Malachi 3

Hausa Arabic 2020 (أَتَّوْرَتْ دَ أَنَّبَاوَا)

← Chapter 2 Jump to: Chapter 4 →

1يَهْوٜىٰهْ مَيْ ضُنْدُنَا يَأَمْسَ يَثٜىٰ «غَاشِ، إِنَ غَبْ دَ عَيْكَ مَيْ سَڧُواْنَ دُواْمِنْ يَشِرْيَ مِنِ حَنْيَ، كُمَبَا ظَتُواْ عُبَنْ‌غِجِنْ دَ كُكٜىٰ نٜىٰمَ ذَيْذُواْ هَيْكَلِنْسَ؞ مَيْ سَڧُواْ نَيَرْجٜىٰجٜىٰنِيَ وَنْدَ كُكٜىٰ مَرْمَرِنْسَ، لَلَّيْ يَنَ ذُوَا؞

2عَمَّا وَنٜىٰنٜىٰ ذَيْ عِيَ جِمْرٜىٰوَ رَانَرْ ذُوَانْسَ، كُمَ وَ ذَيْ عِيَ ڟَيَاوَا سَعَدَّ يَبَيَّنَ؟ غَمَا شِے كَمَرْ وُتَا مَيْنَرْكَ ڧَرْڢٜىٰ نٜىٰ، كُمَ كَمَرْ سَبُلُنْ سُواْدَ نٜىٰ؞

3ذَيْ كُوَ ذَوْنَ يَيِ شَرِيعَ كَمَرْ مَيْ تَثٜىٰ أَظُرْڢَا يَڟَبْتَثٜىٰتَ؞ شِينٜىٰ ذَيْ ڟَبْتَثٜىٰ ذُرِيَرْ لَوِ يَكُمَ تَاثٜىٰسُ كَمَرْ ظِينَارِيَ دَ أَظُرْڢَا، حَرْ سُمِيڧَ هَدَايُنْسُ غَ يَهْوٜىٰهْ ثِكِنْ أَدَلْثِے؞

4سَعَنً هَدَايُنْ يَهُودَ دَ نَ عُرُوشَلِيمَ ذَاسُ ذَمَ أَبِنْ كَرْٻَ غَ يَهْوٜىٰهْ كَمَرْ ݣُونَكِنْ دَا، كُمَ كَمَرْ يَدَّ دَا يَكٜىٰ كَرْٻَ؞

5سَعَنً ذَنْ مَڟُواْ كُسَدَكُو دُواْمِنْ إِنْيِ شَرِيعَ؞ نَنْ دَنَنْ ذَنْبَادَ شَيْدَ نَتَبَّتَرْ دَ لَيْڢِنْ مَاسُ سِحِرِ دَ نَمَاسُ ظِنَ دَ نَمَاسُ يِنْ ضَنْڟُوَارْ ڧَضْيَا دَ نَمَاسُ دَنّٜىٰ حَكِّنْ لٜىٰبُرُواْرِ دَ نَمَاسُ ثُوتَرْ مَاتَانْدَ مَذَنْسُ سُكَ مُتُ دَ نَمَرَايُ دَ نَمَاسُ كُواْرَرْ بَاڧِ، وَتُواْ وَطَنْدَ بَاسَجِنْ ڟُواْرُواْنَبَ؞ نِے يَهْوٜىٰهْ مَيْ ضُنْدُنَا ، نَاڢَطَا؞»

6«نِے يَهْوٜىٰهْ بَانَ ثَنْجَاوَا؞ سَبُواْدَ حَكَ، كُو ذُرِيَرْ يَعْڧُوبَ، بَكُڧَارٜىٰ طُنْ‌غُمْ بَ؞

7تُنْدَغَ زَامَانِنْ كَاكَنِّنْكُ، كُنْ بَرْ بِنْ ڧَٰعِدُواْدِنَ، بَكُ كُوَ كِيَايٜىٰسُبَ؞ كُجُويُواْ غَرٜىٰنِ، نِے كُوَ ذَنْ كُواْمَ غَرٜىٰكُ،» إِنْجِ يَهْوٜىٰهْ مَيْ ضُنْدُنَا ؞ «عَمَّا كُنْثٜىٰ، ‹تَيَيَا ذَامُ كُواْمَ؟›

8كُواْ أَݣَويْ مُتُمِنْ دَ ذَيْ عِيَيِ وَ اللَّهْ ثُوتَا؟ دُكْدَهَكَ كُو كُنَيِ مَسَ ثُوتَا! عَمَّا كُنْثٜىٰ، ‹تَيَيَا ذَامُيِ مَكَ ثُوتَا؟› أَوَجٜىٰنْ زَكَّرْكُ تَ أَمْڢَانِنْ غُواْنَ دَ تَدَبُّواْبِے دَ ذَنْثٜىٰنْ بَايَرْوَ تَيَرْدَرْ رَيْ!

9لَعَنَنُّنٜىٰ كُو، دُكَنْ أَلْعُمَّرْكُ، غَمَا كُنَيِ مِنِ ثُوتَا!

10كُكَٰوُاْ ثِكَكُّنْ بَيٜىٰ بَيٜىٰ نَظَكَّ تَأَمْڢَانِنْ غُواْنَ دَ تَدَبُّواْبِے عَثِكِنْ طَكُنَنْ أَجِيَ، دُواْمِنْ أَ سَامِ عَبِنْثِ عَثِكِنْ غِدَانَ؞ كُڠُودَانِ، ذَاكُغَنِ، ذَنْ بُوطٜىٰ تَغُواْغِنْ سَمَ إِنْظُبُواْ مُكُ أَلْبَرْكُ مَاسُيَوَنْ غَسْكٜىٰ،» إِنْجِ يَهْوٜىٰهْ مَيْ ضُنْدُنَا ؞

11«ذَنْكُمَ ڟَاوَتَا وَڢَارَ سَبُواْدَكُو، دُواْمِنْ كَدَ سُلَلَتَرْ دَ أَمْڢَانِنْ ڧَسَرْكُ، كُمَ عِتَتُوَنْ إِنَبِنْكُ ذَاسُبَادَ یَیَ ثِكَكّٜىٰ، إِنْجِنِ يَهْوٜىٰهْ مَيْ ضُنْدُنَا ؞

12سَعَنً دُكَنْ أَلْعُمَّيْ ذَاسُثٜىٰ دَكُو مَاسُ أَلْبَرْكَ، غَمَا ڧَسَرْكُ ذَاتَذَمَ ڧَسَا مَيْ دَاطِنْ ذَمَ؞ نِے يَهْوٜىٰهْ مَيْ ضُنْدُنَا ، نَاڢَطَا؞»

13«كُنْڢَطَا مُوغَيٜىٰنْ مَغَنْ‌غَنُ عَكَيْنَ،» إِنْجِ يَهْوٜىٰهْ ؞ «دُكْدَهَكَ كُنْ ثٜىٰ، ‹تَيَيَا مُنْيِ مَغَنَرْ غَابَادَكَيْ؟›

14كُو كُكَثٜىٰ، ‹أَبِنْ بَنْظَنٜىٰ عَبَوْتَوَ اللَّهْ ؞ وَثٜىٰ رِبَثٜىٰ ذَامُ سَامُ تَوُرِنْ كِيَايٜىٰ عُمَرْنَنْسَ، كُواْ عَثٜىٰ مُتَڢِے غَبَنْ يَهْوٜىٰهْ مَيْ ضُنْدُنَا مُنَ مَكُواْكِ؟

15يَنْذُ، مُنَ غَنِنْ مَاسُ غِرْمَنْ كَيْ سُونٜىٰ مَاسُ أَلْبَرْكَ، حَرْ مَا مَاسُ عَيْكَتَ مُغُنْتَا بَوَيْ ثِيغَبَ كَوَيْ سُكٜىٰيِبَ، عَمَّا سُكَنْ جَرَّبْثِ اللَّهْ حَرْ سُݣُونَ لَاڢِيَ؞› »

16سَيْ كُمَ وَطَنْدَ سُكٜىٰ ڟُواْرُوانْ يَهْوٜىٰهْ سُكَيِ مَغَنَ دَ جُونَ، يَهْوٜىٰهْ كُوَ يَكَسَ كُنّٜىٰ يَلُورَ؞ أَغَبَنْسَ كُوَ عَكَ رُبُوتَ لِتَّڢِنْ تُنَاوَا دَ وَطَنْدَ سُكٜىٰ ڟُواْرُوانْ يَهْوٜىٰهْ ، سُنَ كُمَيِنْ تُنَانِنْ سُونَنْسَ؞

17«سُو ذَاسُ ذَمَ نَوَ،» إِنْجِ يَهْوٜىٰهْ مَيْ ضُنْدُنَا ؞ «ذَاسُ ذَمَ مُتَنٜىٰنَ مَڢِے دَرَجَ أَ رَانَرْدَ نَشِرْيَ، ذَنْكُوَجِ تَوْسَيِنْسُ كَمَرْ يَدَّ مُتُمْ يَكَنْجِ تَوْسَيِنْ طَنْسَ مَيْيِ مَسَ بِيَيَّ؞

18سَعَنً ذَاكُ سَاكٜىٰ غَنِنْ بَمْبَنْثِ ڟَكَانِنْ مَيْ أَدَلْثِے دَ مُوغُ، كُمَ ڟَكَانِنْ وَنْدَ يَكٜىٰ بَوْتَاوَ اللَّهْ دَ وَنْدَ بَايَبَوْتَا مَسَ؞»

← Chapter 2 Jump to: Chapter 4 →

Recommended Reading

Commentary Malachi Commentaries → Devotional Malachi Devotional Guide → Get This Bible Hausa Arabic (أَتَّوْرَتْ دَ أَنَّبَاوَا) Study Bible →