Hosea 9

Hausa Arabic 2020 (أَتَّوْرَتْ دَ أَنَّبَاوَا)

← Chapter 8 Jump to: Chapter 10 →

1«يَا إِسْرَٰٓءِيلَ، كَدَ ڢَا كُيِ ڢَضٍ ثِكِ! كَدَ كُيِ مُرْنَ كَمَرْ سَوْرَنْ ڧَبِيلُ! غَمَا كُنْيِ وَ اللَّهْ نْكُ رَشِنْ أَمِنْثِ تَوُرِنْ بِنْ وَطَنْسُ أَلُّواْلِ كَمَرْ كَارُوَرْ دَتَكٜىٰبِنْ مَظَا؞ عَكُواْوَنّٜىٰ وُرِنْ بُغُنْ حَڟِ كُكَ سَيَرْ دَ كَنْكُ غَ غُنْكِنَّنْ بَعَلْ كَمَرْ كَارُوَ غَمَا كُنَ جِنْ دَاطِنْ لَادَنْ دَ كُكٜىٰ ڟَمَّنِ يَبَاكُ؞

2تُواْ، وُرِنْ بُغُنْ حَڟِنْكُ دَ وُرِنْ مَاڟَ إِنَبِنْكُ، بَذَاسُ سَاكٜىٰ ثِيَرْ دَكُو بَ؞ حَكَ مَا ضُوً إِنَبِنْكُ مَيْ ذَاڧِ بَذَيْبِيَ مُكُ بُڧَاتَبَ؞

3مُتَنٜىٰنْ إِسْرَٰٓءِيلَ عَ أَرٜىٰوَ بَذَاسُ ذَوْنَ عَڧَسَرْ يَهْوٜىٰهْ بَ، ذَاعَ كُواْمَرْدَ وَطَنْسُ أَ مَصَرْ، وَطَنْسُ مَا ذَاسُ تَڢِے أَسُّرِيَ، دُكَنْسُ ذَاسُثِ عَبِنْثِنْ ڧَظَنْتَا عَثَنْ؞

4بَذَاسُ عِيَ مِيڧَا وَ يَهْوٜىٰهْ هَدَايَ تَضُوً إِنَبِبَ؞ هَدَايُنْسُ كُوَ بَذَاسُ غَمْشٜىٰشِيبَ؞ عَبِنْثِنْ هَدَايُنْسُ ذَيْ ڧَظَنْتَرْ دَسُو، كَمَرْ عَبِنْثِ نَمَاسُ كُوكَنْ مُتُوَ وَطَنْدَ سُكَ ڧَظَنْتُ؞ غَمَا عَبِنْثِنْسُ ذَيْ ذَمَ نَمَاغَنِنْ يُنْوَرْسُ نٜىٰ كَوَيْ، بَذَاعَ كَيْ شِ هَدَايَ أَغِدَنْ يَهْوٜىٰهْ بَ؞

5مٜىٰ ذَاكُيِ كٜىٰنَنْ، أَ رَانَرْ دَ عَكَ شِرْيَ دُواْمِنْ يِنْ بِكِ؟ وَتُواْ، أَ رَانَرْ بِكٍ يَهْوٜىٰهْ ؟

6كُواْ دَمَا أَ رَانَرْ كُنْ كُٻُثٜىٰ دَغَ هَلَّكَ، مَصَرَاوَا ذَاسُ تَتَّرَاكُ، عِ، ذَاسُ بِنّٜىٰكُ أَ مٜىٰمْڢِسْ عَڧَسَرْسُ؞ ڧَيُواْيِ ذَاسُ مَلَّكِ أَبُبُوَنْكُ مَاسُ دَرَجَ نَأَظُرْڢَا؞ ڧَيُواْيِ ذَاسُ رُڢٜىٰ تٜىٰنْتُنَنْكُ؞

7«ݣُونَكِنْ حُكُنْثِ سُنْ إِسُواْ، ݣُونَكِنْ رَامُوَا سُنْذُواْ، ݣُونَكِنْ دَ ذَاكُ سَامِ سَكَمَكُوانْ عَيْكِنْكُ؞ كٜىٰ إِسْرَٰٓءِيلَ، كِنْ سَنِ! كُكَنْثٜىٰ أَنَّبِے وَوَنٜىٰ، كُكَنْثٜىٰ دَ وَنْدَ يَهْوٜىٰهْ يَمُواْڟَ يَيِ مَغَنَ، مَهَوْكَثِ نٜىٰ، سَبُواْدَ تُلِنْ ذُنُبَنْكُ، دَ يَوَنْ ڧِينَ دَ كُكٜىٰيِ؞

8أَنَّبِے شِينٜىٰ مَيْ ڟَرُواْ دُواْمِنْ مُتَنٜىٰنْ إِسْرَٰٓءِيلَ أَغَبَنْ اللَّهْ نْسَ؞ عَمَّا دُكْدَهَكَ أَنَ تَسَا مُسُ تَرْكُواْ أَدُكَنْ هَنْيُواْيِنْسُ كَمَرْ ڟُنْڟُ، أَغِدَنْ يَهْوٜىٰهْ مَا أَنَ غَابَادَ أَنَّبِے؞

9كُنْيِ ظُرْڢِ ثِكِنْ رَشِنْ غَسْكِيَ، دَيْدَيْ كَمَرْ يَدَّ كُكَيِ أَ غِبٜىٰيَ أَدَا؞ أَيْ، يَهْوٜىٰهْ ذَيْ تُنَ دَ مُغُنْتَارْكُ، يَحُكُنْتَ ذُنُبَنْكُ؞»

10إِنْجِ يَهْوٜىٰهْ ، «دَنَتَرَرْ دَ إِسْرَٰٓءِيلَ تَغَمْشٜىٰنِ كَمَرْ يَدَّ عَكَ تَرَرْ دَ إِنَبِے أَدَاجِ؞ نَغَ كَاكَنِّنْسُ كَمَرْ نُونً ڢَارِ نَیَیَنْ ٻَوْرٜىٰ أَ لُواْكَثِنْ ڢَرْكُوانْ نُونَنْسُ؞ عَمَّا دَ سُكَ كَيْ بَعَلْ ڢٜىٰيُوارْ، سُكَ كٜىٰٻٜىٰ كَنْسُ غَ أَبِنْ كُنْيَرْ نَنْ بَعَلْ؞ سُكَ ذَمَ أَبِنْ ڧَظَنْتَا كَمَرْ غُنْكِنْ دَسُكٜىٰ ڧَوْنَ؞

11دَرَجَرْ مُلْكٍ إِسْرَٰٓءِيلَ عَ أَرٜىٰوَ ذَاتَ تَاشِ تَغُدُ كَمَرْ ڟُنْڟُ، بَا حَيْڢُوَ، بَا جُونَ بِيُ، بَا طَوْكَرْ ثِكِ!

12كُواْ سُنْيِ رٜىٰنُوانْ یَیَنْسُ، دُكْدَهَكَ ذَنْيِ تَكَشٜىٰسُ حَرْ ذُوَا مُتُمْ نَڧَرْشٜىٰ؞ عِ، كَيْتُوانْسُ سَعَدَّ نَرَبُ دَسُو!

13حَڧِيڧَ، نَغَ ذُرِيَرْ إِڢْرَيِمْ كَمَرْ إِتَاثٜىٰنْ دَبِينُواْ عَڧَسَا مَيْ أَمْڢَانِ؞ عَمَّا غَاشِ يَوْ، إِسْرَٰٓءِيلَ تَڢِتَرْدَ یَیَنْتَ أَنَ يَنْكَاوَ؞»

14سَيْ يُوشَعُ يَثٜىٰ، «يَا يَهْوٜىٰهْ مٜىٰ ذَنْثٜىٰ كَبَاسُ؟ كَبَاسُ أَبِنْدَ يَدَاثٜىٰ دَسُو! كَبَاسُ ثِكِ مَيْ ظُبَرْدَ جُونَ بِيُ، دَ نُواْنُوانْدَ يَبُوشٜىٰ؞»

15إِنْجِ يَهْوٜىٰهْ ، «كُواْوَثٜىٰ مُغُنْتَارْسُ تَڢَارَ نٜىٰ أَ غِلْغَلْ، عَثَنْ كُمَ نَڧِيسُ؞ سَبُواْدَ أَيُّكَنْسُ مَاسُ مُغُنْتَا، ذَنْ كُواْرٜىٰسُ دَغَ غِدَانَ؞ بَذَنْ سَاكٜىٰ نُونَ مُسُ ڧَوْنَ بَ كُمَ؞ دُكَنْ شُوغَبَنِّنْسُ یَنْ تَاوَيٜىٰنٜىٰ؞

16أَنْ بُغِ مُلْكٍ إِسْرَٰٓءِيلَ عَ أَرٜىٰوَ، تُوشٜىٰنْسُ يَبُوشٜىٰ، بَذَاسُيِ یَیَبَ؞ عِ، كُواْ دَمَا ذَاسُ حَيْڢِ یَیَ ذَنْ كَشٜىٰ جَرِرَنْسُ دَسُكٜىٰ ڧَوْنَ؞»

17اللَّهْ نَا ذَيْڧِيسُ، سَبُواْدَ بَسُيِ مَسَ بِيَيَّبَ؞ ذَاسُ كُمَ ذَمَ مَاسُ يَٰوُاْ ثِكِنْ سَوْرَنْ أَلْعُمَّيْ؞

← Chapter 8 Jump to: Chapter 10 →