Song of Solomon 7

Gussi (EBIBILIA ENCHENU) 2020

← Chapter 6 Jump to: Chapter 8 →

1Aye omoiseke bw’omogambi, naki ebisanyi bi’amagoro ao bire ebiya ase ebikoroto ime! Naki amariagati ao amerete buya, are buna emeremo y’omoroisia omong’aini.

2Ekenyobu kiao nigo keborongosire buya buna egetaabo getari koererwa edivai yochoganirie. Enda yao nigo ere buna etui y’engano, eetananeirie ebisicha ebiya.

3Chimbeere chiao nigo chinga buna chimanwa ibere chire chisare chi’engabi.

4Rigoti riao nigo ringa buna omorobiri oroiseirie amaino e chinchogu, amaiso ao nigo anga buna amatibo a Hesiboni, ang’e negeita kia Bati‐Rabimu. Emioro yao nigo enga buna omorobiri o Lebanoni orochie Damesiki.

5Omotwe oo nigo osongoire buna egetunwa gia Karimeli. Etukia y’omotwe oo ekona‐gosanyoka nigo ere ekieni kemonyinga; eyio yang’usire omoruoti.

6Naki aye ore omoseera naende oyo bw’okogokia mono! Aye omwanchi bw’okogokia!

7Aye nigo okinete buna omokendo, ne chimbeere chiao nigo chire buna ebisago bi’amasabibu.

8Nkarengereria: Nkoriina inde omokendo oyo, imbwaterere chinsagia chiaye. Naki yare koba buya onye chimbeere chiao nchiaba buna ebisago bi’amasabibu, ne rimisu ri’omonwa oo ribe buna eri’amapera,

9na omonwa oo obe buna edivai ere engiya mono. Ee, edivai eyio nigo egetirimboka gochia ime y’omwanchi one, naende yanyororoka ng’ora ng’ora, yakuna ebikoba bi’abwo baraire.

10Inche nigo inde oyo bw’omwanchi one, ere nigo are namaiga asende.

11Aye omwanchi one, inchuo togende ase amaremo aito, tobeere ase emechie botuko,

12toimoke mambia chuni togende ase emegondo y’emesabibu, torore gose yachakire goseboka, naende gose amasabibu amanokire na gosicha, boigo gose amakomomanga asichire. Aroro agwo ninkoboanie nobwanchani bwane.

13Aye omwanchi one, amatunda amansu nigo agotioka rimisu rigiya mono, na igoro y’ebisieri biaito nareo amatunda ao ao are amaya mono, amakoro na amayia; ayio nasangereirie ase ogokogachera.

← Chapter 6 Jump to: Chapter 8 →