Exodus 12

Hausa Arabic 2020 (أَتَّوْرَتْ دَ أَنَّبَاوَا)

1سَيْ يَهْوٜىٰهْ يَثٜىٰ وَ مُوسَٰى دَ هَٰرُونَ سَعَدَّ سُنَ عَثِكِنْ ڧَسَرْ مَصَرْ تُكُنَ،

2«دَغَ يَنْذُ، وَنَّنْ وَتَ ذَيْ ذَمَ وَتَ نَڢَرْكُواْ نَوَتَنِّنْ شٜىٰكَرَا أَغَرٜىٰكُ؞

3أَ سَنَرْوَ دُكَنْ جَمَعَرْ إِسْرَٰٓءِيلَ ثٜىٰوَ أَ رَانَ تَغُواْمَ تَوَنَّنْ وَتَ، كُواْوَنٜىٰ مُتُمْ يَطَوْكِ طَنْ ضَغُواْ كُواْ طَنْ عَكُيَ دَغَ ثِكِنْ غَرْكٜىٰ دُواْمِنْ عِيَلِنْسَ دَبَّ طَيَ دُواْمِنْ كُواْوَنٜىٰ غِدَا؞

4عِدَنْ أَݣَويْ وَنِ عِيَلِنْ دَ بَذَيْ عِيَ ثِنْيٜىٰ دَبَّ طَيَ طُنْ‌غُمْ بَ، سَبُواْدَ بَسُيِيَوَ أَ عِيَلِنْبَ، تُواْ، سَيْ سُهَطَكَيْ تَرٜىٰدَ وَنِ عِيَلِنْ دَسُكٜىٰ ذَمَ كُرْكُسَ؞ ذَاعَ رَبَ دَبَّ بِسَغَ يَوَنْ مُتَنٜىٰنْ دَ ذَاسُثِ؞

5دُواْلٜىٰنٜىٰ طَنْ ضَغُوانْ يَكَسَنْثٜىٰ مَرَرْ تَبُواْ، مَيْ شٜىٰكَرَا طَيَ؞ كُنَ عِيَ ذَاٻَرْسَ دَغَ غَرْكٜىٰنْ تُمَكِ كُواْ نَأَوَكِ؞

6ذَاكُ لُورَ دَ طَنْ ضَغُواْنَّنْ حَرْ رَانَ تَغُواْمَشَا حُطُ تَوَنَّنْ وَتَ؞ سَعَنً دُكَنْ تَارُوانْ جَمَعَرْ إِسْرَٰٓءِيلَ ذَاسُ يَنْكَ یَنْ رَغُنَ دَ يَمَّ؞

7سَعَنً سُطِبَ دَغَ ثِكِنْ جِنِنْ، سُشَاڢَ تَسَمَنْ كَتَكُوانْ ڢِرَمْ دَ غٜىٰڢٜىٰ غٜىٰڢٜىٰنْ ڧُواْڢُواْڢِنْ غِدَاجٜىٰنْ دَ ذَاسُثِ نَامَنْ؞

8أَ دَرٜىٰنَّنْ ذَاسُ غَسَ طَنْ ضَغُوانْ أَوُتَا، ذَاسُثِ نَامَنْ تَرٜىٰدَ غُرَاسَرْ مَرَرْ يِسْتِ دَ غَنْيَيٜىٰ مَاسُ طَاثِ؞

9بَذَاعَثِ نَامَنْ طَنْيٜىٰ بَ كُواْ أَدَڢَ شِ دَ ضُوَ بَ، عَمَّا ذَاعَ غَسَ نَامَنْ دُكَ تَرٜىٰدَكَيْ دَ ڧَڢَاڢُنْ دَ كُمَ كَايَنْ ثِكِنْ؞

10كَدَ كُبَرْ كُواْمٜىٰ يَكَيْ غُواْبٜىٰ؞ دُكْ أَبِنْدَ يَرَغُ حَرْ سَڢٜىٰ سَيْ كُڧُواْنٜىٰشِ؞

11غَا يَدَّ ذَاكُثِ نَامَنْ، كُيِ طَمَرَ دُواْمِنْ شِرِنْ تَڢِيَ دَ تَاكَلْمَ عَڧَڢَاڢُنْكُ، كُنَ رِڧٜىٰ دَ سَنْدَنْ تَڢِيَرْكُ أَ حَنُّنْكُ دَ سَوْرِ ذَاكُثِ، غَمَا وَنَّنْ بِكٍ ڧٜىٰتَرٜىٰوَ نَ يَهْوٜىٰهْ نٜىٰ؞

12«أَ دَرٜىٰنَّنْ ذَنْبِے تَثِكِنْ ڧَسَرْ مَصَرْ، إِنْكُمَ كَكَّشٜىٰ كُواْوَنٜىٰ طَنْ ڢَارِ عَڧَسَرْ مَصَرْ، طَنْ ڢَارِ نَمُتُمْ دَ نَدَبَّ؞ ذَنْ حُكُنْتَ دُكَنْ أَلُّواْلِنْ مَصَرْ، غَمَا نِنٜىٰ يَهْوٜىٰهْ ؞

13جِنِنْ دَ كُكَ شَاڢَ عَكَتَكَنْ ڢِرَمْ نَڧُواْڢُواْڢِنْكُ ذَيْ ذَمَ عَلَمَ عَكَنْ غِدَاجٜىٰنْ دَ كُكٜىٰ دَ ذَمَ؞ سَعَدَّ نَغَ جِنِنْ، ذَنْ ڧٜىٰتَرٜىٰ غِدَاجٜىٰنْكُ، كُمَ بَابُ بَلَعِنْ دَ ذَيْ هَلَكَاكُ، لُواْكَثِنْدَ نَهَلَّكَ ڧَسَرْ مَصَرْ؞

14رَانَرْ نَنْ ذَاتَ ذَمَ مُكُ رَانَرْ تُنَاوَا؞ ذَاكُ دِنْ‌غَ يِنْ بِكِنْتَ تَسُجَّدَ غَ يَهْوٜىٰهْ ؞ دَغَ نَنْ حَرْ إِيَاكَرْ ڟَارَرَّكِنْكُ ذَاكُ كِيَايٜىٰتَ، غَمَا وَنَّنْ يَا ذَمَ ڧَٰعِدَثٜىٰ تَدِنْدِنْدِنْ؞»

15يَهْوٜىٰهْ يَثٜىٰ «ذَاكُيِ ݣُونَ بَݣَويْ كُنَ ثِنْ غُرَاسَرْ مَرَرْ يِسْتِ؞ أَ رَانَ تَڢَرْكُواْ ذَاكُ كَوَرْدَ يِسْتِ دَغَ غِدَاجٜىٰنْكُ؞ غَمَا دُكْ وَنْدَ يَثِ غُرَاسَ مَيْيِسْتِ تُنْدَغَ رَانَ تَڢَرْكُواْ تَبِكٍ حَرْ ذُوَا رَانَ تَبَݣَويْ، ذَاعَ كَوَرْ دَشِ دَغَ ثِكِنْ جَمَعَرْ إِسْرَٰٓءِيلَ؞

16أَ رَانَ تَڢَرْكُواْ تَبِكٍ دَ كُمَ أَ رَانَ تَبَݣَويْ، ذَاكُيِ تَارُواْ مَيْ ڟَرْكِے؞ بَذَاعَيِ وَنِ عَيْكِ عَثِكِنْ وَطَنَّنْ ݣُونَكِے بَ، سَيْدَيْ شِرِنْ أَبِنْدَ ذَاعَ ثِ؞

17ذَاكُ كِيَايٜىٰ وَنَّنْ بِكٍ غُرَاسَرْ مَرَرْ يِسْتِ، غَمَا أَوَنَّنْ رَانَ نَڢِتَرْ دَكُو دَغَ ڧَسَرْ مَصَرْ ڧُنْ‌غِيَ ڧُنْ‌غِيَ؞ دَغَ نَنْ حَرْ إِيَاكَرْ ڟَارَرَّكِنْكُ، ذَاكُ كِيَايٜىٰ وَنَّنْ رَانَ، غَمَا وَنَّنْ يَا ذَمَ ڧَٰعِدَ ثٜىٰ تَدِنْدِنْدِنْ؞

18عَثِكِنْ وَتَ نَڢَرْكُواْ دَغَ يَمَّ تَرَانَ تَغُواْمَشَا حُطُ ذُوَا يَمَّ تَرَانَ تَعَشِرِنْ دَ طَيَ، ذَاكُثِ غُرَاسَرْ مَرَرْ يِسْتِ؞

19عَثِكِنْ وَطَنَّنْ ݣُونَكِے بَݣَويْ، بَذَاعَ تَرَرْ دَ كُواْ عَلَمَرْ يِسْتِ أَغِدَاجٜىٰنْكُبَ؞ دُكْ وَنْدَ عَكَ سَامٜىٰشِ يَنَ ثِنْ أَبِنْدَ يَكٜىٰدَ يِسْتِ، ذَاعَ كَوَرْ دَشِ دَغَ جَمَعَرْ إِسْرَٰٓءِيلَ، كُواْ شِ بَڧُواْ نٜىٰ كُواْ شِ طَنْ ڧَسَا نٜىٰ؞

20دُكْ عِنْدَ كُكٜىٰدَ ذَمَ، بَذَاكُثِ وَنِ أَبِنْدَ يَكٜىٰدَ يِسْتِبَ، سَيْدَيْ غُرَاسَرْ مَرَرْ يِسْتِ؞»

21مُوسَٰى يَا كِرَا دُكَنْ دَتَّاوَنْ إِسْرَٰٓءِيلَ يَا ثٜىٰ «كُتَڢِے كُذَاٻَا وَ عِيَلَنْكُ طَنْ ضَغُواْ كُواْ طَنْ عَكُيَ، كُيَنْكَ دُواْمِنْ بِكٍ ڧٜىٰتَرٜىٰوَ؞

22كُواْوَنّٜىٰنْكُ يَطَوْكِ سُواْسُوانْ إِظُوابْ، يَڟُواْمَ ثِكِنْ جِنِنْ طَنْ ضَغُوانْ دَيَكٜىٰ ثِكِنْ ݣُونُواْ، سَيْ كُيَيَّڢَا جِنِنْ عَكَنْ سَمَنْ كَتَكَنْ ڢِرَمْ دَ غٜىٰڢٜىٰ غٜىٰڢٜىٰنْ ڧُواْڢُواْڢِنْكُ؞ كَدَ وَنِ دَغَ ثِكِنْكُ يَڢِتَ دَغَ ثِكِنْ غِدَنْسَ حَرْ وَايٜىٰوَرْ غَرِ؞

23غَمَا يَهْوٜىٰهْ ذَيْبِے تَثِكِنْ ڧَسَرْ دُواْمِنْ يَكَكَّشٜىٰ مَصَرَاوَا؞ عَمَّا سَعَدَّ يَغَ جِنِنْ عَكَنْ سَمَنْ كَتَكُوانْ ڢِرَمْ دَ غٜىٰڢٜىٰ غٜىٰڢٜىٰنْ ڧُواْڢَرْ، يَهْوٜىٰهْ ذَيْ ڧٜىٰتَرٜىٰ وَنَّنْ ڧُواْڢَ، كُمَ بَذَيْ بَرْ مَيْ هَلَّكَرْوَ يَشِغَ غِدَاجٜىٰنْكُ يَكَكَّشٜىٰ یَیَنْ ڢَارِنْكُبَ؞

24ذَاكُ كِيَايٜىٰ وَنَّنْ غَمَا يَا ذَمَ ڧَٰعِدَ ثٜىٰ تَدِنْدِنْدِنْ أَغَرٜىٰكُ دَ یَیَنْكُ؞

25سَعَدَّ كُكَ شِغَ ڧَسَرْدَ يَهْوٜىٰهْ يَيِ مُكُ أَلْڧَوَرِ ذَيْبَاكُ، ذَاكُ دِنْ‌غَ كِيَايٜىٰ وَنَّنْ ڧَٰعِدَرْ سُجَّدَ؞

26سَعَدَّ یَیَنْكُ سُكَيِ تَمْبَيَ سُثٜىٰ، ‹مٜىٰنٜىٰنٜىٰ مَنُڢَرْ وَنَّنْ ڧَٰعِدَرْ سُجَّدَ؟›

27سَيْكُ أَمْسَ كُثٜىٰ، ‹وَنَّنْ هَدَايَثٜىٰ تَبِكٍ ڧٜىٰتَرٜىٰوَ نَ يَهْوٜىٰهْ ، غَمَا يَا ڧٜىٰتَرٜىٰ غِدَاجٜىٰنْ إِسْرَٰٓءِيلَ عَثِكِنْ مَصَرْ؞ كُواْدَيَكٜىٰ يَا كَكَّشٜىٰ مَصَرَاوَا، بَيْتَٻَ غِدَاجٜىٰنْمُبَ؞› » سَيْ دُكَنْ جَمَعَ سُكَ دُرْڧُسَ سُكَيِ سُجَّدَ؞

28سَيْ إِسْرَٰٓءِيلَاوَا سُكَ تَڢِے سُكَيِ يَدَّ يَهْوٜىٰهْ يَعُمَرْثِ مُوسَٰى دَ هَٰرُونَ؞

29دَ ڟَكَرْ دَرٜىٰ سَيْ يَهْوٜىٰهْ يَكَكَّشٜىٰ دُكَنْ یَیَنْ ڢَارِ عَثِكِنْ ڧَسَرْ مَصَرْ دَغَ طَنْ ڢَارِ نَ ڢِرْعَوْنَ، ڢِرْعَوْنَ وَنْدَ يَكٜىٰ ظَوْنٜىٰ عَكُجٜىٰرَرْ مُلْكِ، ذُوَا طَنْ ڢَارِ نَوَنْدَ عَكَ طَوْرٜىٰ عَكُرْكُكُ، حَرْ ذُوَا كُواْوَنٜىٰ طَنْ ڢَارِ نَدَبَّ؞

30ڢِرْعَوْنَ يَا تَاشِ دَ دَرٜىٰ، شِ دَ دَتَّاوَنْسَ دَ دُكَنْ مَصَرَاوَا؞ سَيْ كُوكَا مَيْ ڟَنَنِ يَتَاشِ كُواْعِنَ عَثِكِنْ ڧَسَرْ مَصَرْ، غَمَا بَابُ غِدَنْ دَ بَعَيِ مُتُوَبَ؞

31سَيْ ڢِرْعَوْنَ يَسَا عَكَ كِرَا مُوسَٰى دَ هَٰرُونَ دَ دَرٜىٰنَّنْ يَثٜىٰ «تَاشِ! كُڢِتَ كُبَرْ مُتَنٜىٰنَ، كُو دَ جَمَعَرْكُ إِسْرَٰٓءِيلَ! كُتَڢِے كُيِ وَ يَهْوٜىٰهْ سُجَّدَ، كَمَرْ يَدَّ كُكَ ڢَطَا؞

32كُݣُوشِ غَرْكُنَنْكُ نَتُمَكِ دَ أَوَكِ دَ نَشَانُو، كُتَڢِے، كَمَرْ يَدَّ كُكَ ڢَطَا؞ عَمَّا كَاڢِنْ كُتَڢِے كُسَا مِنِ أَلْبَرْكَ؞»

33مَصَرَاوَا سُكَ مَڟَا وَ إِسْرَٰٓءِيلَاوَا سُڢِتَ دَغَ ڧَسَرْسُ دَ سَوْرِ، غَمَا سُنْثٜىٰ «أَيْ، تَامُ تَا ڧَارٜىٰ إِنْ بَسُ تَڢِبَ!»

34سَيْ جَمَعَرْ إِسْرَٰٓءِيلَ سُكَ طَوْكِ غَارِنْ دَ عَكَ ݣُوٻَ دَ ضُوَ سُكَسَا عَݣُونُواْ، عَمَّا بَسُسَا يِسْتِ عَثِكِيبَ؞ سُكَ نَطَ ݣُونُواْنِنْ ثِكِنْ رِيغُنَنْسُ، سُكَ كُوَ رَاتَيَ عَكَڢَطُنْسُ؞

35إِسْرَٰٓءِيلَاوَا كُوَ سُنْ رِغَا سُنْيِ يَدَّ مُوسَٰى يَعُمَرْثٜىٰسُ؞ سُنْ ضُواْڧِ كَايَنْ دَرَجَ نَأَظُرْڢَا دَ ظِينَارِيَ دَ كُمَ رِيغُنَ دَغَ مَصَرَاوَا؞

36يَهْوٜىٰهْ كُوَ يَسَا إِسْرَٰٓءِيلَاوَا سُكَ سَامِ ڢَضٍ جِنِ أَعِدَانُنْ مَصَرَاوَا؞ سَبُواْدَ حَكَ مَصَرَاوَا سُكَ بَاسُ دُكْ أَبِنْدَ سُكَ ضُواْڧَا؞ تَهَكَنٜىٰ إِسْرَٰٓءِيلَاوَا سُكَ ݣُوشِ أَرْزِڧِنْ مَصَرَاوَا سُكَ تَڢِے دَشِ؞

37إِسْرَٰٓءِيلَاوَا سُكَتَاشِ دَغَ رَمَسٜىٰسْ عَڧَسَرْ مَصَرْ ذُوَا سُكُّواتْ؞ دُكَنْسُ مُتُمْ وَجٜىٰنْ دُبُو طَرِے شِدَ نٜىٰ مَظَا كَطَيْ، بَنْدَ مَاتَادَ يَارَا؞ دُكَنْسُ كُوَ سُكَيِ تَڢِيَ دَ ڧَڢَا؞

38مُتَنٜىٰ مَاسُيَوَ وَطَنْدَ سُو بَ إِسْرَٰٓءِيلَاوَا بَ، سُكَ هَوْرَ تَرٜىٰدَسُو دَ غَرْكُنَنْسُ نَتُمَكِ دَ أَوَكِ دَ نَشَانُو مَاسُيَوَ؞

39سُكَيِ وَيْنَ مَرَرْ يِسْتِ دَغَ غَارِنْ دَ سُكَ ݣُوٻَ وَنْدَ سُكَ رِڧٜىٰ دَغَ ڧَسَرْ مَصَرْ؞ غُرَاسَرْ بَاتَ دَ يِسْتِ، سَبُواْدَ أَنْكُواْرٜىٰسُ دَ غَغَّاوَا سُڢِتَ دَغَ مَصَرْ، بَسُ كُوَ سَامِ ظَرَڢِ سُشِرْيَ وَكَنْسُ عَبِنْثِبَ، سَيْ غَارِنْ دَ سُكَ ݣُوٻَ؞

40إِسْرَٰٓءِيلَاوَا سُنْ ذَوْنَ عَثِكِنْ ڧَسَرْ مَصَرْ وَجٜىٰنْ شٜىٰكَرَا طَرِے حُطُ دَ تَلَاتِنْ؞

41أَ رَانَرْ دَ شٜىٰكَرَا طَرِے حُطُ دَ تَلَاتِنْ سُكَ ثِكَ، أَوَنَّنْ رَانَ دُكَنْ مُتَنٜىٰنْ يَهْوٜىٰهْ سُكَ ڢِتَ دَغَ ڧَسَرْ مَصَرْ ڧُنْ‌غِيَ ڧُنْ‌غِيَ؞

42وَنَّنْ دَرٜىٰنْ يَا ذَمَ دَرٜىٰنْ دَ يَهْوٜىٰهْ يَسَا عِدُواْ عَكَنْ مُتَنٜىٰنْسَ دُواْمِنْ يَڢِتَرْ دَسُو دَغَ ثِكِنْ ڧَسَرْ مَصَرْ؞ سَبُواْدَ حَكَ دُكَنْ إِسْرَٰٓءِيلَاوَا ذَاسُ كٜىٰٻٜىٰ وَنَّنْ دَرٜىٰ غَ يَهْوٜىٰهْ دَغَ نَنْ حَرْ ذُوَا إِيَاكَرْ ڟَارَرْسُ؞

43سَيْ يَهْوٜىٰهْ يَثٜىٰ وَ مُوسَٰى دَ هَٰرُونَ «غَا ڧَٰعِدُواْدِ نَبِكٍ ڧٜىٰتَرٜىٰوَ، بَذَاعَ يَرْدَ بَڧُواْ يَثِبَ؞

44عَمَّا كُواْوَنٜىٰ بَاوَنْ دَ عَكَ سَيٜىٰشِ دَ كُطِ، ذَيْ عِيَثِ إِنْ دَيْ أَنْيِ مَسَ كَاثِيَ؞

45بَڧُوانْدَ يَسَوْكَ نَطَنْ لُواْكَثِ كُواْ وَنْدَ عَكَ طَوْكٜىٰشِ عَيْكِنْ هَيَ، بَذَيْثِبَ؞

46ذَاعَثِشِ عَثِكِنْ غِدَنْ دَ عَكَ دَڢَ، بَذَاعَ طَوْكِ كُواْمٜىٰ دَغَ نَامَنْ عَكَيْ وَجٜىٰبَ؞ بَابُ كُواْ ڧَشِنْسَ طَيَ دَ ذَاعَ كَرْيَ؞

47دُكَنْ جَمَعَرْ إِسْرَٰٓءِيلَ ذَاسُ كِيَايٜىٰ وَنَّنْ بِكٍ ڧٜىٰتَرٜىٰوَ؞

48عَمَّا عِدَنْ بَڧُوانْ دَيَكٜىٰ ذَمَ عَثِكِنْكُ يَنَ سُواْ يَيِ بِكٍ ڧٜىٰتَرٜىٰوَ غَ يَهْوٜىٰهْ ، كُواْوَنٜىٰ نَمِجِنْ دَيَكٜىٰ تَرٜىٰ دَشِ ذَاعَيِ مَسَ كَاثِيَ؞ سَعَنً ذَيْ عِيَ شِغَ بِكٍ تَرٜىٰدَكُو، كُمَ ذَاعَ طَوْكٜىٰشِ كَمَرْ طَنْ كَسَ؞ عَمَّا وَنْدَ بَعَيِ مَسَ كَاثِيَبَ، بَذَيْ تَٻَثِبَ؞

49ڧَٰعِدَ طَيَثٜىٰ غَ كُواْوَ، كُواْ طَنْ ڧَسَانٜىٰ كُواْ بَڧُواْنٜىٰ وَنْدَ يَكٜىٰ ذَمَ عَثِكِنْكُ؞»

50دُكَنْ مُتَنٜىٰنْ إِسْرَٰٓءِيلَ سُكَيِ دَيْدَيْ يَدَّ يَهْوٜىٰهْ يَعُمَرْثِ مُوسَٰى دَ هَٰرُونَ؞

51أَ رَانَرْ نَنْ يَهْوٜىٰهْ يَا ڢِتَرْدَ جَمَعَرْ إِسْرَٰٓءِيلَ دَغَ ڧَسَرْ مَصَرْ ڧُنْ‌غِيَ ڧُنْ‌غِيَ؞

← Chapter 11 Jump to: Chapter 13 →