Nahum 3

Hausa Arabic 2020 (أَتَّوْرَتْ دَ أَنَّبَاوَا)

← Chapter 2 Jump to:

1كَيْتُوانْكِ! يَا بِرْنِ مَيْ ظُبْدَ جِنِ، وَنْدَ يَثِكَ دَ ڧَضْيَا دَيَوَ، دَ كَايَنْدَ عَكَ ڨُوثٜىٰ؞

2جِ! غَا ڧَارَرْ بُلَلَ دَ ڧَارَرْ ڧَڢَاڢُنْ كٜىٰكٜىٰ، دَ ڧَارَرْ غُدُنْ دُواْكِ دَ غِرْغِظَرْ كٜىٰكُنَنْ دُواْكِ!

3دُوبَ! مَاسُ هَوَنْ دُواْكِ سُنَ كَنْ يَاڧِ، تَكُبَ سُنَ وَلْڧِيَ كُمَ مَاسُ سُنَ ڨَلِّ، غَا طُمْبُنْ مُتَنٜىٰنْ دَ عَكَ كَكَّشٜىٰ؞ غَا تُلِنْ غَوَوَّكِ، غَوَوَّكِ سُنْ وُثٜىٰ ڧِرْغٜىٰ، مُتَنٜىٰ سُنَ تَتُنْتُٻٜىٰ عَكَنْ غَوَوَّكِنْ؞

4دُكَنْ وَنَّنْ يَڢَرُنٜىٰ سَبُواْدَ يَوَنْ لَلَثِ نَكَارُوَرْ نَنْ نِنٜىٰبَ، ݣَكْݣَوَرْ كَارُوَرْ نَنْ مَيْ ذَاڧِنْ بَاكِ، عُوَرْ سِحِرِثٜىٰ عِتَ، وَدَّ تَرُوطِ أَلْعُمَّيْ تَوُرِنْ لَلَثِنْتَ، ڧَبِيلُ كُمَ تَوُرِنْ سِحِرِنْتَ؞

5يَهْوٜىٰهْ مَيْ ضُنْدُنَا يَثٜىٰ، «غَاشِ، إِنَغَابَادَكٜىٰ، يَا نِنٜىٰبَ، ذَنْ طَغَ سِكٜىٰتْ نَرُڢٜىٰ أَسِيرِنْكِ إِنْ رُڢٜىٰ عِدُوانْكِ دَشِ؞ ذَنْ نُونَاوَ أَلْعُمَّيْ ڟِرَيْثِنْكِ، ذَاكِ ذَمَ أَبِنْ كُنْيَا غَ مُلْكُواْكِنْ دُونِيَا؞

6ذَنْ وَاڟَا مِكِ أَبِنْ ڧَظَنْتَا، إِنْيِ مِكِ وُلَڧَنْثِ، إِنْ مَيْشٜىٰكِ أَبِنْ رٜىٰنِ؞

7دُكْ وَطَنْدَ سُكَ دُوبٜىٰكِ ذَاسُجَا بَايَ سُثٜىٰ، ‹أَبِنْ مَامَاكِ! نِنٜىٰبَ تَذَمَ كُڢَيْ، وَ ذَيْ يِكُوكَا دُواْمِنْتَ؟ عَ إِنَا نٜىٰ ذَنْ نٜىٰمُواْ مِكِ مَاسُ تَعَظِيَّ؟›

8«نِنٜىٰبَ، كٜىٰ كِنْڢِے بِرْنِنْ تٜىٰبٜىٰسْ، وَدَّ تَكٜىٰ عَبَاكِنْ كُواْغِنْ نِلُ نٜىٰ؟ عِتَمَا ضُوَنٜىٰ يَكٜىٰوَيٜىٰتَ، تٜىٰكُنٜىٰ وُرِنْ ٻُيَنْتَ، ضُوَنٜىٰ كَتَنْ‌غَرْتَ؞

9إِتِيُواْڢِيَ دَ مَصَرْ نٜىٰ ڧَرْڢِنْتَ، ڧَرْڢِنْتَ كُوَ بَابُ إِيَاكَ؞ ڢُتْ دَ لِبِيَ سُونٜىٰ مَاسُ تَيْمَكُوانْتَ؞

10دُكْ دَ ڧَرْڢِنْتَ أَنْ كَيْتَ بَوْتَا أَنْتَڢِے دَ عِتَ ذُوَا بَڧُوَرْ ڧَسَا؞ أَنْ ڢَرْڢَشٜىٰ كَوُنَنْ یَنْ يَارَنْتَ، عَكَنْ كُواْوَنٜىٰ ݣُونَ تَتِيتِ؞ أَنْ رَرَّبَ دَتَّاوَنْتَ تَوُرِنْ جٜىٰڢَ ڧُرِعَ، أَنْطَوْرَ دُكَنْ مَنْيَنْ مُتَنٜىٰنْتَ دَ سَرْڧَ؞

11كٜىٰ نِنٜىٰبَ ذَاكِ بُغُ تِلِسْ كِشَا وَهَلَ سُواْسَيْ؞ ذَاكِ نٜىٰمِ وُرِنْ ٻُيَ كِكُٻُتَ دَغَ أَبُواْكَنْ غَابَنْكِ؞

12وُرَرٜىٰنْ كَتَنْ‌غَرْكِ بَاسُ دَ ڧَرْڢِے، ذَاعَ ثِنْيٜىٰسُ كَمَرْ یَیَنْ إِتَاثٜىٰنْ ٻَوْرٜىٰ وَطَنْدَ سُكَ نُونَ؞ سَعَدَّ عَكَ غِرْغِظَ إِتَاثٜىٰنْ، سَيْ یَیَنْ سُڢَاطُواْ عَبَاكِنْ مَيْثِ؞

13دُوبِے سُواْجُواْجِنْكِ، كَمَرْ مَاتَا نٜىٰ عَثِكِنْ ڟَكِيَرْكِ؞ ڧُواْڢُواْڢِنْ ڧَسَرْكِے عَبُوطٜىٰ سُكٜىٰ غَ أَبُواْكَنْ غَابَنْكِ؞ وُتَا تَثِنْيٜىٰ سَنْدُنَنْ ڧُلّٜىٰ ڧُواْڢَرْكِ؞

14طٜىٰبُواْ ضُوَ غَمَا ذَاعَ كٜىٰوَيٜىٰكِ، سَامِ إِسَشّٜىٰنْ ضُوَ كَاڢِنْ يَاڧِنْ يَڢَارَ؞ كِڧَارَ ڧَرْڢِنْ كَتَنْ‌غَرْكِ! كِتَڢِے ݣُورِ كِݣُوٻَ لَاكَ، كِطَوْكِ أَبِنْ يَنْكَ بُلُواكْ!

15دُكْ دَ شِرْيٜىٰ شِرْيٜىٰنَّنْ، وُتَا ذَاتَ ثِنْيٜىٰكِ! تَكُواْبِے كُمَ ذَيْ كَوَرْ دَكٜىٰ، ذَيْثِنْيٜىٰكِ كَمَرْ ڢَارَ؞ «كِنْ ڧَارَ يَوَنْكِ كَمَرْ ڢَارِ، كِنْيِيَوَ كَمَرْ ڧُدَنْ ظُمَ!

16كِنْ ڧَارَ يَوَنْ یَنْ كَاسُوَنْثِنْكِ ڢِيٜىٰدَ يَوَنْ تَوْرَرُوانْ سَمَ؞ سُو كَمَرْ ڢَارِنٜىٰ وَطَنْدَ سُكَنْ بُوطٜىٰ ڢِكَڢِكَيْ سُتَاشِ؞

17مَاسُ غَادِنْكِ كَمَرْ ڧُدَنْ ظُمَ مَاسُ وُثٜىٰوَ سُكٜىٰ، دَتَّاوَنْكِ كَمَرْ ڢَارِنٜىٰ، سُنَ ظَوْنٜىٰ عَكَنْ ثِيَوَ أَ لُواْكَثِنْ سَنْيِ؞ دَ ذَاڢِنْ رَانَ يَڢِتَ، سَيْ سُتَاشِ، بَاوَنْدَ يَسَنْ عِنْدَ سُكَ تَڢِے؞

18«يَا سَرْكِنْ أَسُّرِيَ، مَكِيَايِنْ مُتَنٜىٰنْكَ سُنَ بَرْثِ، دَتَّاوَنْكَ سُنَ بَرْثِ؞ سَوْرَنْ مُتَنٜىٰنْكَ سُنَ أَوَرْوَڟٜىٰ كَمَرْ تُمَكِ عَكَنْ تُدَّيْ، بَاسُ دَ مَكِيَايِنْ دَ ذَيْ تَتَّرَاسُ؞

19بَا أَبِنْدَ ذَيْ وَرْكَرْدَ رَوْنِنْكَ، غَمَا رَوْنِنْكَ مَيْ جَٰوُاْ مُتُوَانٜىٰ؞ دُكْ وَنْدَ يَجِ لَابَرِنْكَ ذَيْ تَڢَ حَنُّ يَثٜىٰ، ‹يَوَّ!› غَمَا أَݣَويْ وَنْدَ بَيْ شَا عَذَابَ دَغَ حَنُّنْكَبَ؟»

← Chapter 2 Jump to: