Habakkuk 2

Hausa Arabic 2020 (أَتَّوْرَتْ دَ أَنَّبَاوَا)

← Chapter 1 Jump to: Chapter 3 →

1«ذَنْ هَوْرَ دُواْمِنْ إِنْ دُوبَ، إِنْ ڟَيَ عَكَنْ حَصُومِيَا، إِنْ دُوبَ، إِنْ غَ أَبِنْدَ يَهْوٜىٰهْ ذَيْ ڢَطَا مِنِ، دَ أَمْسَرْ دَ ذَيْ بَايَرْ غَمٜىٰدَ كُوكَنَ؞»

2يَهْوٜىٰهْ كُوَ يَأَمْسَ مِنِ، يَثٜىٰ، «رُبُوتَ رُعُيَرْ، كَرُبُوتَتَ تَڢِتَ دَلَّ دَلَّ عَكَنْ أَلُّنَ، مَيْ كَرَنْتَاوَا يَ عِيَيِ دَ سَوْرِ؞

3غَمَا حَرْ يَنْذُ رُعُيَرْ تَنَ جِضَانْ لُواْكَثِنْتَ تَنَ سَوْرِنْ ذُوَاغَ ثِكَاوَا، بَذَاتَ ذَمَ ڧَضْيَابَ؞ كُواْ دَمَا تَدَطٜىٰ، كَجِرَتَ، لَلَّيْ ذَاتَ ذُواْ، بَذَاتَيِ لَتِّبَ؞

4غَاشِ، وَطَنْدَ ذُوثِيَارْسُ بَ دَيْدَيْبَ، بَذَاسُ رَايُبَ؞ عَمَّا مَاسُ أَدَلْثِے، تَوُرِنْ بَنْ‌غَسْكِيَرْسُ، ذَاسُ رَايُ؞»

5بَنْدَ حَكَ، أَرْزِڧِ مَيْ رُوطُ نٜىٰ؞ مَيْ طَغَ كَيْ ذَيْ شُوطٜىٰ؞ مَڧُواْڠُورُوانْ بُورِنْسَ يَنَدَ ڢَاطِ كَمَرْ وُرِنْ مَتَتُّو، كَمَرْ مُتُوَ، بَايَ ڧُواْشِ؞ يَكَنْ تَتَّارَ وَكَنْسَ أَلْعُمَّيْ دُكَ، يَكَنْ ݣُوسُواْ وَكَنْسَ ڧَبِيلُ؞

6دُكَنْ ڧَبِيلُنَّنْ ذَاسُيِ غَابَادَشِ، سُنَ مَسَ دَارِيَا دَ رٜىٰنِ ثٜىٰوَ «كَيْتُوانْكَ، مَيْ تَتَّارَ أَبِنْدَ بَنَكَبَ! حَرْ يَوْشٜىٰ، ذَاكَ تَارَ وَكَنْكَ أَرْزِڧِ تَوُرِنْ عَيْكِنْ ثُوتَا؟»

7بَا لَابَرِ، مَاسُبِنْكَ بَاشِ ذَاسُ تَاسَرْ مَكَ، أَيْ، ذَاسُ ڢَرْكَ سُسَاكَ ضَوَرْ جِكِے؞ ذَاكَ ذَمَ مُسُ كَايَنْ دَ عَكَ ڨُوثٜىٰ عَيَاڧِ؞

8دَ ڧَرْڢِے كَڨُوثٜىٰ كَايَنْ أَلْعُمَّيْ دَيَوَ، يَنْذُ دُكَنْ ضَغُواْوَرْ ڧَبِيلُ ذَاسُ ڨُوثٜىٰ نَاكَ، سَبُواْدَ جِنِنْ مُتَنٜىٰ دَ ٻَرْنَرْدَ كَيِ وَدُونِيَا، دَ بِرَنٜىٰ دَ دُكَنْ مَاسُ ذَمَ عَثِكِنْسُ؞

9كَيْتُوانْكَ، مَيْ ثِنْ مُوغُوَرْ رِيبَ دُواْمِنْ غِدَنْكَ! كَيْ مَيْ غِنَا غِدَا عَكَنْ تُدُ دُواْمِنْ كَكُٻُتَ دَغَ مَسِيڢَ!

10كَجَٰوُاْوَ غِدَنْكَ كُنْيَا؞ عَبَاكِنْ رَنْكَ كَكَكَّشٜىٰ ڧَبِيلُ دَيَوَ؞

11دُووَڟُنْ كَتَنْ‌غَرْ ذَاسُيِ إِيهُ، بِمْ نَكَتَكَيْ سُأَمْسَ؞

12كَيْتُوانْكَ، مَيْ غِنَا غَرِ دَ جِنِ مَيْ كَڢَ بِرْنِ عَكَنْ مُغُنْتَا!

13كُسَوْرَرَ، بَ نُڢِنْ يَهْوٜىٰهْ مَيْ ضُنْدُنَا نٜىٰ ڧَبِيلُ سُيِ عَيْكِ دُواْمِنْ وُتَا تَلَشٜىٰ كَوَيْبَ؟ أَلْعُمَّيْ كُمَ سُغَجِيَرْ دَ كَنْسُ عَبَنْظَبَ؟

14عَمَّا دُونِيَا ذَاتَ ثِكَ دَ سَنِنْ طَوْكَكَرْ يَهْوٜىٰهْ ، كَمَرْ يَدَّ ضُوَيٜىٰ سُنْثِكَ تٜىٰكُ؞

15كَيْتُوانْكَ، مَيْسَا مَڨُوبْتَنْكَ سُشَا، كَنَ ظُبَ مُسُ دَڢِنْ ڢُشِنْكَ حَرْ سُبُغُ، دُواْمِنْ كَدُوبِے ڟِرَيْثِنْسُ!

16مَيْمَكُوانْ دَرَجَ ذَاكَ ثِكَ دَ كُنْيَا؞ كَيْ ذَاكَ شَا كَبُغُ! ݣُوڢْ وَنْدَ يَكٜىٰ أَ حَنُّنْ دَامَنْ يَهْوٜىٰهْ ذَيْ جُويَا عَكَنْكَ، كُنْيَا ذَاتَ رُڢٜىٰ دَرَجَرْكَ!

17ٻَرْنَرْدَ كَيِ وَ لٜىٰبَنُوانْ، ذَاتَ كُواْمُواْ كَنْكَ؞ هَلَّكَرْوَرْ نَمُواْمِنْ دَاجِنْتَ دَ كَيِ، ذَاتَ ڟُواْرَتَرْ دَكَيْ، سَبُواْدَ جِنِنْ مُتَنٜىٰنْدَ كَظُبَرْ دَ ٻَرْنَرْدَ كَيِ وَڧَسَا، دَ وَدَّ كَيِ وَبِرَنٜىٰ دَ دُكَنْ وَطَنْدَ سُكٜىٰ ذَمَ عَثِكِنْسُ؞

18إِنَا أَمْڢَانِنْ غُنْكِ تُنْدَيَكٜىٰ مُتُمْ نٜىٰ يَسَسَّڧَشِ؟ صِڢَّرْ ڧَرْڢٜىٰ نٜىٰ كُمَ مَيْكُواْيَرْ دَ ڧَضْيَا؞ إِنَا أَمْڢَانِ مَيْيِنْسَ يَدُواْغَرَ غَ أَبِنْدَ يَيِ؟ غَمَا يَدُواْغَرَ غَ غُنْكِنْ دَ بَايَجِ بَلّٜىٰ يَيِ مَغَنَ؞

19كَيْتُوانْكَ، مَيْ ثٜىٰوَ كَتَكُواْ «ڢَرْكَ!» غَ دُوڟٜىٰ مَرَرْجِ كُمَ «تَاشِ!» وَنَّنْ ذَيْ عِيَ بَيَّنَ أَسِيرِ؟ غَاشِ، أَنْرُڢٜىٰشِ دَ ظِينَارِيَ دَ أَظُرْڢَا، كُمَ بَابُ نُمْڢَشِ كُواْ كَطَنْ عَثِكِنْسَ؞

20عَمَّا يَهْوٜىٰهْ يَنَ ثِكِنْ هَيْكَلِنْسَ مَيْ ڟَرْكِے، بَرِ دُكَنْ دُونِيَا تَيِ شِضُ أَغَبَنْسَ!

← Chapter 1 Jump to: Chapter 3 →