Titus 1

Hausa Arabic 2020 (أَتَّوْرَتْ دَ أَنَّبَاوَا)

Jump to: Chapter 2 →

1دَغَ بُلُسْ بَاوَنْ اللَّهْ كُمَ مَنْذُوانْ عِيسَىٰ أَلْمَسِيحُ دُواْمِنْ إِنْ ڧَرْڢَڢَ بَنْ‌غَسْكِيَرْ وَطَنْدَ اللَّهْ يَذَاٻَا، إِنْ تَيْمَكٜىٰسُ سُسَنْ غَسْكِيَرْ دَ تَحَيْڢَرْ دَ حَلِ إِرِنْ نَ اللَّهْ

2تَوُرِنْ سَا ذُوثِيَا غَ رَيْ مَدَوَّمِ؞ اللَّهْ وَنْدَ بَايَ ڧَضْيَا يَيِ أَلْڧَوَرِنْ وَنَّنْ رَيْ مَدَوَّمِ تُنْ كَاڢِنْ ڢَارَوَرْ ذَامَانَيْ؞

3سَعَنً أَدَيْدَيْ لُواْكَثِ يَبَيَّنَ شِ تَوُرِنْ سَڧُوانْسَ وَنْدَ نَكٜىٰ وَعَظِ، وَنْدَ كُمَ عَكَ بَانِ أَمَانَرْسَ تَوُرِنْ عُمَرْنِنْ اللَّهْ مَيْ ثٜىٰتُوانْمُ؞

4ذُوَاغَ تِيتُسْ، طَانَ نَغَسْكٜىٰ ثِكِنْ بَنْ‌غَسْكِيَ دَمُكٜىٰ دَ عِتَ دُكَنْمُ؞ أَلْحٜىٰرِ دَ سَلَمَ دَغَ اللَّهْ عُبَادَ أَلْمَسِيحُ عِيسَىٰ مَيْ ثٜىٰتُوانْمُ سُكَسَنْثٜىٰ تَرٜىٰدَكَيْ؞

5نَبَرْكَ أَ كِرِتْ دُواْمِنْ كَڧَارَسَ دَيْدَيْتَ أَلْعَمُرَنْ دَ سُكَ ضَغٜىٰ عَيِ، كَكُمَ نَطَ دَتَّاوَا عَكُواْوَنٜىٰ غَرِ، كَمَرْ يَدَّ نَعُمَرْثٜىٰكَ؞

6يَا كَمَاتَ دَتِّجُواْ يَكَسَنْثٜىٰ مَرَرْ لَيْڢِے أَغَبَنْ مُتَنٜىٰ، مَيْ مَثٜىٰ طَيَ، وَنْدَ كُمَ یَیَنْسَ مَاسُ بَادَ غَسْكِيَ نٜىٰ، كُمَ بَعَظَرْغِنْسُ دَ حَلِنْ إِسْكَنْثِ كُواْ رَشِنْ بِيَيَّبَ؞

7تُنْدَيَكٜىٰ مَيْ كُلَ دَ جَمَعَرْ مَاسُبِے مَيْ رِڧُوانْ أَمَانَرْ اللَّهْ نٜىٰ، دُواْلٜىٰنٜىٰ يَكَسَنْثٜىٰ مَرَرْ لَيْڢِے غَ كُواْوَ؞ كَدَ يَذَمَ مَيْ نُونَ إِيكُواْ، كُواْ مَيْ سَوْرِنْ ڢُشِے، كُواْ مَيْ بُغُوَ، كُواْ مَيْ سَوْرِنْ دُوكَ، كُواْ كُوَ مَيْ ݣُوطَيِنْ ڧَظَامَرْ رِيبَ؞

8أَ مَيْمَكُوانْ حَكَ، يَكَسَنْثٜىٰ مَيْ كَرْٻَرْ بَاڧِ، مَيْ سُوانْ نَغَرْتَا، كُمَ مَيْ كَامُنْ كَنْسَ، مَيْ غَسْكِيَ أَ ظُوثِ، مَيْ ڟَرْكِے، مَيْ هُواْرَرْ دَ كَنْسَ؞

9مَيْ لُورَ دَ جَمَعَرْ يَا كَمَاتَ يَذَمَ وَنْدَ يَنَ رِڧٜىٰ دَ تَبَّتَاثِّيَرْ مَغَنَرْ نَنْ تَ اللَّهْ دَيْدَيْ كَمَرْ يَدَّ عَكَ كُواْيَرْ، دُواْمِنْ يَڧَرْڢَڢَ وَطَنْسُ تَوُرِنْ كُواْيَرْوَا تَغَسْكِيَ، يَكُمَ عِيَ ڧَضْيَاتَ كُسْكُرٜىٰنْ وَطَنْدَ سُكٜىٰ غَابَادَ كُواْيَرْوَرْ؞

10أَݣَويْ یَنْ تَاوَيٜىٰ دَيَوَ، مَاسُ مَغَنْ‌غَنُنْ بَنْظَ، مَاسُ رُوطُ، مُسَمَّنْ ثِكِنْ يَهُودَاوَنْ دَ سُكَ نَاثٜىٰ عَكَنْ مَغَنَرْ كَاثِيَ؞

11دُواْلٜىٰنٜىٰ أَ سَاسُ سُيِ شِضُ، غَمَا سُنَ تَادَ حَنْكَلِنْ عِيَلَيْ دَيَوَ تَوُرِنْ كُواْيَرْ دَ أَبِنْدَ بَيْ كَمَاتَ بَ دُواْمِنْ نٜىٰمَنْ ڧَظَامَرْ رِيبَ؞

12أَيْ، وَنِ أَنَّبِے نَ كِرِتَاوَا شِے مَا يَڢَطَا ثٜىٰوَ، «كِرِتَاوَا كُلُّمْ مَاسُ ڧَضْيَا نٜىٰ، مُوغَيٜىٰنْ دَبُّواْبِے، یَنْ ڧِوِيَ مَاسُيَوَنْ ثِنْ عَبِنْثِ؞»

13وَنَّنْ شَيْدَ غَسْكِيَ ثٜىٰ؞ سَبُواْدَ حَكَ كَڟَاوَتَا مُسُ دَ ذَاڢِ، دُواْمِنْ سُكَڢُ عَكَنْ غَسْكِيَ ثِكِنْ بَنْ‌غَسْكِيَ،

14دُواْمِنْ سُدَيْنَ كَسَ كُنّٜىٰ غَ تَڟُونِيُواْيِنْ يَهُودَاوَا دَ بِنْ دُواْكُواْكِنْ مُتَنٜىٰ وَطَنْدَ سُكَڧِ غَسْكِيَ؞

15غَ مَيْ ڟَبْتَرْ ذُوثِيَا كُواْمٜىٰ مَيْ ڟَبْتَ نٜىٰ؞ عَمَّا غَ مَاسُ ڧَظَنْتَادَ مَرَسَ بَادَ غَسْكِيَ بَا أَبِنْدَ يَكٜىٰدَ ڟَبْتَ؞ غَسْكِيَ دُكَنْ تُنَانِنْ ذُوثِيَارْسُ دَ حَنْكَلِنْسُ ڧَظَنْتَتُّ نٜىٰ؞

16دَ بَاكِ سُنَ ثٜىٰوَ سُنْ سَنْ اللَّهْ ، عَمَّا تَوُرِنْ أَيُّكَنْسُ سُنَ مُسُونْ سَنِنْسَ؞ سُنْ ذَمَ أَبِنْ ڨَمَ، مَرَسَ بِيَيَّ، كُمَ بَسُ مَا إِسَ سُيِ عَيْكِ نَغَرِبَ؞

Jump to: Chapter 2 →