2 Timothy 4

Hausa Arabic 2020 (أَتَّوْرَتْ دَ أَنَّبَاوَا)

← Chapter 3 Jump to:

1إِنَ عُمَرْتَرْكَ أَغَبَنْ اللَّهْ دَ أَلْمَسِيحُ عِيسَىٰ ، وَنْدَ ذَيْ شَرْعَنْتَ مَاسُ رَيْ دَ مَتَتُّو، ذَيْ كُمَ دَاوُاْ يَكَڢَ مُلْكِنْسَ،

2كَنَاثٜىٰ ثِكِنْ وَعَظِنْ كَلْمَرْ اللَّهْ كُواْ دَ ظَرَڢِ كُواْ بَابُ ظَرَڢِ؞ كَجَٰوُاْ حَنْكَلِنْ مُتَنٜىٰ، كَڟَاوَتَا مُسُ، كَكُمَ ڧَرْڢَڢَاسُ تَرٜىٰدَ إِيَاكَثِنْ حَڧُرِ دَ كُواْيَرْوَا؞

3غَمَا لُواْكَثِ يَنَ ذُوَا عِنْدَ مُتَنٜىٰ بَذَاسُ جِمْرٜىٰ غَ كُواْيَرْوَرْ غَسْكِيَابَ؞ أَ مَيْمَكُوانْ حَكَ، ذَاسُ نٜىٰمِ كُواْيَرْوَرْ دَسُكٜىٰسُواْ، ذَاسُ تَتَّارَ وَكَنْسُ مَاسُ كُواْيَرْوَا، سُكُواْيَرْ دَ أَبِنْدَ كُنّٜىٰنْسُ مَاسُ ڧَيْڧَيِ سُكٜىٰ مَرْمَرِنْجِ؞

4مُتَنٜىٰ ذَاسُ كُمَ تُواْشٜىٰ كُنّٜىٰنْسُ غَ جِنْ كُواْيَرْوَرْ غَسْكِيَ، سُمَيْدَ حَنْكَلِنْسُ غَ جِنْ تَڟُونِيُواْيِ؞

5عَمَّا كَيْ تِمُواْتِ، سَيْ كَنَڟُ ثِكِنْ كُواْوَنٜىٰ حَلِ، كَجِمْرٜىٰ ثِكِنْ وَهَلَ، كَيِأَيْكِنْ مَيْ شٜىٰلَرْ لَابَرِ مَيْ دَاطِے، كَثِكَ حِدِمَرْكَ نَذَمَنْ بَاوَنْ اللَّهْ ؞

6غَمَا أَنْرِغَا أَنْڢَارَ ظُبَرْدَ رَيْنَ كَمَرْ هَدَايَ تَأَبِنْ شَا عَبَغَدٜىٰ، كُمَ لُواْكَثِنْ دَ ذَنْبَرْ وَنَّنْ رَايُوَا يَيِ؞

7نَيِ كُواْكَوَ عَثِكِنْ ڟٜىٰرٜىٰنْ دَݣَوْ، نَكُمَيِ ڟٜىٰرٜىٰنَ حَرْ غَ ڧَرْشٜىٰ، نَكُمَ رِڧٜىٰ أَمَانَرْ بَنْ‌غَسْكِيَرْ؞

8يَنْذُ أَنْشِرْيَ مِنِ هُولَرْ لَادَنْ نَصَرَا تَ أَدَلْثِے، وَنْدَ عُبَنْ‌غِجِ مَيْ شَرِيعَ مَيْ أَدَلْثِے ذَيْبَانِ أَ رَانَرْ نَنْ؞ بَكُوَ نِے كَطَيْبَ، عَمَّا غَ دُكَنْ وَطَنْدَ سُكٜىٰ جِرَا ثِكِنْ ڧَوْنَ سُغَ بَيَّنَرْسَ؞

9كَيِ إِيَاكَثِنْ ڧُواْڧَرِنْكَ كَذُواْ وُرِينَ دَ سَوْرِ،

10غَمَا دٜىٰمَسْ يَڨَلٜىٰنِ سَبُواْدَ ڧَوْنَرْ دُونِيَرْ نَنْ، يَاتَڢِے تَسَلُواْنِكَ، كِرْظٜىٰنسْ يَاتَڢِے غَلَتِيَ، تِيتُسْ كُمَ يَاتَڢِے دَلْمَتِيَ؞

11لُكَّ نٜىٰ كَطَيْ يَنَ تَرٜىٰدَنِ؞ كَنٜىٰمِ مَرْكُسْ كَذُواْ تَرٜىٰ دَشِ، سَبُواْدَ يَنَدَ أَمْڢَانِ سُواْسَيْ غَرٜىٰنِ ثِكِنْ حِدِمَتَ؞

12نَا عَيْكِ تِكِكُسْ ذُوَا أَڢِسَ؞

13سَعَدَّ ذَاكَذُواْ كَكَٰوُاْ مِنِ رِغَرْ سَنْيِنْدَ نَبَرِ أَ حَنُّنْ كَرْبُسْ أَ تُواْرُوَسْ دَ لِتَّتَّڢَنَّنْ، مُسَمَّنْ ڢَتُنَّ نَرُبُوتُ؞

14إِسْكَنْدَرِ مَڧٜىٰرِنْ تَغُلَّرْ نَنْ يَثُوثٜىٰنِ سُواْسَيْ؞ عُبَنْ‌غِجِ ذَيْسَاكَ مَسَ ڠُورْڠُودُوانْ أَبِنْدَ يَيِ؞

15كَيْ مَا كَلُورَ دَشِ غَمَا يَيِ غَابَا سُواْسَيْ دَ سَڧُوانْمُ؞

16أَ ڢَرْكُوانْ كَارٜىٰ كَيْنَ دَ نَيِ أَغَبَنْ مَاسُ شَرِيعَ بَاوَنْدَ يَرُڢَا مِنِ بَايَ، كُواْوَ يَغُجٜىٰنِ؞ كَدَ دَيْ اللَّهْ يَلِسَّڢْتَا وَنَّنْ عَكَنْسُ؞

17عَمَّا عُبَنْ‌غِجِ يَكَسَنْثٜىٰ تَرٜىٰدَنِ يَبَانِ ڧَرْڢِے، دُواْمِنْ تَوُرِينَ وَنَّنْ سَڧُواْ ذَيْسَامِ ثِكَكِّيَرْ شٜىٰلَ، حَرْ دُكَنْ وَطَنْدَ بَا يَهُودَاوَا بَ سُجِ؞ يَاكُٻُتَرْ دَنِے دَغَ بَاكِنْ ذَاكِ، وَتُواْ، حُكُنْثِنْ مُتُوَ؞

18عُبَنْ‌غِجِ ذَيْ كُٻُتَرْ دَنِے دَغَ كُواْوَنٜىٰ إِرِنْ مُوغُنْ أَبُ، ذَيْ كُمَ كِيَايٜىٰنِ، يَكَيْنِ مُلْكِنْسَ نَسَمَ؞ أَغَرٜىٰشِ بَرِ طَوْكَكَ تَتَبَّتَ حَرْ أَبَدَا أَبَدِنْ! أَمِينْ؞

19كَغَيَرْ مِنِ دَ بِرِسْكِلَ دَ عَكِيلَ دَ كُمَ عِيَلِنْ غِدَنْ عُواْنٜىٰسِڢُواْرُسْ؞

20أَرَسْتُسْ يأَنَانً حَرْ يَنْذُ أَ كُواْرِنْتِ، كُمَ نَبَرْ تُرُواْڢِمُسْ ثِكِنْ رَشِنْ لَاڢِيَ أَ مِلٜىٰتُسْ؞

21كَيِ إِيَاكَثِنْ ڧُواْڧَرِنْكَ كَذُواْ كَاڢِنْ أَ ڢَارَ دَامِنَ؞ يُبُلُسْ دَ ڢُدٜىٰنسْ دَ لَيْنُسْ دَ كَلَوْدِيَ دَ دُكَنْ سَوْرَنْ یَنْعُوَ سُنَ غَيْسُوَا؞

22عُبَنْ‌غِجِ يَكَسَنْثٜىٰ دَ رُوحُنْكَ؞ أَلْحٜىٰرِنْسَ كُمَ يَكَسَنْثٜىٰ تَرٜىٰدَكُو؞ أَمِينْ؞

← Chapter 3 Jump to: