2 Peter 1

Hausa Arabic 2020 (أَتَّوْرَتْ دَ أَنَّبَاوَا)

Jump to: Chapter 2 →

1دَغَ سِيمَنْ بِتْرُسْ، بَاوَنْ عِيسَىٰ أَلْمَسِيحُ ، مَنْذُوانْسَ كُمَ، ذُوَاغَ وَطَنْدَ سُكَ سَامِ بَنْ‌غَسْكِيَ مَيْ دَرَجَ كَمَرْ يَدَّ مُو مَا مُكَ سَامُ، تَوُرِنْ أَدَلْثِنْ اللَّهْ نْمُ كُمَ مَيْ ثٜىٰتُوانْمُ عِيسَىٰ أَلْمَسِيحُ ؞

2بَرِ اللَّهْ يَڧَارَ مُكُ أَلْحٜىٰرِ دَ سَلَمَ عَيَلْوَثٜىٰ تَوُرِنْ سَنِنْ اللَّهْ دَ عِيسَىٰ عُبَنْ‌غِجِنْمُ ؞

3اللَّهْ ثِكِنْ إِيكُوانْسَ يَبَامُ دُكَنْ أَبِنْدَ مُكٜىٰ بُڧَاتَ دُواْمِنْ مُيِ رَايُوَا إِرِ تَمَاسُ حَلِ إِرِنَّ اللَّهْ ؞ دُكَنْ وَطَنَّنْ أَبُبُوَ نَامُ نٜىٰ دُواْمِنْ مُنْ سَنْ أَلْمَسِيحُ سُواْسَيْ؞ يَكِرَامُ ذُوَاغَ يِنْ تَرَيَّ دَشِ ثِكِنْ طَوْكَكَرْسَ دَ نَغَرْتَارْسَ؞

4تَوُرِنْ أَبُبُوَنَّنْ يَبَامُ مَنْيَنْ أَلْكَوَرَنْسَ مَاسُ دَرَجَ، دُواْمِنْ تَوُرِنْسُ، كُإِيَ تَرَيَّ دَشِ ثِكِنْ اللَّهْ نْتَكَرْسَ، كُكُمَ ڟِيرَا دَغَ مُغُنْتَارْ دَتَكٜىٰ عَدُونِيَا وَدَّ مُوغَيٜىٰنْ شَعَوَثٜىٰ شَعَوَثٜىٰ سُكٜىٰ جَٰوُاْوَ؞

5سَبُواْدَ حَكَ، سَيْ كُيِ إِيَاكَرْ ڧُواْڧَرِنْكُ كُڧَارَ عَكَنْ أَبِنْدَ كُكَ ڢَارَ دَشِ؞ وَتُواْ، عَكَنْ بَنْ‌غَسْكِيَرْكُ كُڧَارَ دَ حَلِنْ كِرْكِ؞ عَكَنْ حَلِنْ كِرْكِنَّنْ، سَيْ كُڧَارَ دَ سَنِنْ اللَّهْ ؞

6عَكَنْ سَنِنْ اللَّهْ كُمَ سَيْ كُڧَارَ دَ كَامُنْ كَيْ؞ عَكَنْ كَامُنْ كَيْ كُمَ سَيْ كُڧَارَ دَ جِمْرٜىٰوَ؞ عَكَنْ جِمْرٜىٰوَ كُمَ، سَيْ كُڧَارَ دَ حَلِ إِرِنَّ اللَّهْ ؞

7عَكَنْ حَلِ إِرِنَّ اللَّهْ كُمَ سَيْ كُڧَارَ دَ سُوانْ یَنْعُوَ؞ عَكَنْ سُوانْ یَنْعُوَ كُمَ، سَيْ كُڧَارَ دَ ڧَوْنَ؞

8عِدَنْ كُمَ هَلَيٜىٰنَّنْ سُنَ يَلْوَتَ، سَنِنْ عُبَنْ‌غِجِنْمُ عِيسَىٰ أَلْمَسِيحُ دَ كُكٜىٰ دَشِ ذَيْسَا كُذَمَ مَاسُ ڨُوذُواْ دَ مَاسُ أَمْڢَانِ كُمَ؞

9غَمَا دُكْ وَنْدَ يَرَسَ هَلَيٜىٰنَّنْ، بَايَغَنِ سُواْسَيْ، شِے مَكَهُواْنٜىٰ؞ يَكُمَ مَنْتَادَ ڟَبْتَثٜىٰوَرْ دَ عَكَيِ مَسَ دَغَ ذُنُبَنْسَ نَدَا؞

10سَبُواْدَ حَكَ، يَا كُو یَنْعُوَ، كُڧَارَ ڧُواْڧَرِنْكُ كُتَبَّتَرْ دَ كِرَنْكُ دَ ذَاٻٜىٰنْكُ وَنْدَ اللَّهْ يَيِ مُكُ؞ عِدَنْ كُنْيِ حَكَ بَذَاكُ تَٻَ ڢَاطِبَ كُواْ كَطَنْ؞

11تَهَكَ كُمَ ذَاعَ بَاكُ ثِكَكِّيَرْ مَرَبْتَرْ شِغَ ثِكِنْ مَدَوَّمِنْ مُلْكِ نَ عُبَنْ‌غِجِنْمُ عِيسَىٰ أَلْمَسِيحُ مَيْ ثٜىٰتُوانْمُ؞

12سَبُواْدَ حَكَ، ذَنْ دِنْ‌غَ تُنَ مُكُ دَ وَطَنَّنْ أَبُبُوَ، كُواْدَيَكٜىٰ كُنْ رِغَا كُنْ سَنْسُ، كُنْ كَڢُ سُواْسَيْ ثِكِنْ غَسْكِيَرْ دَ كُكَ كَرْٻَ؞

13أَغَنِينَ دَيْدَيْنٜىٰ مُدِّنْ إِنَدَ رَيْ، إِنْيِ تَتُنَ مُكُ،

14دَيَكٜىٰ نَسَنِ نَيِ كُسَنْ تُوٻٜىٰ جِكِنَّنْ مَيْ مُتُوَ، كَمَرْ يَدَّ عُبَنْ‌غِجِنْمُ عِيسَىٰ أَلْمَسِيحُ يَنُونَ مِنِ؞

15دُواْمِنْ حَكَ ذَنْيِ إِيَاكَثِنْ ڧُواْڧَرِنَ إِنْ‌غَا ثٜىٰوَ كُنْ رِڧٜىٰ وَطَنَّنْ أَبُبُوَ ثِكِنْ ظُكَاتَنْكُ كُواْوَنٜىٰ لُواْكَثِ كُواْ مَا بَايَنْدَ نَبَرْ دُونِيَرْ نَنْ؞

16أَيْ، أَ لُواْكَثِنْ دَ مُكَ ڢَطَا مُكُ لَابَرِنْ يَدَّ عُبَنْ‌غِجِنْمُ عِيسَىٰ أَلْمَسِيحُ يَبَيَّنَ دَ إِيكُواْ، بَا تَڟُونِيُواْيِنْ دَ عَكَ ڧِرْڧِرُواْ دَ وَيُواْ مُكَبِبَ؞ أَعَ! دَ عِدُوانْمُ نٜىٰ مُكَغَ طَوْكَكَارْسَ؞

17أَسَعَدَّ يَكَرْٻِ غِرْمَ دَ طَوْكَكَ دَغَ وُرِنْ اللَّهْ عُبَا كُمَ مُنَانَنْ أَوُرِنْ، سَعَدَّ مُرْيَرْ اللَّهْ مَيْ طَوْكَكَ مَڢِے غِرْمَ تَنَ ثٜىٰوَ «وَنَّنْ طَانَ نٜىٰ دَ نَكٜىٰ ڧَوْنَ؞ ذُوثِيَاتَ تَنَ جِنْ دَاطِنْسَ ڨُورَيْ؞»

18مُو كَنْمُ مُنْجِ مُرْيَرْ نَنْ دَغَ سَمَ سَعَدَّ مُكٜىٰ تَرٜىٰدَشِ عَكَنْ بَبَّنْ تُدُنَّنْ مَيْ ڟَرْكِے؞

19وَطَنَّنْ أَبُبُوَ دُكْ سُنْ بَامُ تَبَّثِنْ مَغَنَرْ أَنَّبَاوَا نَدَا غَمٜىٰدَشِ؞ يَا ݣَوْتُ ڢَا كُمَيْدَ حَنْكَلِ غَ وَنَّنْ مَغَنَ سَبُواْدَ تَذَمَ كَمَرْ ڢِتِلَ مَيْ حَصْكَكَاوَا أَوُرِے مَيْ دُهُ حَرْ ذُوَا وَايٜىٰوَرْ غَرِ، لُواْكَثِنْ دَ حَصْكٜىٰنْ تَوْرَرُواْ نَسَاڢِيَ يَٻُلُّواْ مُكُ أَ ذُوثِيَا؞

20عَمَّا دَ ڢَارِ دَيْ، كُسَنِ ثٜىٰوَ بَابُ أَنَّبْثِ عَثِكِنْ رُبُوتَثِّيَرْ مَغَنَرْ اللَّهْ دَ ذَاعَ عِيَ ڢَسَّرَسُ تَوُرِنْ رَعَيِنْ مُتُمْ؞

21غَمَا مَغَنَرْ أَنَّبْثِ بَتَتَٻَ ذُوَا تَوُرِنْ نُڢِنْ مُتُمْبَ؞ رُوحٌ اللَّهْ نٜىٰ يَشِغَ ظُكَاتَنْ مُتَنٜىٰ يَسَاسُ سُڢَطِ أَبِنْدَ سُكَ كَرْٻَ دَغَ وُرِنْ اللَّهْ ؞

Jump to: Chapter 2 →

Recommended Reading

Commentary 2 Peter Commentaries → Devotional 2 Peter Devotional Guide → Get This Bible Hausa Arabic (أَتَّوْرَتْ دَ أَنَّبَاوَا) Study Bible →