2 Peter 2

Hausa Arabic 2020 (أَتَّوْرَتْ دَ أَنَّبَاوَا)

← Chapter 1 Jump to: Chapter 3 →

1عَمَّا ڢَا، أَدَا أَنَّبَاوَا مَاسُ رُوطِ سُنْ ڢِتُواْ دَغَ ثِكِنْ مُتَنٜىٰنْ اللَّهْ ؞ تُواْ، حَكَمَا، وَطَنْسُ مَلَمً ڧَضْيَا ذَاسُ كَسَنْثٜىٰ عَثِكِنْكُ؞ ذَاسُ كَٰوُاْ وَتَ كُواْيَرْوَا عَٻُواْيٜىٰ، سُكُواْيَ وَمُتَنٜىٰ ڧَضْيَارْ دَ ذَاتَ ٻَاتَسُ، حَرْ ذَاسُڧِ عُبَنْ‌غِجِ ، وَنْدَ يَڢَنْشِ رَنْسُ؞ بَا لَابَرِ يِنْ حَكَ كُوَ ذَيْ جَٰوُاْ مُسُ هَلَّكَ؞

2مُتَنٜىٰ دَيَوَ كُوَ ذَاسُبِے هَلَيٜىٰنْسُ نَنٜىٰمَنْ جِنْ دَاطِے نَرَشِنْ كُنْيَا؞ تَدَلِيلِنْسُ كُوَ وَطَنْسُ مُتَنٜىٰ ذَاسُ رٜىٰنَ حَنْيَرْ غَسْكِيَ؞

3ثِكِنْ ݣُوطَيِنْسُ ذَاسُيِ ڧُواْڧَرِنْ يِنْ رِيبَ عَكَنْكُ دَ مَغَنْ‌غَنُنْ ڧَضْيَا؞ عَمَّا دَيْ تُنْدَ دَطٜىٰوَ أَنْرِغَا أَنْيَنْكٜىٰ مُسُ حُكُنْثِ؞ كُمَ هَلَّكَرْسُ تأَنَانً تَنَ جِضَانْسُ؞

4كُواْ مَلاَىِٕكُ، أَدَا سَعَدَّ سُكَيِ ذُنُوبِ، اللَّهْ بَيْ ڨَلٜىٰسُبَ، عَمَّا يَجٜىٰڢَسُ أَغِدَنْ وُتَا؞ يَطَوْرٜىٰسُ عَثِكِنْ رَامِ مَيْ ظُرْڢِ، مَيْ بَڧِنْ دُهُ عِنْدَ سُكٜىٰ جِضَانْ رَانَرْ حُكُنْثِ؞

5أَ زَامَانِنْ دَا كُمَ، اللَّهْ بَيْ بَرْ مُتَنٜىٰنْ دَ بَسُ كَسَنْثٜىٰ دَ حَلِنْ اللَّهْ بَ، عَمَّا يَهَلَكَاسُ تَوُرِنْ بَبَّرْ أَمْبَلِيَرْ ضُوَ؞ سَيْ نُوحُ نٜىٰ كَطَيْ مَيْ وَعَظِنْ أَدَلْثِے، تَرٜىٰدَ مُتَنٜىٰ غُدَا بَݣَويْ، سُونٜىٰ اللَّهْ يَكِيَايٜىٰسُ دَغَ بَبَّرْ أَمْبَلِيَرْنَنْ دَ عَكَيِ وَدُونِيَا؞

6اللَّهْ يَكُمَ هَلَّكَرْ دَ بِرَنٜىٰنْ سُواْدُوامْ دَ غُواْمُواْرَ، يَا مَيْدَسُو تُواْكَ، يَكُمَ مَيْدَسُو أَبِنْ مِصَالِ نَ إِرِنْ أَبِنْدَ ذَيْ يِدَ مَرَسَ حَلِ إِرِنَّ اللَّهْ ؞

7يَا كُمَ ثٜىٰثِ لُوطُ، وَتُواْ مَيْ أَدَلْثِنَّنْ؞ لُوطُ يَا دَامُ ڨُورَيْ غَمٜىٰدَ إِرِنْ مُوغَيٜىٰنْ أَيُّكَ نَمُتَنٜىٰنْ سُواْدُوامْ مَرَسَ بِنْ دُواْكَا؞

8غَمَا وَنَّنْ مُتُمْ مَيْ أَدَلْثِنٜىٰ، عَمَّا يَنَ ظَوْنٜىٰ ثِكِنْ مُوغَيٜىٰنْ مُتَنٜىٰ، يَنَ تَغَنِنْ مُغُنْتَارْسُ كُواْوَثٜىٰ رَانَ، يَنَ كُمَ جِنْ إِرِنْ مُنَانَنْ مَغَنْ‌غَنُنْسُ، حَرْ رَنْسَ يَيِ تَٻَاثِ ڨُورَيْ عَكَنْسُ سَبُواْدَ سُو مَرَسَ بِنْ دُواْكَا نٜىٰ؞

9تُواْ، عِدَنْ حَكَنٜىٰ، تَوُرِنْ إِرِنْ وَطَنَّنْ مِصَلَيْ نٜىٰ مُكَ سَنِ ثٜىٰوَ لَلَّيْ اللَّهْ يَنَ عِيَ ثٜىٰتُوانْ مَاسُ حَلِنْسَ دَغَ ثِكِنْ ڠُوجٜىٰ ڠُوجٜىٰنْسُ؞ اللَّهْ يَا سَنْ كُمَ يَدَّ ذَيْ ڟَرٜىٰ مَاسُ مُغُنْتَا حَرْ ذُوَا رَانَرْ شَرِيعَ،

10مُسَمَّنْ مَاسُبِنْ مُوغُوَرْ شَعَوَرْ جِكِنْسُ دَ كُمَ مَاسُ رٜىٰنَ شُوغَبَنْثِ؞ وَطَنَّنْ مَلَمَيْ مَاسُ ڧَضْيَا دَيْ، بَا سُ دَ كُنْيَا سَمْ! غِرْمَنْ كَيْ غَرٜىٰسُ؞ بَاسَجِنْ ڟُواْرُوانْ كُواْمٜىٰ، حَرْ سُنَ ذَاغِنْ حَلِتُّو مَاسُ دَرَجَ أَ سَمَ؞

11عَمَّا كُواْدَيَكٜىٰ مَلاَىِٕكُ دَ كَنْسُ، وَطَنْدَ سُكَڢِے مَلَمَنَّنْ ڧَرْڢِے دَ إِيكُواْ، دُكْدَهَكَ بَسُ طُواْرَ مُسُ لَيْڢِے حَطٜىٰ دَ ذَاغٜىٰ ذَاغٜىٰ أَغَبَنْ عُبَنْ‌غِجِ بَ؞

12عَمَّا وَطَنَّنْ مُتَنٜىٰ، سُنَيِنْ مَغَنَرْ رٜىٰنِ عَكَنْ أَبُبُوَنْ دَ بَسُ غَانٜىٰبَ؞ سُو كَمَ دَ دَبُّواْبِنْ دَاجِ مَرَسَ تُنَانِ نٜىٰ، مَاسُبِنْ أَبِنْدَ جِكِنْسُ يَكٜىٰ شَعَوَرْسَ نٜىٰ كَوَيْ، وَطَنْدَ عَكَ حَيْڢٜىٰسُنٜىٰ دُواْمِنْ عَكَامَسُ عَكَشٜىٰ كَوَيْ؞ أَيْ، ذَاسُ هَلَّكَ كَمَرْ دَبُّواْبِنْ دَاجِ!

13كُمَ كَمَرْ يَدَّ سُكَبَا وَطَنْسُ وَهَلَ، حَكَ سُو مَا ذَاعَ وَهَلْشٜىٰسُ؞ سُنْ طَوْكَ شَيٜىٰ شَيٜىٰ دَ إِسْكَنْثِ دَ رَانَ ڟَكَ أَبِنْ جِنْ دَاطِے نٜىٰ؞ سُنْ ذَمَ أَبِنْ عَيْبِے دَ كُمَ أَبِنْ كُنْيَا؞ سُنَ جِنْ دَاطِنْ رُوطُ حَرْ مَا سَعَدَّ سُكٜىٰثِ سُكٜىٰشَا تَرٜىٰ دَكُو أَ زُمُنْتَرْكُ؞

14عَكُلُّمْ سُنَ ثِكٜىٰ دَ تُنَانِنْ يِنْ ظِنَ، حَرْ مَا بَاسَ غَاجِيَ دَ يِنْ ذُنُوبِ؞ سُنَ كُوَ رُوطِنْ مَرَسَ ڧَرْڢِے ثِكِنْ بَنْ‌غَسْكِيَ؞ سُنْ ذَمَ ڠُونَيٜىٰ عَكَنْ ݣُوطَيِ؞ إِرِنْسُ كُوَ لَعَنَنُّنْ یَیَ نٜىٰ؞

15سُنْ بَرْ حَنْيَرْ غَسْكِيَ، سُنَ بِنْ حَنْيَرْ بَلَعَمْ طَنْ بٜىٰيُوارْ وَنْدَ يَنَ سُوانْ لَادَنْ عَيْكِنْ مُغُنْتَا؞

16عَمَّا أَنْڟَاوَتَا مَسَ عَكَنْ ذُنُوبِنْ غَنْ‌غَنْثِ، حَرْ جَاكِنْ دَ بَيْتَٻَيِنْ مَغَنَبَ، يَيِمَسَ مَغَنَ دَ مُرْيَ إِرِنْ تَمُتُمْ، دُواْمِنْ يَحَنَ أَنَّبِنَّنْ يِنْ ٻَرْنَرْسَ؞

17وَطَنَّنْ مَاسُ ڧَضْيَا سُنَ كَمَ دَ مَٻُٻُّغَرْ ضُوً دَتَبُوشٜىٰ، كَمَرْ حَزُواْ وَنْدَ إِسْكَ تَكَنْ كُواْرَ؞ حَڧِيڧَ اللَّهْ يَا شِرْيَ مُسُ وُرِنْ ذَمَ ثِكِنْ بَڧِنْ دُهُ؞

18غَمَا مُتَنٜىٰنَّنْ، تَوُرِنْ سُورُوتُ دَ مَغَنْ‌غَنُنْ بَنْظَ دَ حَلِنْسُ نَنٜىٰمَنْ جِنْ دَاطِے نَرَشِنْ كُنْيَا، سُنَ ڧُواْڧَرِ سُجَٰوُاْ وَطَنْدَ سُكَ كُٻُتَ بَدَ دَطٜىٰوَبَ دَغَ مَاسُ رَايُوَرْ ذُنُوبِ؞

19سُنَيِ مُسُ أَلْڧَوَرِنْ سَامُنْ یَنْثِ، عَمَّا سُو دَ كَنْسُ بَايِنٜىٰ غَ عَيْكَتَ لَلَتَ؞ غَمَا مُتُمْ بَاوَ نٜىٰ غَ دُكَنْ أَبِنْدَ يَشَا كَنْسَ؞

20مَيْ يِوُوَ مُتُمْ يَڟِيرَا دَغَ ڧَظَنْتَا تَ دُونِيَرْ نَنْ تَوُرِنْ سَنِنْ عُبَنْ‌غِجِنْمُ عِيسَىٰ أَلْمَسِيحُ وَنْدَ شِينٜىٰ مَيْ ثٜىٰتُوانْمُ، سَعَنً دَغَ بَايَ يَسَاكٜىٰ شِغَ ثِكِنْ ڧَظَنْتَرْ؞ عِدَنْ يَا يِهَكَ، حَرْ أَبُبُوَنَّنْ سُنْ شَا كَنْسَ، لَلَّيْ وَنَّنْ مُتُمْ ڧَرْشٜىٰنْ ذَمَنْسَ ذَيْڢِ نَڢَرْكُواْ مُونِ أَيْنُنْ؞

21دَاعَثٜىٰ إِرِنْ وَطَنَّنْ مُتَنٜىٰ بَسُ تَٻَ سَنِنْ حَنْيَرْ أَدَلْثِبَ تُنْدَ ڢَرْكُواْ دَا يَڢِ مُسُ؞ عَمَّا غَاشِ، بَايَنْدَ سُكَ سَنْ حَنْيَرْ، سَعَنً سُكَ كُواْمَ دَ بَايَ سُكَ بَرْ بِنْ عُمَرْنِنَّنْ مَيْ ڟَرْكِے وَنْدَ عَكَبَاسُ؞

22أَيْ، أَبِنْدَ سُكَ عَيْكَتَ نَنْ يَيِ دَيْدَيْ دَ كَرِنْ مَغَنَرْ نَنْ مَيْ ثٜىٰوَ «كَرٜىٰ يَيِ أَمَيْ سَعَنً يَكُواْمَ يَلَشٜىٰ أَمَنْسَ،» دَ كُمَ «أَلَدٜىٰنْ دَ عَكَيِوَ وَنْكَ يَكُواْمَ بِرْغِمَ ثِكِنْ لَاكَ؞»

← Chapter 1 Jump to: Chapter 3 →