Zephaniah 3

Hausa Arabic 2020 (أَتَّوْرَتْ دَ أَنَّبَاوَا)

← Chapter 2 Jump to:

1كَيْتُوانْكَ، كَيْ بِرْنِ مَيْ تَيَرْوَ، مَيْ ڧَظَنْتَا، مَيْيِ وَمُتَنٜىٰنْسَ دَنِّيَ!

2بَايَ كَسَ كُنّٜىٰ غَ كُواْوَ، بَلّٜىٰ مَا يَكَرْٻِ ڠَرَ؞ بَيْ دُواْغَضَ غَ يَهْوٜىٰهْ بَ، بَيْ مَا كُسَنْثِ اللَّهْ نْسَ بَ؞

3شُوغَبَنِّنْسَ ذَاكُواْكِ نٜىٰ مَاسُ رُورِ، أَلْڧَلَنْسَ ݣَرْكٜىٰتَيْ نٜىٰ مَاسُ ڢِتُواْوَ دَ يَمَّ، بَاسَ بَرِنْ كُواْمٜىٰ حَرْ غَرِ يَوَايٜىٰ؞

4أَنَّبَاوَنْسَ یَنْ بَنْظَنٜىٰ، مَاسُثِنْ أَمَانَ؞ ڢِرِسْتُواْثِنْسَ كُمَ سُنْيِ بَنْظَ دَ أَبِنْدَ يَكٜىٰ مَيْ ڟَرْكِے؞ سُنْ كُمَ ٻَاتَ كُواْيَرْوَرْ اللَّهْ ؞

5يَهْوٜىٰهْ وَنْدَ يَكٜىٰ ثِكِنْ بِرْنِنْ، مَيْ أَدَلْثِے نٜىٰ، بَايَ كُسْكُرٜىٰ؞ كُواْوَثٜىٰ سَاڢِيَ يَكَنْ نُونَ أَدَلْثِنْسَ، بَايَ كَاسَوَ كُواْوَثٜىٰ سَاڢِيَ؞ عَمَّا مَرَرْ أَدَلْثِے بَيْ سَنْ كُنْيَابَ؞

6يَهْوٜىٰهْ يَثٜىٰ، «نَارِغَا نَايَنْكٜىٰ ڧَبِيلُنْ دُونِيَا، وُرَارٜىٰنْ ٻُيَنْسُ سُنْ لَلَثٜىٰ؞ نَا كُمَ لَلَتَرْدَ هَنْيُواْيِنْسُ، بَا مَيْ تَڢِيَ عَكَنْسُ؞ أَنْ مَيْدَ بِرَنٜىٰنْسُ كُڢَيْ حَرْ مَا بَعَضَغٜىٰ مُتُمْبَ، بَابُ كُواْوَ عَثِكِ؞

7نَثٜىٰ، لَلَّيْ مُتَنٜىٰنَ ذَاسُجِڟُواْرُواْنَ، ذَاسُ كَرْٻِ ڠَرَ، بَذَاسُ ڧَارَ كَوْ دَ حَنْكَلِنْسُبَ، دَغَ دُكَنْ أَبِنْدَ نَجَا مُسُ كُنّٜىٰ؞ عَمَّا سُكَڧَارَ يِنْ مَرْمَرِ سُڧَظَنْتَرْدَ أَيُّكَنْسُ؞

8سَبُواْدَ حَكَ نِے يَهْوٜىٰهْ نَثٜىٰ، ‹كُجِرَا رَانَرْ دَ ذَنْ تَاشِ إِنْيِ زَرْغِنْ أَلْعُمَّيْ؞ غَمَا نَايِ نِيَّ ذَنْ تَتَّارَ ڧَبِيلُ سُذَمَ بَبَّنْ تَارُوانْ مُلْكُواْكِ، دُواْمِنْ إِنْ ظُبَ مُسُ ڢُشِنَ مَيْ ذَاڢِ دَ دُكَنْ هَوْشِنَ؞ غَمَا كَمَرْ ڢُشِنْ مُتُمْ مَيْ كِيشِنْ ڧَوْنَ، ڢُشِنَ ذَيْ كُنُّ دَ ذَاڢِ، دُكَنْ دُونِيَا كُوَ ذَاتَ ڧُواْنٜىٰ؞› »

9«عِ، أَ لُواْكَثِنْ ذَنْ ثَنْجَ إِرِنْ مَغَنَرْ ڧَبِيلُ ذُوَا ڟَبْتَاثِّيَرْ مَغَنَ، دُكَنْسُ ذَاسُيِ كِرَا غَ سُونَنْ يَهْوٜىٰهْ ، سُكُمَ بَوْتَا مَسَ دَ ذُوثِيَا طَيَ؞

10تُنْدَغَ نٜىٰسَنْ يَنْكِنْ إِتِيُواْڢِيَ، مَاسُ يِمِنِ سُجَّدَ، مُتَنٜىٰنْ ذُوثِيَاتَ دَسُكٜىٰ أَوَرْوَڟٜىٰ ذَاسُ كَٰوُاْ مِنِ هَدَايَ؞»

11«أَ رَانَرْ نَنْ بَذَاعَ كُنْيَتَرْ دَكُو بَ، سَبُواْدَ أَيُّكَنْ تَاوَيٜىٰنْ دَ كُنْيِ مِنِ؞ غَمَا ذَنْ ڢِتَرْدَ مَاسُ طَغَ كَيْ دَ مَاسُ تَاڧَمَ دَغَ ثِكِنْكُ؞ بَذَاكُ ڧَارَ طَغَ كَيْ عَبَبَّنْ تُدُنَ مَيْ ڟَرْكِے بَ؞

12ذَنْ كُوَ بَرْ مُتَنٜىٰ مَاسُ سَوْڧِنْ كَيْ دَ مَرَسَ ڧَرْڢِے عَثِكِنْكُ، ذَاسُ نٜىٰمِ وُرِنْ ٻُيَ أَوُرِنْ يَهْوٜىٰهْ ؞

13ضَغُواْوَرْ جَمَعَرْ إِسْرَٰٓءِيلَ بَذَاسُ سَاكٜىٰ عَيْكَتَ مُغُنْتَا بَ، بَذَاسُ كُمَ ڢَطِ ڧَضْيَابَ، بَذَاعَ سَامِ ڧَضْيَا عَبَاكِنْسُبَ كُواْ رُوطُ أَ هَرْشٜىٰنْسُبَ؞ ذَاسُيِ كِيوُاْ، سُݣُونْتَ بَاوَنْدَ ذَيْ ڟُواْرَتَرْ دَسُو؞»

14«رٜىٰرَ دَ ڧَرْڢِے، يَا كٜىٰ ذُوثِيَاتَ سِهِيُواْنَ! تَادَ مُرْيَ، يَا إِسْرَٰٓءِيلَ! يِمُرْنَ، يِڢَضٍ ثِكِ دَ دُكَنْ ذُوثِيَارْكِ، يَا كٜىٰ ذُوثِيَاتَ عُرُوشَلِيمَ!

15يَهْوٜىٰهْ يَا كَوَرْدَ حُكُنْثِ دَغَ كَنْكِ، يَكُواْرِ أَبُواْكَنْ غَابَنْكِ؞ يَهْوٜىٰهْ سَرْكِنْ إِسْرَٰٓءِيلَ يَنَ ڟَكِيَرْكِ، بَذَاكِ ڧَارَ جِنْ ڟُواْرُوانْ مَسِيڢَبَ؞

16أَ رَانَرْ نَنْ ذَاعَ ثٜىٰ وَ عُرُوشَلِيمَ، ‹كَدَ كِجِڟُواْرُواْ، يَا سِهِيُواْنَ، كَدَ حَنُّوَنْكِ سُيِ سَنْيِ؞

17يَهْوٜىٰهْ اللَّهْ نْكِ يَنَ ڟَكِيَرْكِ، مَيْ يَاڧِ نٜىٰ مَيْ بَادَ نَصَرَا؞ ذَيْ يِڢَضٍ ثِكِ يَيِ مُرْنَ عَكَنْكِ، ذَيْسَابُنْتَكِ سَبُواْدَ ڧَوْنَرْسَ، ذَيْ رٜىٰرَ وَاڧَرْ مُرْنَ دَ ڧَرْڢِے عَكَنْكِ،

18كَمَرْ يَدَّ عَكَنْيِ أَ رَانَرْ بِكِ؞› » «ذَنْ كَوَرْدَ مَسِيڢَ دَغَ غَرٜىٰكُ، بَذَاكُ ڧَارَ شَنْ كُنْيَرْتَبَ؞

19غَاشِ، أَوَنَّنْ لُواْكَثِ ذَنْ حُكُنْتَ دُكَنْ مَاسُ مُكُ دَنِّيَ؞ ذَنْ كُمَ ثٜىٰثِ غُرْغُ، إِنْ تَتَّارَ وَطَنْدَ عَكَ كُواْرَ، ذَنْ مَيْدَسُو أَبِنْ يَبُواْ إِنْكُمَ سَا سُيِ سُونَ، أَدُكَنْ وُرَارٜىٰنْ دَ سُكَشَا كُنْيَا؞

20أَوَنَّنْ لُواْكَثِ ذَنْ كَٰوُاْكُ غِدَا، أَ لُواْكَثِنْدَ نَتَتَّرَاكُ؞ عِ، ذَنْسَا كُيِ سُونَ كُسَامِ يَبُواْ عَثِكِنْ دُكَنْ ڧَبِيلُنْ دُونِيَا، سَعَدَّ نَمَيَرْ مُكُ دَ أَلْبَرْكُنْكُ كُنَ غَنِ دَ عِدُوانْكُ؞ نِے يَهْوٜىٰهْ نَا ڢَطَا؞»

← Chapter 2 Jump to: