2 Timothy 1

Hausa Arabic 2020 (أَتَّوْرَتْ دَ أَنَّبَاوَا)

Jump to: Chapter 2 →

1دَغَ بُلُسْ وَنْدَ يَذَمَ مَنْذُوانْ أَلْمَسِيحُ عِيسَىٰ بِسَغَ نُڢِنْ اللَّهْ ، دُواْمِنْ إِنْ سَنَرْدَ أَلْڧَوَرِنْ رَيْ وَنْدَ يَكٜىٰ ثِكِنْ أَلْمَسِيحُ عِيسَىٰ ؞

2ذُوَاغَ تِمُواْتِ طَانَ وَنْدَ نَكٜىٰ ڧَوْنَ؞ أَلْحٜىٰرِ دَ جِنْڧَيْ دَ سَلَمَ دَغَ وُرِنْ اللَّهْ عُبَادَ أَلْمَسِيحُ عِيسَىٰ عُبَنْ‌غِجِنْمُ سُكَسَنْثٜىٰ تَرٜىٰ دَكَيْ؞

3إِنَغُواْدٜىٰ وَ اللَّهْ وَنْدَ نَكٜىٰ بَوْتَا مَسَ دَ تُنَانِنْ دَيَكٜىٰ تَبَّتَرْ مِنِ بَا نِے دَ لَيْڢِے كَمَرْ يَدَّ كَاكَنِّنَ سُكَيِ، سَعَدَّ نَكٜىٰ تُنَاوَا دَكَيْ كُلُّمْ دَرٜىٰ دَ رَانَ ثِكِنْ أَدُّعُواْعِنَ؞

4سَعَدَّ نَتُنَ دَ هَوَيٜىٰنْكَ، سَيْ إِنْجِ مَرْمَرِنْ غَنِنْكَ، دُواْمِنْ إِنْثِكَ دَ ڢَضٍ ثِكِ؞

5نَاتُنَ دَ بَنْ‌غَسْكِيَرْنَنْ تَاكَ تَغَسْكٜىٰ، وَدَّ تَكَسَنْثٜىٰ عَثِكِنْ كَكَرْكَ لُواْيِسْ دَ كُمَ مَامَرْكَ أَڢِنِكِ، وَدَّ كُمَ نَتَبَّتَا كَكٜىٰ دَ عِتَ؞

6شِيَسَا إِنَتُنَ مَكَ كَظُغَ بَيْوَرْ نَنْ وَدَّ تَكٜىٰ ثِكِنْكَ، وَدَّ اللَّهْ يَبَاكَ سَعَدَّ نَسَا مَكَ حَنُّنْ أَلْبَرْكَ؞

7غَمَا رُوحٌ دَ اللَّهْ يَبَامُ بَيْ مَيْدَمُو مَاسُ ڟُواْرُواْبَ، أَمَيْمَكُوانْ حَكَ، يَمَيْدَمُو مَاسُ إِيكُواْ دَ مَاسُ ڧَوْنَ دَ كُمَ مَاسُ كَامُنْ كَيْ؞

8دُواْمِنْ حَكَ، كَدَ كَجِ كُنْيَرْ شَيْدَرْ عُبَنْ‌غِجِنْمُ ، كُواْ كَجِ كُنْيَتَ، نِے وَنْدَ نَكٜىٰ أَطَوْرٜىٰ دُواْمِنْسَ؞ عَمَّا كَهَطَكَيْ دَنِے وَجٜىٰنْ جِمْرٜىٰوَ ثِكِنْ شَنْ وَهَلَ سَبُواْدَ لَابَرِ مَيْ دَاطِنَّنْ، كَنَ دُواْغَضَ عَكَنْ إِيكُوانْ اللَّهْ ؞

9شِينٜىٰ كُمَ يَثٜىٰثٜىٰمُ، يَكِرَامُ مُذَمَ مَاسُ ڟَرْكِے؞ وَنَّنْ كِرَا بَبِسَغَ أَيُّكَ نَسَامُنْ لَادَ بَنٜىٰ، عَمَّا بِسَغَ نُڢِنْسَ دَ أَلْحٜىٰرِنْسَ؞ وَنَّنْ أَلْحٜىٰرِ أَنْبَامُ نٜىٰ تَوُرِنْ أَلْمَسِيحُ عِيسَىٰ كَاڢِنْ كَڢَاوَرْ دُونِيَا،

10عَمَّا يَنْذُ أَنْبَيَّنَا مَنَشِ تَوُرِنْ ذُوَانْ مَيْ ثٜىٰتُوانْمُ أَلْمَسِيحُ عِيسَىٰ ؞ شِے يَكَوَرْدَ مُتُوَ يَكُمَ بَيَّنَ مَنَ حَصْكٜىٰنْ رَيْ دَ رَايُوَرْ نَنْ مَرَرْ ڧَارٜىٰوَ تَوُرِنْ لَابَرِنَّنْ مَيْ دَاطِے؞

11سَبُواْدَ وَنَّنْ لَابَرِ مَيْ دَاطِے نٜىٰ، عَكَ نَطَنِ مَيْ وَعَظِ دَ مَنْذُواْ دَ كُمَ مَيْكُواْيَرْوَا؞

12دُواْمِنْ وَنَّنْ نٜىٰ إِنَ شَنْ وَهَلَ كَمَرْ يَدَّ نَكٜىٰشَا كُواْ عَيَنْظُ مَا؞ عَمَّا دُكْدَهَكَ بَانَجِنْ كُنْيَا دُواْمِنْ نَسَنْ غَ وَنٜىٰنٜىٰ نَبَادَ غَسْكِيَ، كُمَ نَتَبَّتَا يَا عِيَ لُورَ دَ دُكَنْ أَبِنْدَ يَبَانِ أَمَانَرْسَ، حَرْ ذُوَا رَانَرْ نَنْ؞

13كَرِڧٜىٰ كُواْيَرْوَرْ نَنْ تَغَسْكِيَ سُواْسَيْ، وَدَّ كَجِ دَغَ وُرِينَ؞ كَكُمَيِ كُواْيِ دَ عِتَ، وَتُواْ كُواْيَرْوَرْ نَنْ دَتَڢِتُواْ دَغَ ثِكِنْ بَنْ‌غَسْكِيَ دَ ڧَوْنَرْ دَتَكٜىٰ ثِكِنْ أَلْمَسِيحُ عِيسَىٰ ؞

14تَوُرِنْ تَيْمَكُوانْ رُوحُ مَيْ ڟَرْكِنْ دَيَكٜىٰ ظَوْنٜىٰ عَثِكِنْمُ، كَكُلَ دَ وَنَّنْ كُواْيَرْوَا تَغَسْكِيَرْ دَ عَكَ بَاكَ أَمَانَرْتَ؞

15كَسَنْ ثٜىٰوَ كُواْوَ أَعَسِيَ يَجُويَ مِنِ بَايَ، حَرْ دَ ڢَيْجٜىٰلُسْ دَ هَمُواْجٜىٰنِسْ؞

16بَرِ عُبَنْ‌غِجِ يَنُونَ جِنْڧَيْ غَ عِيَلِنْ غِدَنْ عُواْنٜىٰسِڢُواْرُسْ، غَمَا كُلُّمْ يَكَنْ ڧَرْڢَڢَانِ، كُمَ بَيْجِ كُنْيَا وَيْ نِے طَنْ كُرْكُكُ نٜىٰبَ؞

17أَ مَيْمَكُوانْ حَكَ دَ يَ إِسُواْ رُواْمَ، يَنٜىٰمٜىٰنِ دَ نَاثِيَ، سَيْ دَ يَسَامٜىٰنِ؞

18بَرِ عُبَنْ‌غِجِ يَسَا عُواْنٜىٰسِڢُواْرُسْ يَسَامِ جِنْڧَيْ دَغَ وُرِنْسَ أَ رَانَرْ نَنْ! أَيْ، كَيْ مَا كَسَنِ سَرَيْ إِرِنْ حِدِمَرْ دَ يَيِمِنِ أَعَڢِسَ؞

Jump to: Chapter 2 →