Zephaniah 1

Hausa Arabic 2020 (أَتَّوْرَتْ دَ أَنَّبَاوَا)

Jump to: Chapter 2 →

1أَ زَامَانِنْ دَ سَرْكِے يُواْسِيَا طَنْ أَمُوانْ يَكٜىٰ مُلْكِ أَ يَهُودَ، أَنَّبِے زَڢَنِيَ طَنْ كُشْ، طَنْ غٜىٰدَلِيَ، جِيكَنْ أَمَرِيَ نَغِدَنْ هٜىٰزٜىٰكِيَ، يَڢَطِ مَغَنَرْ دَ يَهْوٜىٰهْ يَغَيَ مَسَ؞

2إِنْجِ يَهْوٜىٰهْ «ذَنْ شَارٜىٰ دُكَنْ كُواْمٜىٰ وَنْدَ يَكٜىٰ أَ ڢُسْكَرْ دُونِيَا؞

3ذَنْ شَارٜىٰ یَنْ أَدَمْ دَ دَبُّواْبِے، ذَنْ شَارٜىٰ ڟُنْڟَيٜىٰنْ سَرَرِنْ سَمَ دَ كِيڢَيٜىٰنْ تٜىٰكُ؞ ذَنْ تُمْٻُكٜىٰ مُوغَيٜىٰ إِنْكُمَ كَوَرْدَ یَنْ أَدَمْ دَغَ ڢُسْكَرْ دُونِيَا، نِے يَهْوٜىٰهْ ، نَا ڢَطَا؞»

4«ذَنْ مِيڧَ هَنُّونَ إِنْيِ غَابَادَ يَهُودَ، إِنْيِ غَابَادَ دُكَنْ مَذَوْنَنْ عُرُوشَلِيمَ؞ ذَنْ كَوَرْدَ ضَغُواْوَرْ مُتَنٜىٰ مَاسُ سُجَّدَ غَ بَعَلْ، دَ سُونَيٜىٰنْ ڢِرِسْتُواْثِنْ غُمَكَنَّنْ؞

5ذَنْ كَوَرْدَ مَاسُ هَوَ عَكَنْ رُڢِنْ غِدَاجٜىٰ، مَاسُ بَوْتَاوَ رَانَ دَ وَتَ دَ تَوْرَرِ؞ ذَنْ كَوَرْدَ مَاسُ دُرْڧُسَ دَ ضَنْڟُوَا غَ يَهْوٜىٰهْ ، سُنَ كُمَ ضَنْڟُوَا غَ مُواْلٜىٰكْ؞

6ذَنْكَوَرْدَ وَطَنْدَ سُكَ جُويَا بَايَ غَ بِنْ يَهْوٜىٰهْ ، دَ وَطَنْدَ بَسُ نٜىٰمِ وَنِ أَبُ دَغَ يَهْوٜىٰهْ بَ، بَسُ كُوَ نٜىٰمِ نُڢِنْسَبَ؞»

7يِ شِضُ أَغَبَنْ عُبَنْ‌غِجِ يَهْوٜىٰهْ! غَمَا رَانَرْ يَهْوٜىٰهْ تَايِ كُسَ؞ يَهْوٜىٰهْ يَا شِرْيَ يَمِيڧَ مُتَنٜىٰنْسَ هَدَايَ، يَكُمَ كٜىٰٻٜىٰ وَطَنْدَ ذَاسُ عَيْكَتَ حُكُنْثِنْسَ؞

8«أَ رَانَرْ دَنِے يَهْوٜىٰهْ ذَنْ مِيڧَ مُتَنٜىٰنَ هَدَايَ، ذَنْ حُكُنْتَ دَتَّاوَنْ سَرْكِے دَ یَیَنْسَ مَظَا، دَ مَاسُ سَا رِيغُنَنْ سُجَّدَ غَ أَلُّواْلِنْ بَاڧِ؞

9أَ رَانَرْ نَنْ، ذَنْ حُكُنْتَ دُكَنْ مَاسُ أَلْعَادَرْ ڟَلّٜىٰ عَبَاكِنْ ڧُواْڢَ، دَ وَطَنْدَ سُكَ ثِكَ غِدَنْ مَيْغِدَنْسُ دَ كَايَنْ ڨُوثٜىٰ دَ نَرُوطُ؞»

