Habakkuk 1

Hausa Arabic 2020 (أَتَّوْرَتْ دَ أَنَّبَاوَا)

Jump to: Chapter 2 →

1غَا سَڧُوانْ يَهْوٜىٰهْ وَنْدَ أَنَّبِے حَبَكُّكْ يَغَنِ عَثِكِنْ رُعُيَ؞

2حَرْ يَوْشٜىٰ، يَا يَهْوٜىٰهْ ، ذَنْيِ تَكُوكَنْ نٜىٰمَنْ تَيْمَكُواْ، كَيْ كُوَ كَڧِ كَجِ؟ إِنَ تَكُوكَا غَرٜىٰكَ سَبُواْدَ تَاشِنْ حَنْكَلِ، كَيْ كُوَ كَڧِيِنْ ثٜىٰتُواْ؞

3مٜىٰيَسَا كَسَا نَغَ مُغُنْتَا نَكُمَغَ وَهَلَ؟ هَلَّكَ دَ تَاشِنْ حَنْكَلِ سُنَ غَبَنَ؞ جَيَيَّ دَ غَرْدَمَ سُنْ تَاسُواْ؞

4دُواْمِنْ حَكَ بَعَبِنْ دُواْكَا، غَسْكِيَ كُمَ بَاتَ عَيْكِ؞ مُوغَيٜىٰ سُنْ كٜىٰوَيٜىٰ مَاسُ أَدَلْثِے، دُواْمِنْ حَكَ شَرِيعَرْ غَسْكِيَ تَكَنْ ڢِتُواْ أَ جُجُّويٜىٰ؞ يَهْوٜىٰهْ يَأَمْسَ يَثٜىٰ،

5دُوبَ ثِكِنْ أَلْعُمَّيْ، كَغَنِ! كَيِ مَامَاكِ سُواْسَيْ! غَمَا إِنَ وَنِ عَيْكِ عَثِكِنْ ݣُونَكِنْكَ، وَنْدَ بَذَاكَ غَسْكَتَبَ، كُواْ أَنْ‌غَيَ مَكَ؞

6غَاشِ، إِنَ تَادَ كَلْدِيَاوَا، أَلْعُمَّرْ نَنْ مَيْ ذَاڢِنْ رَيْ مَيْ ڢِتِنَ كُمَ، وَطَنْدَ سُكٜىٰ تَڢِيَ كُواْعِنَ أَ ڢَاطِنْ دُونِيَا سُڨُوثٜىٰ وُرَارٜىٰنْ ذَمَنْ دَ بَنَاسُبَ؞

7مَاسُ بَنْ ڟُواْرُواْ دَ بَرَظَنَنٜىٰ سُو، سُنَيِنْ شَرِيعَرْسُ دَ أَيُّكَنْسُ يَدَّ سُكَغَ دَامَ؞

8دَوَكِنْسُ سُنْڢِے دَامِسَ سَوْرِ، ذَاڢِنْ رَنْسُ يَڢِ نَكَرْنُكَنْ دَاجِ مَاسُ ڟَنَنِنْ يُنْوَ؞ سُواْجُواْجِنْسُ سُنَ ذُوَا دَ تَاڧَمَ؞ عِ، سُواْجُواْجِنْسُ دَغَ نٜىٰسَ سُكٜىٰ ڢِتُواْوَ، سُكَنْ تَاشِ كَمَرْ غَغَّڢَ مَيْ سَوْرِنْ ثِنْيٜىٰوَ؞

9دُكَنْسُ سُكَنْ ذُواْ نٜىٰ دَ نُڢِنْ تَادَ حَنْكَلِ، أَنَ جِنْ ڟُواْرُوانْسُ تُنْ مَا بَسُ إِسُواْبَ؞ سُكَنْ تَتَّارَ بَايِ مَاسُيَوَ كَمَرْ يَشِ؞

10غَ سَرَاكُنَ، سُكَنْيِ مُسُ بَعَ، غَ مَاسُ مُلْكِ، سُكَنْ مَيْدَسُو أَبِنْ دَارِيَا؞ غَ كُواْوَنٜىٰ بِرْنِ مَيْ كَتَنْ‌غَ، سُكَنْ رٜىٰنَشِ، سُكَنْ تَارَ ڧَسَا سُهَوْ سُثِنْيٜىٰتَ؞

11سُكَنْ وُثٜىٰ دَ سَوْرِ كَمَرْ إِسْكَ، سُثِيغَبَ؞ مَاسُ لَيْڢِينٜىٰ سُو، ڧَرْڢِنْسُ اللَّهْ‌نْسُنٜىٰ؞

12يَا يَهْوٜىٰهْ ، دَغَ حَرْ أَبَدَانٜىٰ كَيْ! يَهْوٜىٰهْ اللَّهْ نَا، مَيْ ڟَرْكِنَ، بَاكَ مُتُوَ! يَا يَهْوٜىٰهْ ، كَيْ كَاسَا كَلْدِيَاوَا سُحُكُنْتَمُ؞ يَا دُوڟٜىٰ، كَيْ كَاكَڢَسُ سُيِ مَنَ حُواْرُواْ؞

13كَيْ وَنْدَ عِدَنُونْكَ مَاسُ ڟَرْكِے نٜىٰ، سُنْڢِے ڧَرْڢِنْ غَنِنْ مُغُنْتَا، بَاكَاسُواْ كَكَلِّ لَيْڢِے؞ مٜىٰيَسَا كَكٜىٰ دُوبَنْ مَاسُثِنْ أَمَانَ؟ مٜىٰيَسَا كَنَ شِضُ سَعَدَّ مُوغُ يَنَ حَطِيٜىٰ مُتُمِنْدَ يَڢِيشِ أَدَلْثِے؟

14كَيْ كَايِ مُتَنٜىٰ كَمَرْ كِيڢَيٜىٰنْ تٜىٰكُ، كَمَرْ حَلِتُّو مَاسُ رَرَّڢٜىٰ وَطَنْدَ بَاسُدَ شُوغَبَا؞

15كَلْدِيَاوَا سُكَنْ كَامَ مُتَنٜىٰ دَ ڧُوغِيَ، سُكَنْ جَٰوُاْسُ وَجٜىٰ دَ رَاغَرْ كَامُنْ كِيڢِنْسُ، سُكَنْ تَتَّرَاسُ عَثِكِنْ جَكَرْسُ؞ سَعَنً سُيِ مُرْنَ دَ ڢَضٍ ثِكِ!

16دُواْمِنْ حَكَ سُكَنْيِ هَدَايُ غَ رَاغَرْ كَامُنْ كِيڢِنْسُ، سُكُمَ ڧُواْنَ تُرَارٜىٰ غَ جَكَرْسُ؞ غَمَا تَوُرِنْسُ نٜىٰ سُنَ رَايُوَا عَيَلْوَثٜىٰ، عَبِنْثِنْسُ كُمَ نَمَيْ أَرْزِڧِ نٜىٰ؞

17ذَاسُ ثِيغَبَدَ ݣُوشٜىٰوَا دَ رَاغَرْ كَامُنْ كِيڢِنْسُ كٜىٰنَنْ؟ ذَاسُيِ تَكَكَّشٜىٰ أَلْعُمَّنْ دُونِيَا بَا تَوْسَيِ حَرْ أَبَدَا كٜىٰنَنْ؟

Jump to: Chapter 2 →