Titus 2

Hausa Arabic 2020 (أَتَّوْرَتْ دَ أَنَّبَاوَا)

← Chapter 1 Jump to: Chapter 3 →

1عَمَّا كَيْ دَيْ، دُواْلٜىٰ كَكُواْيَرْ دَ أَبِنْدَ يَدَاثٜىٰ دَ كُواْيَرْوَا تَغَسْكِيَ؞

2كَكُواْيَرْ دَ ڟُواْڢَڢِّنْ مَظَا سُكَمٜىٰ كَنْسُ، سُنَڟُ، سُهُواْرَرْ دَ كَنْسُ، سُكَڢُ عَكَنْ غَسْكِيَ ثِكِنْ بَنْ‌غَسْكِيَ دَ ڧَوْنَ دَ كُمَ جِمْرٜىٰوَ؞

3حَكَكُمَ كَكُواْيَرْ دَ ڟُواْڢَڢِّنْ مَاتَا سُيِ رَايُوَرْ دَ تَدَاثٜىٰ دَ مَتَنْ دَسُكٜىٰ مَاسُبِے، بَا مَاسُ مَغَنَرْ ٻَاتَ سُونَبَ، كُواْ مَاسُ ذَمَنْ بَايِ غَ ضُوً إِنَبِے، عَمَّا سَيْ سُكُواْيَرْ دَ أَبِنْ نَغَرِ؞

4سَعَنً ذَاسُ هُواْرَرْ دَ مَاتَا مَاسُ ڧُرُثِيَ سُڧَوْنَثِ مَذَنْسُ دَ یَیَنْسُ،

5سُذَمَ مَاسُ كَامُنْ كَنْسُ، مَاسُ ڟَبْتَرْ رَيْ، مَاسُ عِيَ كُلَ دَ عِيَلَنْسُ، مَاسُ كِرْكِ، مَاسُ مِيڧَ كَيْ غَ مَذَنْسُ، دُواْمِنْ كَدَ أَ رٜىٰنَ مَغَنَرْ اللَّهْ ؞

6حَكَكُمَ كَغَرْغَطِے سَمَارِ سُكَمٜىٰ كَنْسُ؞

7عَثِكِنْ دُكَنْ كُواْمٜىٰ كَنُونَ كَنْكَ مُتُمْ نٜىٰ مَيْ عَيْكِ نَغَرِ، وَنْدَ يَ إِسَ أَبِنْ كُواْيِ؞ كَيِ كُواْيَرْوَرْكَ دَ غَسْكٜىٰ تَرٜىٰدَ ڨُوذُواْ،

8دَ كُمَ مَغَنَ مَيْمَعَنَ وَدَّ بَذَاعَ عِيَ سَامُنْ أَبِنْ زَرْغِ عَثِكِنْتَبَ؞ تَهَكَ ذَاكَبَا أَبُواْكَنْ غَابَنْكَ كُنْيَا يَايِنْ دَ سُنْ رَسَ مُوغُنْ أَبِنْدَ ذَاسُ ڢَطَا عَكَنْمُ؞

9كَاعُمَرْثِ بَايِ سُيِ بِيَيَّ غَ إِيَايٜىٰنْ‌غِجِنْسُ ثِكِنْ كُواْمٜىٰ، سُكُمَسَا أَجِ دَاطِنْسُ؞ كَدَ سُمَيَرْ مُسُ دَ مَغَنَ،

10كُواْ سُيِ مُسُ سَاتَا؞ أَ مَيْمَكُوانْ حَكَ، سُنُونَ ثٜىٰوَ سُو مَاسُ كِرْكِ نٜىٰ دَ مَاسُ أَمِنْثِ، دُواْمِنْ تَهَكَ ذَاعَ غَ دَرَجَرْ كُواْيَرْوَرْ نَنْ دَتَكٜىٰ غَمٜىٰدَ اللَّهْ مَيْ ثٜىٰتُوانْمُ؞

11غَمَا أَلْحٜىٰرِنْ اللَّهْ يَبَيَّنَ، مَيْ كَٰوُاْ ثٜىٰتُواْ غَ دُكَنْ مُتَنٜىٰ؞

12أَلْحٜىٰرِنَّنْ يَنَ كُواْيَ مَنَ مُبَرْ رَايُوَا مَرَرْ حَلِنْ اللَّهْ دَ شَعَوَثٜىٰ شَعَوَثٜىٰنْ دُونِيَا، مُكَمٜىٰ كَنْمُ، مُذَمَ مَاسُ غَسْكِيَ أَ ظُوثِ، مُنَ مَاسُ حَلِنْ اللَّهْ أَوَنَّنْ دُونِيَا؞

13مُيِ ذَمَنْ حَكَ يَايِنْ دَمُكٜىٰ جِضَانْ ثِكَرْ سَا ذُوثِيَارْ نَنْ مَيْ أَلْبَرْكَ، وَتُواْ بَيَّنَرْ طَوْكَكَرْ اللَّهْ نْمُ مَيْغِرْمَ دَ مَيْ ثٜىٰتُواْ عِيسَىٰ أَلْمَسِيحُ ؞

14عِيسَىٰ نٜىٰ يَبَايَرْدَ كَنْسَ دُواْمِنْ يَڢَنْشٜىٰمُ دَغَ دُكَنْ مُغُنْتَا، دُواْمِنْ يَڟَبْتَثٜىٰ وَكَنْسَ جَمَعَ تَمُسَمَّنْ وَطَنْدَ سُكٜىٰ دَ ڨُوظُوانْ يِنْ أَيُّكَنْ كِرْكِ؞

15كَكُواْيَرْ دَ وَطَنَّنْ أَبُبُوَ، كَڧَرْڢَڢَ مَاسُ جِنْكَ، كَكُمَ ڟَاوَتَا مُسُ دَ دُكَنْ إِيكُواْ؞ كَدَ كَيَرْدَ وَنِ يَرٜىٰنَكَ؞

← Chapter 1 Jump to: Chapter 3 →