10إِنْجِ يَهْوٜىٰهْ «أَ رَانَرْ نَنْ، ذَاعَ جِ ڧَارَرْ كُوكَا دَغَ ڧُواْڢَرْ كِيڢِ، إِيهُ كُمَ دَغَ سَشٜىٰ نَبِيُ، ڧَارَرْ ڢَرْڢَشٜىٰوَ دَغَ تُدَّيْ؞

11يِكُوكَا، يَا كُو مَذَوْنَنْ سَشٜىٰنْ مَكْتٜىٰشْ! غَمَا دُكَنْ یَنْ كَاسُوَ سُنْ هَلَّكَ، دُكَنْ مَاسُ سَيَرْ دَ أَظُرْڢَا أَنْكَوَرْ دَسُو؞»

12«أَ لُواْكَثِنَّنْ، ذَنْ بِنْثِكٜىٰ عُرُوشَلِيمَ دَ ڢِتِلُ، ذَنْ حُكُنْتَ مَاسُ ذَمَنْ ڧِنْ كُلَ، وَطَنْدَ سُكٜىٰثٜىٰوَ أَ ذُوثِيَارْسُ، ‹ يَهْوٜىٰهْ بَذَيْ يِمَنَ أَلْحٜىٰرِبَ، بَذَيْ كُمَيِ مَنَ ٻَرْنَبَ؞›

13ذَاعَݣُوشِ أَرْزِڧِنْسُ، غِدَاجٜىٰنْسُ كُمَ ذَاعَ هَلَكَاسُ؞ كُواْدَيَكٜىٰ سُنْ غِنَا غِدَاجٜىٰ، بَذَاسُ ذَوْنَ عَثِكِيبَ؞ كُواْدَيَكٜىٰ سُنْ شُوكَ غُواْنَكِنْ إِنَبِے، بَذَاسُ شَا ضُوً إِنَبِے دَغَ ثِكِنْسُبَ؞»

14بَبَّرْ رَانَرْ يَهْوٜىٰهْ تَيِ كُسَ، تَيِ كُرْكُسَ، تَنَ ذُوَا دَ سَوْرِ، ڧَارَرْ رَانَرْ يَهْوٜىٰهْ تَنَدَ طَاثِ أَ رَانَرْ مَيْ عِيَ يَاڧِ ذَيْ يِكُوكَا مَيْ ذَاڢِ؞

15رَانَرْ نَنْ رَانَرْ ڢُشِثٜىٰ، رَانَرْ بَڧِنْ ثِكِ دَ وَهَلَ، رَانَرْ هَلَّكَ دَ ٻَرْنَ، رَانَرْ دُهُ بَڧِ ڧِرِنْ، رَانَرْ غِرْغِجٜىٰ دَ بَڧِنْ دُهُ،

16رَانَرْ ڧَارَرْ ڧَهُواْ دَ إِيهٌ يَاڧِ غَابَادَ بِرَنٜىٰ مَاسُ كَتَنْ‌غَ كُمَ غَابَادَ وُرَارٜىٰ مَاسُ ڟَيِ؞

17«ذَنْ كَٰوُاْ وَنِ إِرِنْ وَهَلَ عَكَنْ مُتَنٜىٰ، حَرْ سُيِ تَڢِيَ كَمَرْ مَكَڢِ؞ سَبُواْدَ سُنْيِ وَ يَهْوٜىٰهْ ذُنُوبِ، ذَاعَ ظُبَرْدَ جِنِنْسُ كَمَرْ ضُوَ نَامَنْ جِكِنْسُ كُمَ كَمَرْ تَاكِ؞

18أَ رَانَرْ ڢُشِنْ يَهْوٜىٰهْ كُواْ أَظُرْڢَرْسُ كُواْ ظِينَارِيَرْسُ بَذَاسُ كُٻُتَرْ دَسُو بَ؞ كَمَرْ ڢُشِنْ مُتُمْ مَيْ كِيشِنْ ڧَوْنَ، ڢُشِنْ يَهْوٜىٰهْ ذَيْ كُنَّ دَ ذَاڢِ، دُكَنْ دُونِيَا ذَاتَ هَلَّكَ؞ عِ، ذَيْ هَلَّكَرْ دَ دُكَنْ مَذَوْنَنْ دُونِيَا، ڧَرْشٜىٰ مَيْ بَرَظَنَ؞»

Jump to: Chapter 2 →