2 Peter 3

Hausa Arabic 2020 (أَتَّوْرَتْ دَ أَنَّبَاوَا)

← Chapter 2 Jump to:

1یَنْعُوَ وَطَنْدَ نَكٜىٰ ڧَوْنَ، وَنَّنْ عِتَثٜىٰ وَسِيڧَاتَ تَبِيُ ذُوَا غَرٜىٰكُ؞ عَثِكِنْ دُكَنْسُ بِيُ كُوَ إِنَ تُنَ مُكُ دَ وَطَنَّنْ أَبُبُوَ دُواْمِنْ إِنْظُغَكُ كُيِ تُنَانِ مَيْ ڟَبْتَ أَ ذُوثِيَارْكُ؞

2إِنَ سُواْ كُمَ كُتُنَ دَ أَبُبُوَنْ دَ أَنَّبَاوَا مَاسُ ڟَرْكِے نَدَا سُكَ ڢَطِ دَ كُمَ عُمَرْنِنْ دَ عُبَنْ‌غِجِ مَيْ ثٜىٰتُواْ يَڢَطِ تَبَاكِنْ مَنْذَنِّےنْدَ يَعَيْكُواْ وُرِنْكُ؞

3دَ ڢَرْكُواْ دَيْ، كُغَانٜىٰ دَ وَنَّنْ ثٜىٰوَ عَڧَرْشٜىٰنْ زَامَانِ مَاسُبَعَ ذَاسُ ڢِتُواْ سُنَا يِمُكُ بَعَ، سُنَ كُمَ بِنْ مُوغُوَرْ شَعَوَرْ جِكِنْسُ؞

4ذَاسُثٜىٰ «أَشٜىٰ، بَ عِيسَىٰ يَا يِمُكُ أَلْڧَوَرِ ثٜىٰوَ ذَيْسَاكٜىٰ دَاوُاْوَ بَ؟ تُواْ، إِنَا يَكٜىٰ؟ كَاكَنِّنْمُ سُنْ بَرْ دُونِيَا تُنْتُنِ، عَمَّا دُكَنْ كُواْمٜىٰ يَثِيغَبَ بَاسَكٜىٰوَ تُنْڢَرْكُوانْ حَلِتَّ؞»

5مَاسُ ڢَطِنْ حَكَ دَيْ دَغَنْ‌غَنْ سُكٜىٰ ڧِنْ كُلَ دَ ثٜىٰوَ تَوُرِنْ كَلْمَرْ اللَّهْ نٜىٰ أَدَا سَمَ دَ ڧَسَا سُكَ كَسَنْثٜىٰ؞ دَغَ ضُوَ نٜىٰ عَكَ صِڢَّتَا ڧَسَا، ڧَسَا كُوَ تَكَسَنْثٜىٰ دَ ضُوَ كٜىٰوَيٜىٰ دَ عِتَ؞

6تَوُرِنْ ضُوَ نٜىٰ كُوَ عَكَ هَلَّكَ دُونِيَا تَوَنْثَنْ زَامَانِ، لُواْكَثِنْ دَ بَبَّنْ ضُوَ يَذُواْ يَشَا كَنْتَ؞

7تَوُرِنْ كَلْمَرْ نَنْ كُوَ، سَمَ دَ ڧَسَا وَطَنْدَ سُكٜىٰ أَنَنْ يَنْذُ، سُنَ جِرَا أَ هَلَكَاسُ دَ وُتَا؞ اللَّهْ يَا أَجِيٜىٰسُ حَرْ ذُوَا رَانَرْ دَ ذَاعَيِ وَمَرَسَ حَلِنْ اللَّهْ حُكُنْثِ، أَ هَلَكَاسُ؞

8عَمَّا يَا كُو یَنْعُوَ وَطَنْدَ نَكٜىٰ ڧَوْنَ، أَبُ طَيَ وَنْدَ بَانَسُواْ كُمَنْتَادَشِ، شِينٜىٰ ݣُونَ طَيَ أَوُرِنْ عُبَنْ‌غِجِ كَمَرْ شٜىٰكَرَا دُبُو يَكٜىٰ، شٜىٰكَرُ دُبُو كُمَ كَمَرْ ݣُونَ طَيَ نٜىٰ؞

9وَطَنْسُ سُنَ ثٜىٰوَ عُبَنْ‌غِجِ يَنَ جَنْ جِكِے غَمٜىٰدَ ثِكَ أَلْڧَوَرِنْسَ؞ أَيْ، بَهَكَ بَنٜىٰ؞ حَڧُرِ يَكٜىٰيِ دَكُو؞ بَايَسُواْ وَنِ يَهَلَّكَ، سَيْدَيْ كُواْوَ يَذُواْ يَتُوبَ؞

10عَمَّا حَڧِيڧَ رَانَرْ عُبَنْ‌غِجِ ذَاتَذُواْ كَمَرْ ٻَرَوُاْ، بَا لَابَرِ؞ أَ لُواْكَثِنْ نٜىٰ سَرَرِنْ سَمَ ذَيْٻَثٜىٰ دَ ڧَارَ مَيْ ڧَرْڢِے؞ دُكَنْ أَبُبُوَنْ دَ عَكَ طَوْكَ عَكَيِ سَمَ دَ ڧَسَا دَسُو ذَاسُ ڧُواْنٜىٰ سُهَلَّكَ؞ دُونِيَا دَ دُكَنْ أَبِنْدَ يَكٜىٰ عَثِكِنْتَ ذَاسُ ٻَثٜىٰ؞

11تُنْدَيَكٜىٰ دُكَنْ أَبُبُوَنَّنْ ذَاعَ هَلَكَاسُ حَكَ، وَنٜىٰ إِرِنْ مُتَنٜىٰ يَا كَمَاتَ كُكَسَنْثٜىٰ؟ سَيْ كُيِ رَايُوَا مَيْ ڟَرْكِے، مَيْ حَلِ إِرِنَّ اللَّهْ ،

12يَايِنْ دَ كُكٜىٰ مَرْمَرِنْ ذُوَانْ رَانَرْ اللَّهْ ، حَرْ كُنَ ڧُواْڧَرِ كُسَا رَانَرْ نَنْ تَذُواْ دَ سَوْرِ؞ وَتُواْ رَانَرْ دَ ذَاعَ كُنَّ وَ سَمَّيْ وُتَا، كُمَ دُكَنْ أَبُبُوَنْ دَ عَكَ طَوْكَ عَكَيِ سَمَ دَ ڧَسَا دَسُو ذَاسُ نَرْكٜىٰ ثِكِنْ ذَاڢِنْ وُتَا؞

13عَمَّا بِسَغَ أَلْڧَوَرِنْ اللَّهْ ، مُو مُنَ مَرْمَرِنْ سَابُوانْ سَمَّيْ دَ سَابُوَرْ ڧَسَا، عِنْدَ أَدَلْثِے ذَيْ كَسَنْثٜىٰ كُلُّمْ؞

14سَبُواْدَ حَكَ، یَنْعُوَ وَطَنْدَ نَكٜىٰ ڧَوْنَ دَيَكٜىٰ كُنَ مَرْمَرِنْ ذُوَانْ رَانَرْ، سَيْ كُيِ إِيَاكَثِنْ ڧُواْڧَرِنْكُ كُيِ ذَمَنْكُ أَغَبَنْ اللَّهْ بَاتَرٜىٰدَ وَنِ أَبِنْ زَرْغِ كُواْ تَبُواْبَ؞ كُيِ ذَمَ أَغَبَنْسَ دَ سَلَمَ؞

15كُتُنَ ثٜىٰوَ دَلِيلِنْدَ يَسَا عُبَنْ‌غِجِنْمُ يَكٜىٰ حَڧُرِ شِينٜىٰ دُواْمِنْ مُتَنٜىٰ سُسَامِ ثٜىٰتُواْ؞ حَكَ مَا طَنْعُوَنْمُ بُلُسْ وَنْدَ مُكٜىٰ ڧَوْنَ يَارِغَا يَرُبُوتَ مُكُ بِسَغَ حِكِمَرْ دَ اللَّهْ يَبَاشِ؞

16كُلُّمْ يَنَ مَغَنَ عَكَنْ إِرِنْ وَطَنَّنْ أَبُبُوَ عَثِكِنْ دُكَنْ وَسِيڧُنْسَ؞ عَثِكِنْ وَسِيڧُنْسَ كُوَ أَݣَويْ وَطَنْسُ أَبُبُوَنْ دَسُكٜىٰ دَ وُيَرْ غَانٜىٰوَ، وَطَنْدَ وَطَنْسُ مُتَنٜىٰ مَاسُ رَشِنْ غَانٜىٰوَ، مَرَسَ ڧَرْڢِے ثِكِنْ بَنْ‌غَسْكِيَ، سُكٜىٰ جُويَا مَعَنَرْسُ؞ حَكَ مَا سُكٜىٰيِ دَسَوْرَنْ رُبُوتَتُّنْ كَلْمُواْمِنْ اللَّهْ ؞ أَيْ، سُنَ جَٰوُاْ وَكَنْسُ هَلَّكَنٜىٰ؞

17سَبُواْدَ حَكَ، يَا كُو یَنْعُوَ وَطَنْدَ نَكٜىٰ ڧَوْنَ دَيَكٜىٰ كُنْ رِغَا كُنْ سَنْ دَ وَطَنَّنْ، سَيْ كُلُورَ دُواْمِنْ كَدَ كُواْيَرْوَرْ ڧَضْيَا تَمَاسُ مُغُنْتَا تَݣُوشِ حَنْكَلِنْكُ، حَرْ كُڢَاطِ دَغَ تَبَّتَاثِّيَرْ ڟَيَاوَرْكُ؞

18أَ مَيْمَكُوانْ حَكَ، سَيْ كُيِتَيِنْ غِرْمَ ثِكِنْ أَلْحٜىٰرِنْ عُبَنْ‌غِجِنْمُ عِيسَىٰ أَلْمَسِيحُ مَيْ ثٜىٰتُوانْمُ، كُكُمَ ڧَارُ ثِكِنْ سَنِنْسَ كُواْوَنٜىٰ لُواْكَثِ؞ طَوْكَكَا تَا تَبَّتَا أَغَرٜىٰشِ عَيَنْظُ دَ كُمَ حَرْ أَبَدَا؞ أَمِينْ؞

← Chapter 2 Jump to: