Hosea 14

Hausa Arabic 2020 (أَتَّوْرَتْ دَ أَنَّبَاوَا)

← Chapter 13 Jump to:

1يَا إِسْرَٰٓءِيلَ، كُجُويُواْ غَ يَهْوٜىٰهْ اللَّهْ نْكُ، غَمَا لَيْڢُواْڢِنْكُ سُنْ سَا كُنَ يِنْ تُنْتُٻٜىٰ؞

2كُكُواْمَ وُرِنْ يَهْوٜىٰهْ دَ مَغَنَ كُثٜىٰ مَسَ «كَغَاڢَرْتَا مَنَ لَيْڢُواْڢِنْمُ، كَكَرْٻٜىٰمُ سَبُواْدَ أَلْحٜىٰرِنْكَ، مُو كُوَ ذَامُ يَبٜىٰكَ دَ بَاكِنْمُ، أَمَيْمَكُوانْ هَدَايَرْ بِجِمَيْ؞

3أَسُّرِيَ بَذَاتَ عِيَ ثٜىٰتُوانْمُبَ، بَذَامُ دُواْغَضَ عَكَنْ دَوَكِنْ يَاڧِبَ، كُواْ كُوَ مُثٜىٰوَ عَيْكِنْ حَنُّوَنْمُ، ‹كُونٜىٰ أَلُّواْلِنْمُ؞› غَمَا أَوُرِنْكَ نٜىٰ مَرَرْ إِيَايٜىٰ يَكَنْ سَامِ جِنْڧَيْ؞»

4إِنْجِ يَهْوٜىٰهْ ، «جُويَا بَايَنْدَ سُكٜىٰيِ مِنِ، ذَنْ غَاڢَرْتَا مُسُ؞ ذَنْ ڧَوْنَثٜىٰسُ دَ ذُوثِيَاتَ أَ سَكٜىٰ، غَمَا ڢُشِنَ عَكَنْسُ يَݣُونْتَ؞

5ذَنْ ذَمَ كَمَرْ رَٻَ غَ إِسْرَٰٓءِيلَ؞ ذَاسُ يَلْوَتَ كَمَرْ ڢُلَوَرْ دَاجِ، ذَاسُ مِيڧٜىٰ سَيْوُاْيِنْسُ كَمَرْ مَنْيَنْ عِتَتُوَنْ سٜىٰدَ نَ لٜىٰبَنُوانْ؞

6رَسَّنْسُ ذَاسُ يَطُ، ݣَنْسُ ذَيْ ذَمَ كَمَرْ نَ عِتَتُوَنْ ظَيْتُنْ، ذَاسُيِ ڧَنْشِ كَمَرْ عِتَتُوَنْ سٜىٰدَ نَ لٜىٰبَنُوانْ؞

7وَطَنْدَ سُكَذُواْ سُذَوْنَ عَڧَرْڧَشِنْ إِنُوَرْسُ، ذَاسُيِ نُواْمَنْ حَڟِ دَيَوَ، سُيِ یَیَ كَمَرْ إِتَاثٜىٰنْ إِنَبِے؞ ڧَنْشِنْسُ ذَيْسَامِ سُنَ كَمَرْ ضُوً إِنَبِے نَ لٜىٰبَنُوانْ؞

8«مُتَنٜىٰنْ إِسْرَٰٓءِيلَ عَ أَرٜىٰوَ ذَاسُثٜىٰ، ‹إِنَا ضُوَنْمُ دَ غُمَكَ؟› غَمَا نِے اللَّهْ نْسُ نٜىٰ، نِنٜىٰ ذَنْ سَوْرَرٜىٰسُ إِنْيِمُسُ أَلْبَرْكَ؞ كَمَرْ إِتَاثٜىٰ مَيْ يَوَنْ غَنْيٜىٰ كُواْرٜىٰ شَرْ، حَكَ نِے يَهْوٜىٰهْ ذَنْسَا سُيَلْوَتَ، نِنٜىٰ تُوشٜىٰنْ أَلْبَرْكَرْسُ؞»

9وَنٜىٰنٜىٰ مَيْ حِكِمَ؟ تُواْ، بَرِ يَڢَهِمْثِ أَبُبُوَنَّنْ؞ وَنٜىٰنٜىٰ مَيْ غَانٜىٰوَ؟ بَرِ يَسَنْدَسُو؞ غَمَا هَنْيُواْيِنْ يَهْوٜىٰهْ دَيْدَيْنٜىٰ، مَاسُ غَسْكِيَ أَ ظُوثِ سُكَنْيِ تَڢِيَ عَكَنْسُ لَاڢِيَ، عَمَّا مَاسُ ذُنُوبِنْ غَنْ‌غَنْثِ سُكَنْيِ تُنْتُٻٜىٰ عَكَنْسُ؞

← Chapter 13 Jump to: