Ruth 3

Hausa Arabic 2020 (أَتَّوْرَتْ دَ أَنَّبَاوَا)

← Chapter 2 Jump to: Chapter 4 →

1وَتَرَانَ نَعُواْمِ مَامَرْ مِجِنْ رُوتْ تَثٜىٰ وَ رُوتْ «یَتَ، يَا كَمَاتَ إِنْ نٜىٰمَ مِكِ مِجِ، دُواْمِنْ كِسَامِ غِدَا عِنْدَ ذَاكِ هُوتَ؞

2غَاشِ بُواْوَظْ وَنْدَ يَيَرْدَ مِكِ كِكَيِ تَكَالَ بَايَنْ مَتَ مَاسُيِمَسَ عَيْكِ دَنْ‌غِنْمُ نٜىٰ نَكُسَ؞ كِسَوْرَرَ؞ يَوْ دَ يَمَّ ذَيْبُغَ حَڟِنْ بَلٜىٰ أَوُرِنْ بُغُنْ حَڟِ؞

3سَبُواْدَ حَكَ سَيْكِيِ وَنْكَ، كِشَاڢَ مَنْ ڧَنْشِ، كِكُمَسَا رِغَرْكِ مَڢِے ݣَوْ؞ سَعَنً كِتَڢِے عِنْدَ يَكٜىٰ بُغُنْ حَڟِنْسَ، عَمَّا كَدَ كِيَرْدَ يَغَنْكِ سَيْ يَغَمَثِ دَ شَا دُكَ؞

4كِلُورَ سُواْسَيْ دَ عِنْدَ يَݣُونْتَ؞ سَعَنً كِجٜىٰ كِبُوطٜىٰ ذَنٜىٰنْ رُڢُوَرْسَ، كِݣُونْتَ أَوَجٜىٰنْ ڧَڢَاڢُنْسَ؞ شِے كُوَ ذَيْ ڢَطَا مِكِ أَبِنْدَ ذَاكِيِ؞»

5سَيْ رُوتْ تَأَمْسَ تَثٜىٰ «ذَنْيِ دُكْ أَبِنْدَ كِكَ ڢَطَا مِنِ؞»

6رُوتْ كُوَ تَغَنْ‌غَرَ ذُوَا وُرِنْ دَ عَكٜىٰ بُغُنْ حَڟِ، تَكُمَيِ دُكْ أَبِنْدَ مَامَرْ مِجِنْتَ تَعُمَرْثٜىٰتَ؞

7دَ بُواْوَظْ يَغَمَثِ دَ شَا، يَنَ ثِكِنْ جِنْ دَاطِنْسَ، سَيْيَنٜىٰمِ وُرِے يَݣُونْتَ كُسَدَ تُلِنْ حَڟِنْ دَ عَكَتَارَ؞ سَعَنً رُوتْ تَذُواْ أَ حَنْكَلِ، تَبُوطٜىٰ ذَنٜىٰنْ رُڢُوَرْسَ تَݣُونْتَ أَوَجٜىٰنْ ڧَڢَاڢُنْسَ؞

8دَ ڟَكَرْ دَرٜىٰ بُواْوَظْ يَڢَرْكَ أَ ڢِرْغِثٜىٰ، يَجُويَ سَيْ يَغَ مَثٜىٰ عَݣُونْثٜىٰ كُسَدَ ڧَڢَاڢُنْسَ؞

9يَيِ تَمْبَيَ يَثٜىٰ «وَثٜىٰثٜىٰ كٜىٰ؟» سَيْ تَأَمْسَ «نِے ثٜىٰ بَيْوَرْكَ رُوتْ؞ كَرُڢٜىٰنِ دَ ذَنٜىٰنْ رُڢُوَرْكَ دُواْمِنْ كَيْ دَنْ‌غِ نٜىٰ نَكُسَ؞»

10سَيْ بُواْوَظْ يَثٜىٰ « يَهْوٜىٰهْ يَ أَلْبَرْكَثٜىٰكِ، یَتَ؞ دُواْمِنْ وَنَّنْ أَمِنْثِنْ دَ كِكَ نُونَ وَ دَنْ‌غِنْمُ يَنْذُ يَڢِ وَنْدَ كِكَ رِغَا كِنْ نُونَاوَ مَامَرْ مِجِنْكِ؞ غَمَا بَكِنٜىٰمِ سَوْرَيِبَ، كُواْ شِے مَيْ أَرْزِڧِ نٜىٰ كُواْ تَلَكَ نٜىٰ؞

11دُواْمِنْ حَكَ یَتَ، كَدَ كِدَامُ، ذَنْيِ كُواْمٜىٰنْ دَ كِكٜىٰ بُڧَاتَ؞ غَاشِمَا كُواْوَ أَغَرِنَّنْ يَسَنْ ثٜىٰوَ كٜىٰ مَثٜىٰ مَيْ كِرْكِ ثٜىٰ؞

12غَسْكِيَ نٜىٰ، نِے دَنْ‌غِ نٜىٰ نَكُسَ، عَمَّا كُمَ أَݣَويْ وَنِ مُتُمْ نَكُسَ ڢِيٜىٰ دَنِے؞

13يَنْذُ دَرٜىٰ نٜىٰ، كِجِرَا حَرْ غَرِ يَوَايٜىٰ؞ دَ سَڢٜىٰ ذَنْ تَمْبَيٜىٰشِ كُواْ ذَيْثِكَ حَكِّنْ دَنْ‌غِ نَكُسَ؞ إِنْ كُوَ ذَيْ يِ، تُواْ، سَيْيَثِكَ؞ عِدَنْ كُوَ بَايَسُواْ، نَا ضَنْڟٜىٰ مِكِ دَ سُونَنْ يَهْوٜىٰهْ مَيْ رَيْ ذَنْثِكَ؞ كِݣُونْتَ أَنَنْ حَرْ وَايٜىٰوَرْ غَرِ؞»

14سَيْ رُوتْ تَݣُونْتَ كُسَدَ ڧَڢَاڢُنْسَ حَرْ سَاڢِيَ؞ عَمَّا تَتَاشِ تُنْ حَصْكٜىٰنْ وَايٜىٰوَرْ غَرِ بَيْ إِسَ أَغَانٜىٰ دَ ڢُسْكَرْ مُتُمْبَ، تَكَامَ حَنْيَ؞ تَايِ حَكَنٜىٰ دُواْمِنْ بُواْوَظْ بَايَسُواْ مُتَنٜىٰ سُسَنْ ثٜىٰوَ مَثٜىٰ تَذُواْ وُرِنْ بُغُنْ حَڟِ؞

15سَيْ بُواْوَظْ يَثٜىٰ مَتَ «كِكَٰوُاْ ڠَلٜىٰنْكِ كِشِمْڢِطَا أَنَنْ؞» تَا كُوَ شِمْڢِطَا، سَيْيَطِبَ مُودُ عَشِرِنْ نَهَڟِنْ بَلٜىٰ يَظُبَ مَتَ؞ سَعَنً يَ أَظَ مَتَ، سَيْتَكُواْمَ ثِكِنْ غَرِ؞

16دَ تَكُواْمَ غِدَا سَيْ مَامَرْ مِجِنْتَ تَتَمْبَيٜىٰتَ تَثٜىٰ «یَتَ، يَيَ عَكَيِ؟» رُوتْ كُوَ تَڢَطَا وَ نَعُواْمِ دُكَنْ أَبِنْدَ بُواْوَظْ يَيِ مَتَ؞

17تَاڧَارَ دَ ثٜىٰوَ «بُواْوَظْ يَثٜىٰ بَذَيْ بَرْنِ إِنْكُواْمَ حَنُّ وُاْڢِ وُرِنْكِبَ، سَيْيَطِبَ حَڟِنْ بَلٜىٰ نَنْ يَبَانِ؞»

18نَعُواْمِ تَثٜىٰوَ رُوتْ «كِجِرَا، یَتَ، كِغَا أَبِنْدَ ذَيْڢَرُ؞ بُواْوَظْ بَذَيْ هُوتَبَ سَيْ يَوَرْوَرٜىٰ كُواْمٜىٰ؞»

← Chapter 2 Jump to: Chapter 4 →

Recommended Reading

Commentary Ruth Commentaries → Devotional Ruth Devotional Guide → Get This Bible Hausa Arabic (أَتَّوْرَتْ دَ أَنَّبَاوَا) Study Bible →