Habakkuk 3

Hausa Arabic 2020 (أَتَّوْرَتْ دَ أَنَّبَاوَا)

← Chapter 2 Jump to:

1أَدُّعَرْ أَنَّبِے حَبَكُّكْ، أَنَ يِنْتَ بِسَغَ مُرْيَرْ شِغِيُواْنُواتْ؞

2يَا يَهْوٜىٰهْ ، نَجِ لَابَرِنْكَ، عَيْكِنْكَ، يَا يَهْوٜىٰهْ ، يَبَانِ ڟُواْرُواْ؞ أَ زَامَانِنْمُ، بَرِ كَسَابُنْتَ أَيُّكَنْكَ، أَ زَامَانِنْمُ، بَرِ كَسَا أَ سَنْ شِ؞ كُواْ عَثِكِنْ ڢُشِنْكَ، كَيِ مَنَ جِنْڧَيْ؞

3دَغَ تٜىٰمَنْ أَ عٜىٰدُوامْ، اللَّهْ يَذُواْ، دَغَ بَبَّنْ تُدُنْ ڢَرَنْ، مَيْ ڟَرْكِنَّنْ يَذُواْ طَوْكَكَرْسَ تَرُڢٜىٰ سَمَّيْ، دُونِيَا دُكَ تَنَ يَبُوانْسَ؞

4وَلْڧِيَرْسَ كَمَرْ حَصْكٜىٰنْ رَانَثٜىٰ، حَصْكٜىٰ يَنَ حَصْكَكَاوَا دَغَ حَنُّنْسَ، عِنْدَ إِيكُوانْسَ يَكٜىٰ عَٻُواْيٜىٰ؞

5أَغَبَنْسَ، يَعَيْكَرْ دَ بَلَعِ، يَعُمَرْثِ بَلَعِنْ مُتُوَ يَبِے بَايَنْسَ؞

6يَڟَيَ، يَجِجِّغَ دُونِيَا، يَدُوبَ، يَغِرْغِظَ أَلْعُمَّيْ؞ عَكَ ڢَرْڢَشٜىٰ مَنْيَنْ تُدَّيْ نَدَا، تُدَّيْ نَتُنْتُنِ سُكَ نُڟٜىٰ ڧَسَا، حَكَ هَنْيُواْيِنْسَ نَتُنْدَا دَا سُكٜىٰ؞

7نَغَ تٜىٰنْتُنَنْ كُشَنْ عَثِكِنْ عَذَابَ، مُتَنٜىٰنْ ڧَسَرْ مَدْيَنَ سُنَ ضَوَرْ جِكِے؞

8يَا يَهْوٜىٰهْ ، كَنَ ڢُشِے دَ كُواْغِ نٜىٰ؟ ذَاڢِنْ رَنْكَ عَكَنْ كُواْغُنَ نٜىٰ؟ ذَاڢِنْ ڢُشِنْكَ عَكَنْ تٜىٰكُ نٜىٰ؟ كُواْ شِے يَسَا كَهَوْ دَوَكِنْكَ، كٜىٰكٜىٰنْ دُواْكِنْكَ دُواْمِنْ كَكَٰوُاْ نَصَرَا؟

9كَڢِتَرْدَ بَكَنْكَ أَ ڢِيلِ، كَسَا كِبِيُواْيِ عَكَنْ إِغِيَ؞ كَڟَٰغَ ڧَسَا، كُواْغُنَ سُكَ رَبُ؞

10مَنْيَنْ تُدَّيْ سُنْ غَنْكَ، سُكَيِ ضَوَرْ جِكِے؞ ضُوَ مَيْ ڧَنْڧَرَ يَظُبَ، ظُرْڢَڢَّنْ تٜىٰكُ سُكَيِ رُورِ، سُكَ طَغَ رَاڧُمَنْ ضُوَنْسُ سَمَ؞

11رَانَ دَ وَتَ سُكَ ڟَيَ ثِكْ أَ عِنْدَ سُكٜىٰ دَ ذَمَ، سَبُواْدَ حَصْكٜىٰنْ كِبِيُواْيِنْكَ يَوُثٜىٰ تَرٜىٰدَ حَصْكٜىٰنْ مَاشِنْكَ مَيْ وَلْڧِيَ؞

12عَثِكِنْ ذَاڢِنْ رَنْكَ كَتَاكَ دُونِيَا، ثِكِنْ ڢُشِنْكَ كَتَتَّكٜىٰ أَلْعُمَّيْ؞

13كَڢِتُواْ دُواْمِنْ ثٜىٰتُوانْ مُتَنٜىٰنْكَ، دُواْمِنْ ثٜىٰتُوانْ وَنْدَ كَكٜىٰٻٜىٰ؞ كَمُرْڧُشٜىٰ كَنْمُوغُ، كَݣُونْتَرْ دَشِ ڟِرَرَ دَغَ ثِنْيَ حَرْ وُيَ؞

14دَ كِبِيُواْيِنْسَ كَسُواْكِ كَنْ شُوغَبَنْ يَاڧِنْسَ، سَعَدَّ سُكَذُواْ كَمَرْ غُوغُوَ دُواْمِنْ سُوَرْوَاڟَرْ دَمُو؞ ڢَضٍ ثِكِنْسُ نٜىٰ سُثِنْيٜىٰ تَلَكَاوَنْ دَسُكٜىٰ عَٻُواْيٜىٰ؞

15كَتَتَّكٜىٰ تٜىٰكُ دَ دَوَكِنْكَ، كَنَ مُواْڟَ رَاڧُمَنْ ضُوَ؞

16دَنَجِ، سَيْ جِكِينَ يَيِ ضَوَ، لٜىٰٻُنَ سُكَيِ ضَوَ دَ ڟُواْرُواْ؞ غَٻُواْٻِنْ جِكِينَ سُكَ مُتُ، إِنَ تَڢِيَ ڧَڢَاڢُنَ سُنَ ضَوَ؞ دُكْدَهَكَ، ذَنْيِ شِضُ إِنَ جِرَا رَانَرْ عَذَابَ، عَذَابَرْ دَ ذَاتَ ڢَاطُواْ عَكَنْ مُتَنٜىٰنْ دَسُكٜىٰ كَٰوُاْ مَنَ يَاڧِ؞

17كُواْدَيَكٜىٰ إِتَاثٜىٰنْ ٻَوْرٜىٰ بَيْيِ ڢُلَوَبَ، كُمَبَا یَیَ عَكَنْ إِتَاثٜىٰنْ إِنَبِے، كُواْدَيَكٜىٰ إِتَاثٜىٰنْ ظَيْتُنْ بَيْ بَادَ أَمْڢَانِبَ، كُمَ غُواْنَكِ بَسُ بَادَ أَمْڢَانِبَ، كُواْدَيَكٜىٰ بَابُ تُمَكِ أَغَرْكٜىٰنْسُ، كُمَ بَابُ شَانُو أَوُرِنْ ذَمَنْسُ،

18دُكْدَهَكَ، ذَنْيِ ڢَضٍ ثِكِ عَثِكِنْ يَهْوٜىٰهْ ، ذَنْيِ مُرْنَ عَثِكِنْ اللَّهْ مَيْ ثٜىٰتُواْنَ؞

19عُبَنْ‌غِجِ يَهْوٜىٰهْ شِينٜىٰ ڧَرْڢِينَ، يَمَيْدَ ڧَڢَاڢُنَ سُكَامَ ڧَسَا، نَيِتَڢِيَ عَكَنْ دُوَڟُو كَمَرْ بَرٜىٰوَ؞

← Chapter 2 Jump to: