Nahum 2

Hausa Arabic 2020 (أَتَّوْرَتْ دَ أَنَّبَاوَا)

← Chapter 1 Jump to: Chapter 3 →

1مَيْ رُشٜىٰوَ يَتَاسُواْ مِكِ، يَا نِنٜىٰبَ، يَكَكَّڢَ سُواْجُواْجِ عَكَنْ كَتَنْ‌غَرْ بِرْنِ؞ عَيِ غَادِنْ وُرَارٜىٰنْ ٻُيَ مَاسُ كَتَنْ‌غَ، يِ طَمَرَ سُواْسَيْ، كِتَتَّارَ سُواْجُواْجِنْكِ دُكَ؞

2غَمَا يَهْوٜىٰهْ يَنَ مَيْدَ دَرَجَرْ يَهُودَ دَ تَ إِسْرَٰٓءِيلَ دُكَ، كُواْ دَ مَاسُ ݣُوشٜىٰ أَرْزِڧِ سُنْ ݣُوشٜىٰ أَرْزِڧِنْ ڧَسَرْسُ، كُواْ دَ سُنْ لَلَتَرْدَ رَسَّنْ إِنَبِنْسُ؞

3غَرْكُوُاْيِنْ مَاسُ عِيَ يَاڧِ نَ نِنٜىٰبَ سُنْيِ جَاوُرْ، سُواْجُواْجِنْسَ سُنَ سَنْيٜىٰ دَ جَجَّيٜىٰنْ رِيغُنَ؞ كٜىٰكُنَنْ دُواْكِ سُنَ تَوَلْڧِيَ كَمَرْ هَرْشٜىٰنْ وُتَا، أَنَ تَكَطَ مَاسُ دَ بَنْ ڟُواْرُواْ؞

4دَوَكِ مَاسُ كٜىٰكُنَنْ يَاڧِ سُنَ غُدُنْ هَوْكَ عَكَنْ تِيتُنَ؞ سُنَ ذَاڢِنْ غُدُنْ كَيْ دَ كَٰوُاْوَ عَثِكِنْ ڢِيلَيٜىٰ نَثِكِنْ غَرِ؞ ٻُلُّواْوَرْسُ كَمَرْ حَصْكٜىٰنْ ڢِتِلَ نٜىٰ، سُنَ وُثٜىٰوَ كَمَرْ وَلْڧِيَ؞

5سَرْكِنْ نِنٜىٰبَ يَكِرَا مَنْيَنْ سُواْجُواْجِنْسَ، سُنَ تَتُنْتُٻٜىٰ ثِكِنْ ذُوَانْسُ؞ سُنَيِنْ سَوْرِ ذُوَا وَجٜىٰنْ كَتَنْ‌غَرْ بِرْنِنْ، سُنْ كَكَّڢَ أَبُبُوَنْ دَ ذَاسُ ڟَرٜىٰ كَنْسُ؞

6أَنْبُوطٜىٰ هَنْيُواْيِنْ ضُوً ڟَرُوانْ بِرْنِ، غِدَنْ سَرْكِے يَضِكِثِے؞

7أَنْ تُوٻٜىٰ سَرَوْنِيَ، أَنْتَڢِے دَ عِتَ؞ یَنْ مَاتَنْتَ بَايِ سُنَ كُوكَا، كُوكَنْ مَكُواْكِنْسُ كَمَرْ مُرْيَرْ كُرْثِيَنٜىٰ، سُنَ سَا حَنُّ عَكَيْ؞

8كَمَرْ ضُوَنْدَ يَٻَرْكٜىٰ دَغَ دَمْ، مُتَنٜىٰنْ نِنٜىٰبَ سُنَ غُدُ دَغَ ثِكِنْتَ؞ أَنَ تَثٜىٰوَ «ڟَيَ! ڟَيَ!» عَمَّا بَاوَنْدَ يَجُويَ بَايَ؞

9كُݣُوشٜىٰ أَظُرْڢَا! كُݣُوشٜىٰ ظِينَارِيَ! بِرْنِنْ ثِكٜىٰ تَكٜىٰدَ أَجِيَرْ أَرْزِڧِ إِرِ إِرِ، أَرْزِڧِنْتَ بَابُ إِيَاكَ؞

10نِنٜىٰبَ تَلَلَثٜىٰ، تَهَلَّكَ، تَذَمَ كُڢَيْ! ظُكَاتَنْ مُتَنٜىٰنْتَ سُنْ نَرْكٜىٰ، ڠُوِوُاْيِنْسُ سُنَ كَطَوَ، ݣُونْݣُوسُوانْسُ كُمَ سُنَ ثِيوُاْ ڢُسْكُواْكِنْسُ دُكَ سُنْ بُوشٜىٰ؞

11مٜىٰيَڢَرُ دَ بِرْنِنَّنْ نِنٜىٰبَ وَدَّ دَا كَمَرْ كُواْغُوانْ ذَاكِ تَكٜىٰ؟ كُواْغُواْنَّنْ دَ عَكٜىٰ ثِيَرْدَ یَیَنْ ذَاكِ، عِنْدَ ذَاكِ دَ ظَكَنْيَ سُكَنْيِ يَٰوُاْ، تَرٜىٰدَ یَیَنْ ذَاكِ بَابُ ڟُواْرُواْ؟

12ذَاكِ يَيَيَّاغٜىٰ أَبِنْ دَ يَ إِشٜىٰشِ دَ یَیَنْسَ، يَكُمَ كَشٜىٰ وَ ظَكَنْيَرْسَ دَبَّ؞ يَثِكَ كُواْغُوانْسَ دَ غَنِمَ، كُواْڠُونِّنْسَ كُمَ دَ نَمُواْمِنْ دَاجِ؞

13إِنْجِ يَهْوٜىٰهْ مَيْ ضُنْدُنَا ، «غَاشِ، إِنَغَابَادَكٜىٰ نِنٜىٰبَ! ذَنْ ڧُواْنٜىٰ كٜىٰكُنَنْ دُواْكِنْكِ نَيَاڧِ؞ تَكُواْبِنْ يَاڧِ ذَيْثِ سُواْجُواْجِنْكِ، وَطَنْدَ سُكٜىٰ كَمَرْ ذَاكُواْكِ مَاسُ ڧَرْڢِے؞ ذَنْ هَنَكِ كِهَلَّكَ أَلْعُمَّنْ دُونِيَا، إِنْكُمَ حَنَ وَكِلَنْكِ سُكَيْ سَڧُوانْ بَنْ ڟُواْرُواْ؞»

← Chapter 1 Jump to: Chapter 3 →