Ruth 2

Hausa Arabic 2020 (أَتَّوْرَتْ دَ أَنَّبَاوَا)

← Chapter 1 Jump to: Chapter 3 →

1نَعُواْمِ تَنَدَ وَنِ مُتُمْ دَغَ دَنْ‌غِنْ مِجِنْتَ عٜىٰلِمٜىٰلٜىٰكْ، مَيْ سُونَ بُواْوَظْ؞ شِ بَبَّنْ مُتُمْ نٜىٰ، مَيْ أَرْزِڧِ كُمَ؞

2وَتَرَانَ سَيْ رُوتْ یَرْ ڧَسَرْ مُواْوَبْ تَثٜىٰ وَ نَعُواْمِ «بَرِ إِنْ تَڢِے غُواْنَكِنْ مَاسُ غِرْبِے إِنْيِ كَالَنْ كَوُنَنْ حَڟِ أَغُواْنَرْ وَنْدَ ذَنْسَامِ ڢَضٍ جِنِ أَغَبَنْسَ؞» سَيْ نَعُواْمِ تَأَمْسَ «تُواْ، یَتَ، كِتَڢِے؞»

3رُوتْ تَتَڢِے، تَنَ بِنْ بَايَنْ مَاسُ غِرْبِے تَنَ كَالَ؞ سَيْ يَذَمَ ثٜىٰوَ تَسَامِ كَنْتَ أَغُواْنَرْ بُواْوَظْ دَنْ‌غِنْ عٜىٰلِمٜىٰلٜىٰكْ؞

4أَنَانً سَيْغَا بُواْوَظْ يَ إِسُواْ دَغَ بَيْتَلَحْمِ، يَغَيْ دَ مَاسُ غِرْبِنْ يَثٜىٰ « يَهْوٜىٰهْ يَكَسَنْثٜىٰ تَرٜىٰدَكُو!» سُكَ أَمْسَ « يَهْوٜىٰهْ يَ أَلْبَرْكَثٜىٰكَ!»

5سَعَنً بُواْوَظْ يَتَمْبَيِ شُوغَبَنْ بَايِنْسَ مَاسُيِمَسَ غِرْبِے يَثٜىٰ «يَارِنْيَرْ ثَنْ، یَرْ وَثٜىٰ ثٜىٰ؟»

6شُوغَبَنْ مَاسُ غِرْبِنْ يَأَمْسَ «أَيْ، عِتَ یَرْ ڧَسَرْ مُواْوَبْ ثٜىٰ وَدَّ تَذُواْ تَرٜىٰدَ نَعُواْمِ دَغَ ڧَسَرْ مُواْوَبْ؞

7تَا نٜىٰمِ إِظْنِ تَيِ كَالَ تَنَ بِنْ بَايَنْ مَاسُ غِرْبِے؞ تَا ڢَارَ عَيْكِ تُنْدَ سَڢٜىٰ كُمَ تَا ثِيغَبَ حَرْ ذُوَا يَنْذُ؞ سَيْ يَنْذُ نٜىٰ دَ تَدَكَتَ دُواْمِنْ تَهُوتَ عَ إِنُوَ كَطَنْ؞»

8سَيْ بُواْوَظْ يَجٜىٰ وُرِنْ رُوتْ يَثٜىٰ «كِسَوْرَرَ، یَتَ؞ كِڟَيَ أَنَنْ كِيِكَالَ، كَدَ كِتَڢِے غُواْنَرْ وَنِ؞ كِدِنْ‌غَ بِنْ بَايَنْ یَنْ مَاتَانْ دَسُكٜىٰيِ مِنِ غِرْبِے؞

9كِلُورَ دَ غُواْنَرْ دَسُكٜىٰ غِرْبِے، كِبِيسُ؞ نَارِغَا نَا غَرْغَطِے سَمَارِنْ كَدَ سُدَامٜىٰكِ؞ عِدَنْ كُمَ كِنْ جِ ڧِشِنْ ضُوَ، سَيْ كِتَڢِے كِشَا ضُوً دَ بَايِنْ سُكَ ثِكَ عَتُلُنَنْ؞»

10سَيْ رُوتْ تَرُسُنَ دَ ڢُسْكَرْتَ حَرْ ڧَسَا تَثٜىٰ «مٜىٰيَسَا نَسَامِ ڢَضٍ جِنِ أَغَبَنْكَ حَكَ، نِے دَ نَكٜىٰ بَڧُوَ؟»

11سَيْ بُواْوَظْ يَأَمْسَ يَثٜىٰ «أَنْ ڢَطَا مِنِ إِرِنْ ڧَوْنَ دَ كِرْكِنْ دَ كِكَيِ وَمَامَرْ مِجِنْكِ تُنْ مُتُوَرْ مِجِنْكِ؞ إِنَ سَنٜىٰ دَ يَدَّ كِكَ بَرْ إِيَايٜىٰنْكِ دَ ڧَسَرْكِے دَ يَدَّ كِكَ ذُواْ وُرِنْ مُتَنٜىٰنْ دَ بَاكِ تَٻَ سَنِنْسُبَ أَدَا؞

12بَرِ يَهْوٜىٰهْ يَبَاكِ لَادَ سَبُواْدَ أَبِنْدَ كِكَيِ؞ بَرِ عُبَنْ‌غِجِ اللَّهْ نَ إِسْرَٰٓءِيلَ وَنْدَ كِكَ ذُواْ وُرِنْسَ نٜىٰمَنْ مَڢَكَا يَبَاكِ ثِكَكّٜىٰنْ لَادَ؞»

