Exodus 40

Hausa Arabic 2020 (أَتَّوْرَتْ دَ أَنَّبَاوَا)

← Chapter 39 Jump to:

1سَيْ يَهْوٜىٰهْ يَثٜىٰ وَ مُوسَٰى،

2«أَ رَانَ تَڢَرْكُواْ غَ وَتَ نَڢَرْكُواْ ذَاكَ كَڢَ تٜىٰنْتِنْ كَسَنْثٜىٰوَرْ يَهْوٜىٰهْ ؞

3ذَاكَ أَجِيٜىٰ عَݣُوتِنْ شَيْدَرْ يَرْجٜىٰجٜىٰنِيَ عَثِكِ، كَسَا بَبَّنْ لَبُلٜىٰنْ دَ ذَيْ تَرٜىٰ عَݣُوتِنْ؞

4ذَاكَ شِغَرْدَ تٜىٰبُرِنْ، كَشِرْيَ كَايَيَّكِنْسَ عَكَيْ؞ ذَاكَ شِغَرْدَ سَنْدَا مَيْ رِڧٜىٰ ڢِتِلُ، سَعَنً كَشِرْيَ ڢِتِلُ أَوُرَارٜىٰنْسُ؞

5ذَاكَ أَجِيٜىٰ بَغَدٜىٰنْ ظِينَارِيَ نَڧُواْنَ تُرَارٜىٰ أَغَبَنْ عَݣُوتِنْ شَيْدَرْ يَرْجٜىٰجٜىٰنِيَ، سَعَنً كَرَاتَيَ لَبُلٜىٰ عَڧُواْڢَرْ تٜىٰنْتِنْ؞

6ذَاكَ أَجِيٜىٰ بَغَدٜىٰ نَهَدَايَ تَڧُواْنَاوَا أَغَبَنْ ڧُواْڢَرْ تٜىٰنْتِنْ كَسَنْثٜىٰوَرْ يَهْوٜىٰهْ ؞

7ذَاكَ كُمَ أَجِيٜىٰ ڧَتُوانْ ݣُونُواْ نَتَغُلَّ ڟَكَانِنْ تٜىٰنْتِنْ سَدُوَ دَ بَغَدٜىٰنْ، سَيْ كَثِكَشِ دَ ضُوَ؞

8ذَاكَ كَڢَ غِنْشِڧَيْ كٜىٰوَيٜىٰ دَ إِيَاكَرْ ڢِيلِنْ، كَرَاتَيَ لَبُلٜىٰ عَكَيْ، سَعَنً كَرَاتَيَ لَبُلٜىٰنْ ڧُواْڢَرْ شِغَ ڢِيلِنْ؞

9«ذَاكَ طَوْكِ مَنْ كٜىٰٻٜىٰوَ، كَظُبَوَ تٜىٰنْتِنْ دَ دُكْ أَبِنْدَ يَكٜىٰ ثِكِنْسَ، كَكٜىٰٻٜىٰشِ دَ ڟَرْكِے دَ دُكَنْ كَايَنْ دَسُكٜىٰ ثِكِنْسَ؞ تَهَكَ كُوَ ذَاسُ كَسَنْثٜىٰ دَ ڟَرْكِے؞

10ذَاكَ ظُبَاوَ بَغَدٜىٰنْ هَدَايَ تَڧُواْنَاوَا دَ دُكَنْ كَايَنْ عَيْكِنْسَ مَنْ كٜىٰٻٜىٰوَ، كَكٜىٰٻٜىٰشِ دَ ڟَرْكِے؞ تَهَكَ بَغَدٜىٰنْ ذَيْ كَسَنْثٜىٰ دَ ڟَرْكِے سُواْسَيْ؞

11ذَاكَ ظُبَاوَ ڧَتُوانْ ݣُونُواْ دَ غِنْدِنْ ذَمَنْسَ مَنْ كٜىٰٻٜىٰوَ، كَكٜىٰٻٜىٰشِ دَ ڟَرْكِے؞

12«سَعَنً ذَاكَ كَٰوُاْ هَٰرُونَ دَ یَیَنْسَ مَظَا أَغَبَنْ ڧُواْڢَرْ تٜىٰنْتِنْ سَدُوَ، كَوَنْكٜىٰسُ دَ ضُوَ؞

13سَيْ كَسَاوَ هَٰرُونَ رِيغُنَ مَاسُ ڟَرْكِے، ذَاكَ ظُبَ مَسَ مَنْ كٜىٰٻٜىٰوَ، كَكٜىٰٻٜىٰشِ دَ ڟَرْكِے، دُواْمِنْ يَيِ مِنِ حِدِمَ تَڢِرِسْتِ؞

14سَيْ كَكَٰوُاْ یَیَنْسَ مَظَا غَبَ، كَسَا وَكُواْوَنّٜىٰنْسُ غَجٜىٰرِيَرْ رِغَا،

15كَظُبَ مُسُ مَنْ كٜىٰٻٜىٰوَ كَمَرْ يَدَّ كَيِ وَبَابَنْسُ، دُواْمِنْ سُيِ مِنِ حِدِمَ تَڢِرِسْتُواْثِے؞ تَوُرِنْ وَنَّنْ كٜىٰٻٜىٰوَرْسُ أَنْوَارٜىٰسُ غَ عَيْكِنْ ڢِرِسْتِ نَ دِنْدِنْدِنْ حَرْ إِيَاكَرْ ڟَارَرْسُ؞»

16مُوسَٰى كُوَ يَيِ كُواْمٜىٰ بِسَغَ يَدَّ يَهْوٜىٰهْ يَعُمَرْثٜىٰشِ؞

17أَ رَانَ تَڢَرْكُواْ غَ وَتَ نَڢَرْكُواْ أَ شٜىٰكَرَا تَبِيُ نٜىٰ عَكَ كَڢَ تٜىٰنْتِنْ كَسَنْثٜىٰوَرْ يَهْوٜىٰهْ ؞

18مُوسَٰى كُوَ يَتَادَ تٜىٰنْتِنْ، يَكَڢَ غِنْدِنْ ذَمَنْسَ، يَتَادَ ڢِرَمْ نَاسَ، يَكَڢَ سَنْدُنَنْسَ، يَتَادَ غِنْشِڧَنْسَ؞

19سَيْ يَشِمْڢِطَا ڢَتُنْ بَبَّنْ تٜىٰنْتِ عَبِسَ تٜىٰنْتِنْ كَسَنْثٜىٰوَرْ يَهْوٜىٰهْ ، سَعَنً يَڧَارَ شِمْڢِطَا أَبِنْ رُڢٜىٰوَ نَڢَتُنْ دَبُّواْبِے عَكَيْ، بِسَغَ يَدَّ يَهْوٜىٰهْ يَعُمَرْثِ مُوسَٰى؞

20سَيْ يَطَوْكِ أَلُّنَنْ شَيْدَرْ يَرْجٜىٰجٜىٰنِيَ، وَتُواْ دُواْكُواْكِ غُواْمَ، يَسَاسُ عَثِكِنْ عَݣُوتِنْ يَرْجٜىٰجٜىٰنِيَرْ؞ سَيْ يَسَا سَنْدُنَنْ طَوْكَرْ عَݣُوتِنْ عَثِكِنْ ذُواْبَّنْسُ، سَعَنً يَسَا مُرْڢِنْ، وَتُواْ وُرِنْ طَوْكَرْ أَلْحَكِنْ ذُنُوبِ، عَكَنْ عَݣُوتِنْ؞

21سَيْ يَشِغَرْدَ عَݣُوتِنْ شَيْدَرْ يَرْجٜىٰجٜىٰنِيَ عَثِكِنْ تٜىٰنْتِنْ كَسَنْثٜىٰوَرْ يَهْوٜىٰهْ ؞ سَعَنً يَرَاتَيَ بَبَّنْ لَبُلٜىٰنْ دَ ذَيْ ڟَرٜىٰ عَݣُوتِنْ، بِسَغَ يَدَّ يَهْوٜىٰهْ يَعُمَرْثِ مُوسَٰى؞

22عَثِكِنْ وُرِے مَيْ ڟَرْكِے أَغَبَنْ بَبَّنْ لَبُلٜىٰنْ يَأَجِيٜىٰ تٜىٰبُرِنْ أَغٜىٰڢٜىٰنْ أَرٜىٰوَ نَتٜىٰنْتِنْ؞

23يَكُمَ جٜىٰرَ غُرَاسَرْ دَ عَكَ كٜىٰٻٜىٰ عَكَنْ تٜىٰبُرِنْ أَغَبَنْ يَهْوٜىٰهْ ، بِسَغَ يَدَّ يَهْوٜىٰهْ يَعُمَرْثِ مُوسَٰى؞

24يَكُمَسَا سَنْدَا مَيْ رِڧٜىٰ ڢِتِلُ عَثِكِنْ وُرِے مَيْ ڟَرْكِے، أَ عِنْدَ يَكٜىٰ ڢُسْكَنْتَرْ تٜىٰبُرِنْ تَغٜىٰڢٜىٰنْ كُدُ نَ تٜىٰنْتِنْ؞

25سَعَنً يَكُنَّ ڢِتِلُنْ أَغَبَنْ يَهْوٜىٰهْ ، بِسَغَ يَدَّ يَهْوٜىٰهْ يَعُمَرْثِ مُوسَٰى؞

26يَكُمَسَا بَغَدٜىٰنْ ظِينَارِيَ عَثِكِنْ وُرِے مَيْ ڟَرْكِے أَغَبَنْ بَبَّنْ لَبُلٜىٰنْ،

27يَكُمَ ڧُواْنَ تُرَارٜىٰ مَيْ ڧَنْشِ عَكَنْ بَغَدٜىٰنْ، بِسَغَ يَدَّ يَهْوٜىٰهْ يَعُمَرْثِ مُوسَٰى؞

28يَكُمَ رَاتَيَ لَبُلٜىٰ عَڧُواْڢَرْ شِغَ وُرِے مَيْ ڟَرْكِے نَ تٜىٰنْتِنْ؞

29كُسَ دَ ڧُواْڢَرْ شِغَ تٜىٰنْتِنْ يَكَڢَ بَغَدٜىٰنْ هَدَايَ تَڧُواْنَاوَا، يَكُمَ مِيڧَ هَدَايَ تَڧُواْنَاوَا دَ هَدَايَ تَهَڟِ، بِسَغَ يَدَّ يَهْوٜىٰهْ يَعُمَرْثِ مُوسَٰى؞

30يَكُمَسَا ڧَتُوانْ ݣُونُوانْ أَڟَكَانِنْ تٜىٰنْتِنْ كَسَنْثٜىٰوَرْ يَهْوٜىٰهْ دَ بَغَدٜىٰنْ هَدَايَ تَڧُواْنَاوَا، سَعَنً يَظُبَ ضُوَ عَثِكِنْ ڧَتُوانْ ݣُونُواْ دُواْمِنْ وَنْكَ،

31عِنْدَ مُوسَٰى دَ هَٰرُونَ دَ یَیَنْسَ مَظَا سُكَنْ وَنْكٜىٰ حَنُّوَنْسُ دَ ڧَڢَاڢُنْسُ؞

32سُكَنْيِ وَنْكَ سَعَدَّ سُكٜىٰ شِغَ ثِكِنْ تٜىٰنْتِ كُواْ كُمَ سَعَدَّ سُكَ كُسَنْثِ بَغَدٜىٰنْ، بِسَغَ يَدَّ يَهْوٜىٰهْ يَعُمَرْثِ مُوسَٰى؞

33يَكَڢَ غِنْشِڧَيْ كٜىٰوَيٜىٰ دَ إِيَاكَرْ ڢِيلِ عِنْدَ تٜىٰنْتِنْ دَ بَغَدٜىٰنْ سُكٜىٰ، يَرَاتَيَ لَبُلٜىٰ عَكَيْ، سَعَنً يَرَاتَيَ لَبُلٜىٰنْ ڧُواْڢَرْ شِغَ إِيَاكَرْ ڢِيلِنْ؞ تَهَكَ مُوسَٰى يَغَمَ عَيْكِنْ؞

34سَيْ ڧُنْشِنْ غِرْغِجٜىٰ يَرُڢٜىٰ تٜىٰنْتِنْ سَدُوَ، حَصْكٜىٰنْ طَوْكَكَرْ يَهْوٜىٰهْ يَثِكَ تٜىٰنْتِنْ كَسَنْثٜىٰوَرْ يَهْوٜىٰهْ ؞

35مُوسَٰى بَيْ عِيَ شِغَ ثِكِنْ تٜىٰنْتِنْ سَدُوَ بَ، سَبُواْدَ ڧُنْشِنْ غِرْغِجٜىٰنْ يَذَوْنَ عَبِسَ تٜىٰنْتِنْ، حَصْكٜىٰنْ طَوْكَكَرْ يَهْوٜىٰهْ يَثِكَ تٜىٰنْتِنْ كَسَنْثٜىٰوَرْ يَهْوٜىٰهْ ؞

36دُكْ سَعَدَّ ڧُنْشِنْ غِرْغِجٜىٰنْ يَتَاشِ دَغَ كَنْ تٜىٰنْتِنْ، سَيْ جَمَعَرْ إِسْرَٰٓءِيلَ سُتَاشِ دَغَ ذَنْ‌غُوانْ سُكَامَ حَنْيَرْسُ؞

37عِدَنْ ڧُنْشِنْ غِرْغِجٜىٰنْ بَيْتَاشِبَ، سُو مَا بَذَاسُ تَاشِبَ، سَيْ لُواْكَثِنْدَ يَتَاشِ تُكُنَ؞

38غَمَا ڧُنْشِنْ غِرْغِجٜىٰنْ يَهْوٜىٰهْ يَكَنْ كَسَنْثٜىٰ عَبِسَ تٜىٰنْتِنْ دَ رَانَ دَ دَرٜىٰ كُمَ وُتَا يَكَنْ كَسَنْثٜىٰ ثِكِنْ غِرْغِجٜىٰنْ أَعِدُوانْ دُكَنْ غِدَنْ إِسْرَٰٓءِيلَ؞ حَكَ يَكَسَنْثٜىٰ ثِكِنْ دُكَنْ تَڢِيَرْسُ دَغَ ذَنْ‌غُواْ ذُوَا ذَنْ‌غُواْ؞

← Chapter 39 Jump to: