2 Timothy 3

Hausa Arabic 2020 (أَتَّوْرَتْ دَ أَنَّبَاوَا)

← Chapter 2 Jump to: Chapter 4 →

1كَسَنِ ڢَا، عَݣُونَكِنْ ڧَرْشٜىٰ ذَاعَ شَا وَهَلَ سُواْسَيْ؞

2غَمَا مُتَنٜىٰ ذَاسُ ذَمَ مَاسُ سُوانْكَنْسُ، مَاسُ سُوانْ كُطِ، مَاسُ تَاڧَمَ، مَاسُ غِرْمَنْ كَيْ، مَاسُ ذَاغٜىٰ ذَاغٜىٰ، مَرَسَ بِيَيَّ غَ إِيَايٜىٰنْسُ، مَرَسَ غُواْدِيَ، مَرَسَ ڟَرْكِے،

3مَرَسَ ڧَوْنَ، مَاسُ رِڧٜىٰ جُونَ أَ ذُوثِيَا، مَاسُ ٻَاتَ سُونَيٜىٰنْ وَطَنْسُ، مَرَسَ كَمٜىٰ كَنْسُ، مَرَسَ تَوْسَيِ، مَاسُ ڧِنْ نَغَرْتَا،

4مَاسُثِنْ أَمَانَ، مَرَسَ حَنْكَلِ، مَاسُثِكَ دَ طَغَ كَيْ، مَاسُ سُوانْ جِنْ دَاطِنْ كَنْسُ ڢِيٜىٰدَ سُوانْ اللَّهْ ،

5أَ ڢِيلِ سُنَ نُونَ سُو مَاسُ أَدِّينِ نٜىٰ، عَمَّا تَوُرِنْ رَايُوَرْسُ سُنَ مُسُونْ عَيْنِحِنْ إِيكُوانْسَ؞ كَغُجٜىٰ وَ إِرِنْ مُتَنٜىٰنَّنْ؞

6عَثِكِنْسُ كُوَ أَݣَويْ وَطَنْدَ سُكَنْ نٜىٰمِ حَنْيَ سُشِغَ ثِكِنْ غِدَاجٜىٰنْ مُتَنٜىٰ سُرِنْجَيِ مَاتَا مَرَسَ وَيُواْ، وَطَنْدَ ذُنُوبِ يَشَا كَنْسُ، كُمَ مُوغَيٜىٰنْ شَعَوَثٜىٰ شَعَوَثٜىٰ إِرِ إِرِ سُنَ مُلْكِ عَكَنْ حَنْكَلِنْسُ؞

7وَطَنَّنْ نٜىٰ مَتَنْ دَ كُلُّمْ سُنَ كَنْ كُواْيُواْ، عَمَّا دُكْدَهَكَ بَاسَ كَيْوَ غَ سَنِنْ غَسْكِيَ؞

8كَمَرْ يَدَّ يَنّٜىٰسْ دَ يَمبْرٜىٰسْ سُكَيِ غَابَادَ مُوسَٰى، حَكَمَا وَطَنَّنْ مُتَنٜىٰ سُنَ غَابَادَ غَسْكِيَ، حَنْكَلِنْسُ كُمَ نَݣُونَ ݣُونَ نٜىٰ، بَنْ‌غَسْكِيَرْسُ كُوَ تَبَنْظَثٜىٰ؞

9عَمَّا بَذَاسُ كَيْ دَنِيسَبَ، دُواْمِنْ دَ سَوْرِ ذَاعَ غَانٜىٰ دَ وَوَنْثِنْسُ أَ ڢِيلِ كَمَرْ يَدَّ عَكَيِ دَ نَ يَنّٜىٰسْ دَ يَمبْرٜىٰسْ؞

10كَيْ كَمْ، كَارِغَا كَا كِيَايٜىٰ كُواْيَرْوَاتَادَ حَلِنَ دَ مَنُڢَاتَ تَرَايُوَ دَ بَنْ‌غَسْكِيَتَ دَ حَڧُرِنَ دَ ڧَوْنَتَ دَ كُمَ جِمْرٜىٰوَتَ؞

11كَاكُمَ سَنْ دَ ڟَنَنِ دَ وَهَلُواْلِنْ دَ سُكَ سَامٜىٰنِ أَعَنْتَكِيَ دَ إِيكُواْنِيَ دَ لِسْتِرَ، إِرِنْ ڟَنَنِنْدَ نَجِمْرٜىٰ؞ دُكْدَهَكَ، اللَّهْ يَثٜىٰثٜىٰنِ دَغَ ثِكِنْسُ؞

12حَڧِيڧَ، دُكْ وَنْدَ يَكٜىٰسُواْ يَيِ رَايُوَا إِرِنْ حَلِ نَ اللَّهْ عَثِكِنْ أَلْمَسِيحُ عِيسَىٰ ذَيْ شَا ڟَنَنِ؞

13عَمَّا مُوغَيٜىٰنْ مُتَنٜىٰ دَ مَاسُ رُوطُ، حَلِنْ مُغُنْتَارْسُ ذَيْ يِتَڧَارَ مُونِ، سُنَ رُوطِنْ مُتَنٜىٰ، سُو كَنْسُ مَا أَنَ رُوطِنْسُ؞

14عَمَّا كَيْ كُوَ، كَثِيغَبَدَ أَبِنْدَ كَكُواْيَ، كَكُمَ تَبَّتَرْ دَ غَسْكِيَرْ كُواْيَرْوَرْ، غَمَا كَنَ سَنٜىٰدَ وَطَنْدَ كَسَامِ كُواْيَرْوَرْ دَغَ غَرٜىٰسُ؞

15كَتُنَ يَدَّ تُنْ كَنَ ڧَرَمِنْ يَرُواْ كَارِغَا كَاسَنْ رُبُوتَتُّنْ كَلْمُواْمِنْ اللَّهْ مَاسُ ڟَرْكِے، وَطَنْدَ سُكَ عِيَ بَاكَ حِكِمَرْ دَ تَكَيْ غَ سَامُنْ ثٜىٰتُواْ تَوُرِنْ بَنْ‌غَسْكِيَ ثِكِنْ أَلْمَسِيحُ عِيسَىٰ ؞

16دُكْ رُبُوتَثِّيَرْ مَغَنَرْ اللَّهْ هُورَرِّيَاثٜىٰ دَغَ وُرِنْسَ، تَنَ كُمَ دَ أَمْڢَانِ وَجٜىٰنْ كُواْيَرْوَا دَ ڟَاوَتَرْوَ دَ ڠَرَنْ حَلِ دَ كُمَ هُواْرَرْوَ ثِكِنْ أَدَلْثِے،

17دُواْمِنْ دُكْ وَنْدَ يَكٜىٰ نَ اللَّهْ يَذَمَ ثِكَكّٜىٰ، يَكَسَنْثٜىٰ أَشِرْيٜىٰ كُمَ دُواْمِنْ كُواْوَنٜىٰ إِرِنْ ݣَكْݣَوَنْ عَيْكِ؞

← Chapter 2 Jump to: Chapter 4 →