Ring’ana ri’Omonene rigacha ase Yona eria kabere, rikamotebia,

2“Imoka ogende Nineva, omochie oria omonene, erio orarieo amang’ana ndagotebie.”

3Ase ayio Yona akaimoka, akagenda Nineva buna Omonene amochigete. Omochie oria nigo orenge omonene mono, oisaine orogendo rw’amatuko atato ase okoyobutokania.

4Yona agachaka goeta ase omochie oria, akaira rituko erimo, agaaka eriogi agateba, “Atigaire amatuko emerongo ene oka, erio Nineva oonchoranwe.”

5Abanto ba Nineva bakegena amang’ana a Nyasae, bakararia okweng’ata, na abanto bonsi pi, korwa omonene goika omoke, bakeboyia chigunia.

6Ekero amang’ana ayio aigete ase omoruoti, ere akaimoka korwa ase ekerogo kiaye ki’obonene, akarusia engobo yaye y’obonene, akeboyia chigunia, agaikaransa ase ribu igoro.

7Erio amang’ana akararigwa ase Nineva bwonsi kobwatekana nogochika kw’omoruoti amo nabannene b’oboruoti bwaye, agateba: “Monto onde tabaisa koria kende; nonya neng’iti ende yonsi, gose eng’ombe, tichibaisa korisigwa, gose konyoisigwa.

8Korende kera omonto eboyie egunia, ne ching’iti boigo chitubwe chigunia. Kera oyomo arere ne chinguru ase Nyasae aonchoke atige obobe bwaye na obourereria bore ase amaboko aye.

9Ning’o omanyete, ande nabo Nyasae arabaise koonchora ebirengererio biaye, erinde atige endamwamu yaye entindi, intwe titosirigwa.”

10Ekero Nyasae aroche aya bakorete, buna baonchogete bagatiga ogokora kwabo kw’ebibe, ere akaonchora ebirengererio biaye, tabakorera aria konya atebire ng’a abakorere.

← Chapter 2 Jump to: Chapter 4 →