13سَيْ رُوتْ تَثٜىٰ «مَيْغِرْمَ، بَرِ إِنْيِ تَسَامُنْ ڢَضٍ جِنِ أَغَبَنْكَ؞ كَيِ وَبَيْوَرْكَ مَغَنَ مَيْ ڧَرْڢَڢَاوَرْ ذُوثِيَا، كُواْدَيَكٜىٰ بَنْ كَيْ طَيَ دَغَ ثِكِنْ بَايِنْكَ دَرَجَبَ؞»

14دَ لُواْكَثِنْ ثِنْ عَبِنْثِ يَيِ، سَيْ بُواْوَظْ يَثٜىٰ وَ رُوتْ «ذُواْ كِثِ عَبِنْثِ؞ كِدِنْ‌غَ ڟُواْمَ غُرَاسَرْكِے عَثِكِنْ ضُوً ڟَامِ دَغَ یَیَنْ إِنَبِے؞ سَيْ تَذَوْنَ كُسَدَ مَاسُ غِرْبِنْ؞» بُواْوَظْ كُوَ يَمِيڧَ مَتَ غَسَشّٜىٰنْ حَڟِ؞ تَاثِ تَاڧُواْشِ حَرْ تَضَغٜىٰ سَوْرَ؞

15دَ رُوتْ تَتَاشِ تَكُواْمَ يِنْ كَالَ، سَيْ بُواْوَظْ يَعُمَرْثِ مَعَيْكَتَنْسَ يَثٜىٰ «كُبَرْتَ تَيِكَالَ ثِكِنْ دَمِ دَمٍ حَڟِنْ دَ عَكَ غِرْبٜىٰ؞ كَدَ كُهَنَتَ؞

16كُدِنْ‌غَ ذَارٜىٰ وَطَنْسُ كُبَرْسُ سُڢَاطِ دُواْمِنْ تَݣُوشٜىٰ، كَدَ كُڟَاوَتَا مَتَ؞»

17سَبُواْدَ حَكَ رُوتْ تَايِ كَالَ أَغُواْنَرْ حَرْ يَمَّ؞ دَ تَبُغَ أَبِنْدَ تَتَارَ سَيْ تَسَامِ ڟَابَرْ حَڟِ وَجٜىٰنْ مُودُ عَشِرِنْ؞

18تَا طَوْكَ تَكُواْمَ غَرِ تَنُونَ وَ مَامَرْ مِجِنْتَ أَبِنْدَ تَتَارَ؞ رُوتْ تَا كُمَبَا مَامَرْ مِجِنْتَ سَوْرَنْ عَبِنْثِنْ دَ يَرَغُ بَايَنْدَ تَثِ تَڧُواْشِ؞

19نَعُواْمِ تَا تَمْبَيٜىٰتَ تَثٜىٰ «كَيْ! إِنَا كِكَيِ كَالَ يَوْ؟ أَعِنَا كِكَيِ عَيْكِ؟ مَيْ أَلْبَرْكَ نٜىٰ وَنْدَ يَكُلَ دَكٜىٰ!» سَيْ رُوتْ تَڢَطَا مَتَ غَمٜىٰدَ مُتُمِنْ دَ تَيِكَالَ أَغُواْنَرْسَ؞ تَثٜىٰ «مُتُمِنْدَ نَيِكَالَ أَغُواْنَرْسَ يَوْ، سُونَنْسَ بُواْوَظْ؞»

20نَعُواْمِ تَاثٜىٰ وَ رُوتْ مَاتَرْ طَنْتَ «بَرِ يَهْوٜىٰهْ يَ أَلْبَرْكَثٜىٰ شِ؞ يَهْوٜىٰهْ بَيْ دَيْنَ نُونَ أَلْحٜىٰرِنْسَ غَ مَاسُرَيْ دَ مَتَتُّو بَ؞ أَيْ، وَنَّنْ مُتُمْ دَنْ‌غِنْمُ نٜىٰ نَكُسَ، شِ طَيَ نٜىٰ دَغَ ثِكِنْ وَطَنْدَ سُكٜىٰ دَ حَكِّنْ ڢَنْسَرْمُ؞»

21سَيْ رُوتْ یَرْ ڧَسَرْ مُواْوَبْ تَثٜىٰ «بَنْدَ حَكَمَا، بُواْوَظْ يَثٜىٰ إِنْثِيغَبَدَ ذُوَا غُواْنَرْسَ إِنْ دِنْ‌غَ بِنْ بَايِنْسَ إِنَ كَالَ حَرْ سَيْ أَنْ‌غَمَ غِرْبِے دُكَ؞»

22نَعُواْمِ تَأَمْسَ تَثٜىٰ «دَيْدَيْ نٜىٰ، یَتَ؞ أَيْ، يَڢِ ݣَوْ كِيِكَالَ أَغُواْنَرْ دَ مَتَ مَاسُيِ وَ بُواْوَظْ عَيْكِ سُكٜىٰ؞ عِدَنْ كِنْجٜىٰ غُواْنَرْ وَنِ دَبَمْ، أَنَ عِيَيِ مِكِ رَشِنْ كُنْيَا أَوُرِنْ؞»

23دُواْمِنْ حَكَ، رُوتْ تَثِيغَبَدَ بِنْ مَاتَا مَاسُيِ وَ بُواْوَظْ عَيْكِ، بَتَبَرْسُبَ حَرْ سَيْ دَ عَكَ غَمَ غِرْبِنْ حَڟِنْ بَلٜىٰ دَ نَأَلْكَمَ؞ تَا كُوَ ثِيغَبَدَ ذَمَ تَرٜىٰدَ مَامَرْ مِجِنْتَ؞

← Chapter 1 Jump to: Chapter 3 →