Titus 3

Hausa Arabic 2020 (أَتَّوْرَتْ دَ أَنَّبَاوَا)

← Chapter 2 Jump to:

1كَتُنَ وَمُتَنٜىٰنْكَ سُمِيڧَ كَنْسُ غَ شُوغَبَنِّ دَ كُمَ مَاسُ مُلْكِ، سُيِ مُسُ بِيَيَّ، سُكُمَ كَسَنْثٜىٰ أَشِرْيٜىٰ دُواْمِنْ يِنْ كُواْوَنٜىٰ إِرِنْ ݣَكْݣَوَنْ عَيْكِ؞

2كَدَ سُيِ وَوَنِ مُوغُوَرْ مَغَنَ، كُمَ سُذَوْنَ ثِكِنْ سَلَمَ، سُكُمَ كَسَنْثٜىٰ دَ سَوْڧِنْ كَيْ، سُنَيِ وَكُواْوَ ثِكَكّٜىٰنْ تَوَلِعُ؞

3غَمَا مُو مَا أَدَا وَوَيٜىٰنٜىٰ، مَرَسَ بِيَيَّ، عَكَ كُوَ رُوطٜىٰمُ، مُنْ ذَمَ بَايِنْ شَعَوَثٜىٰ شَعَوَثٜىٰ دَ ݣُوطَيِ إِرِ إِرِ، مُكَ كُمَيِ رَايُوَرْمُ ثِكِنْ كِيشِ دَ ڧِيَيَّرْ ذُوثِيَا؞ مُتَنٜىٰ سُكَڧِيمُ، مُو كُمَ مُكَ ڧِيسُ؞

4عَمَّا أَ سَعَدَّ عَكَ بَيَّنَ أَلْحٜىٰرِ دَ ڧَوْنَرْ اللَّهْ مَيْ ثٜىٰتُوانْمُ،

5سَيْ اللَّهْ يَثٜىٰثٜىٰمُ؞ وَنَّنْ كُوَ بَ دُواْمِنْ مُنْيِ أَيُّكَ نَأَدَلْثِبَ، عَمَّا بِسَغَ جِنْڧَنْسَنٜىٰ يَثٜىٰثٜىٰمُ تَوُرِنْ وَنْكَنَّنْ نَ رُوحُ مَيْ ڟَرْكِے وَنْدَ يَبَامُ سَابُوَرْ حَيْڢُوَ دَ سَابُنْتَاوَا؞

6رُوحُ مَيْ ڟَرْكِنْ نَنْ نٜىٰ عَكَ ظُبُواْ عَيَلْوَثٜىٰ عَكَنْمُ تَوُرِنْ عِيسَىٰ أَلْمَسِيحُ مَيْ ثٜىٰتُوانْمُ؞

7يَيِ وَنَّنْ دُواْمِنْ تَوُرِنْ أَلْحٜىٰرِنْسَ مُسَامِ ذَمَ مَرَسَ لَيْڢِے أَغَبَنْ اللَّهْ ، كُمَ مُذَمَ مَاسُ غَادُوانْ رَيْ مَدَوَّمِنَّنْ دَ مُكَ سَا ذُوثِيَا عَكَيْ؞

8مَغَنَرْ نَنْ تَبَّتَاثِّيَ ثٜىٰ؞ إِنَ سُواْ كَڧَرْڢَڢَ وَطَنَّنْ أَبُبُوَ سُواْسَيْ، دُواْمِنْ وَطَنْدَ سُكَ بَادَ غَسْكِيَ غَ اللَّهْ سُيِ حَنْكَلِ سُمِيڧَ كَنْسُ غَ عَيْكِ نَغَرِ؞ وَطَنَّنْ أَبُبُوَ كُوَ سُنَدَ ݣَوْ أَيْنُنْ، سُنَ كُوَ دَ أَمْڢَانِ غَ كُواْوَ؞

9عَمَّا كَغُجٜىٰ وَغَرْدَمَرْ بَنْظَ دَ لِسَّڢِنْ سُونَيٜىٰنْ كَاكَنِّ دَ رَرَّبُوَ دَ كُمَ يَوَنْ جَيَيَّ غَمٜىٰدَ كُواْيَرْوَرْ مُوسَٰى، سَبُواْدَ بَاسُدَ أَمْڢَانِ كُمَ بَنْظَنٜىٰ؞

10عَمَّا غَ مُتُمْ مَيْ كَٰوُاْ رَبُوَ، بَايَنْدَ كَغَرْغَطٜىٰشِ دَ ڢَرْكُواْ دَنَبِيُ، سَيْ كَرَبُ دَشِ؞

11كَا سَنِ ثٜىٰوَ إِرِنْ مُتُمِنَّنْ ٻَتَثّٜىٰنٜىٰ، كُمَ يَحُكُنْتَ كَنْسَ تَوُرِنْ ذُنُبَنْسَ؞

12سَعَدَّ نَعَيْكَ أَرْتِمَسْ كُواْ تِكِكُسْ وُرِنْكَ، سَيْ كَيِ إِيَاكَثِنْ ڧُواْڧَرِنْكَ كَذُواْ وُرِينَ أَ نِكَڢُواْلِسْ، سَبُواْدَ إِنَدَ نِيَّرْ ثِنْ دَامِنَ عَثَنْ؞

13كَكُمَيِ إِيَاكَثِنْ ڧُواْڧَرِنْكَ كَتَيْمَكِ ظٜىٰنَسْ لَوْيَنَّنْ دَ أَڢُواْلُّواسْ سُكَامَ حَنْيَ؞ كَكُمَ تَبَّتَرْ ثٜىٰوَ بَسُ رَسَ كُواْمٜىٰبَ؞

14دُواْلٜىٰ مُتَنٜىٰنْمُ سُ كُواْيِ يَدَّ ذَاسُ مِيڧَ كَنْسُ غَ عَيْكَتَ أَيُّكَ مَاسُ ݣَوْ، دُواْمِنْ سُإِيَ بَادَ تَيْمَكُواْ وَجٜىٰنْ بِيَنْ مُهِمَّنْ بُڧَاتُو؞ كَدَ سُيِ رَايُوَا مَرَرْ أَمْڢَانِ؞

15دُكْ وَطَنْدَ سُكٜىٰ تَرٜىٰدَنِ سُنَ غَيْشٜىٰكَ؞ كَغَيْ دَ وَطَنْدَ سُكٜىٰ ڧَوْنَرْمُ، وَطَنْدَ مُكٜىٰ تَرٜىٰدَسُو ثِكِنْ بَنْ‌غَسْكِيَ؞ أَلْحٜىٰرِنْ اللَّهْ يَكَسَنْثٜىٰ تَرٜىٰدَكُو دُكَ؞ أَمِينْ؞

← Chapter 2 Jump to: