Zephaniah 2

Hausa Arabic 2020 (أَتَّوْرَتْ دَ أَنَّبَاوَا)

← Chapter 1 Jump to: Chapter 3 →

1«كُتَتَّارُ، عِ، كُتَتَّارُ يَا كٜىٰ أَلْعُمَّ مَرَرْ كُنْيَا،

2كَاڢِنْ أَوَاڟَرْ دَكُو كَمَرْ دُوسَرْ دَ عَكَ هُورَ، كَاڢِنْ ذَاڢِنْ ڢُشِنْ يَهْوٜىٰهْ يَسَوْكُواْ عَبِسَنْكُ، كَاڢِنْ رَانَرْ ڢُشِنْ يَهْوٜىٰهْ تَسَوْكُواْ عَكَنْكُ؞

3كُنٜىٰمِ يَهْوٜىٰهْ ، يَا كُو مَاسُ سَوْڧِنْ كَيْ نَڧَسَرْ؞ كُو وَطَنْدَ كُكٜىٰبِنْ عُمَرْنَنْسَ، كُنٜىٰمِ أَدَلْثِے، كُنٜىٰمِ سَوْڧِنْ كَيْ، وَتَڧِيلَ ذَاعَ ٻُواْيٜىٰكُ أَ رَانَرْ ڢُشِنْ يَهْوٜىٰهْ ؞»

4«ذَاعَبَرْ غَاظَ كُڢَيْ أَشْكٜىٰلُوانْ ذَاتَ ذَمَ دَاجِ جَمَعَرْ أَشْدُوادْ ذَاعَ كُواْرٜىٰسُ دَ ڟَكَرْ رَانَ، ذَاعَ تُمْٻُكٜىٰ عٜىٰكْرُوانْ؞

5كَيْتُوانْكُ، كُو مَذَوْنَنْ بَاكِنْ تٜىٰكُ، كُو أَلْعُمَّرْ كٜىٰرٜىٰتِيَاوَا! مَغَنَرْ يَهْوٜىٰهْ تَنَ غَابَادَكُو، يَا كَنْعَنَ، ڧَسَرْ ڢِلِسْتِيَ؞ ذَنْ هَلَكَاكِ، بَكُوَ ذَاعَ ضَغٜىٰ وَنِبَ؞

6بَاكِنْ تٜىٰكُ ذَاتَ ذَمَ وُرِنْ كِيوُاْ، ذَيْ ذَمَ وُرِنْ ذَمَنْ مَكِيَايَ، دَ كُمَ وُرِنْ ذَمَنْ غَرْكُنَ؞

7بَاكِنْ تٜىٰكُنْ ذَاتَ ذَمَ وُرِنْ غَادُواْ نَضَغُواْوَرْ غِدَنْ يَهُودَ، وُرِنْ دَ ذَاسُيِ كِيوُاْ؞ أَغِدَاجٜىٰنْ أَشْكٜىٰلُوانْ ذَاسُ ݣُونْتَ إِنْ يَمَّ تَيِ؞ غَمَا يَهْوٜىٰهْ اللَّهْ نْسُ ذَيْ كُلَ دَسُو، ذَيْ كُمَ مَيَرْ مُسُ دَ أَلْبَرْكُنْسُ نَدَا؞»

8«نَجِ بَعَرْ دَ مُواْوَبْ تَكٜىٰيِ دَ زَرْغِنْ أَمُّواْنَاوَا، يَدَّ سُكَ ڟُواْكَنِ مُتَنٜىٰنَ سُكَ بُغَ ڧِرْجِ ذَاسُثِنْيٜىٰ ڧَسَرْ مُتَنٜىٰنَ؞

9سَبُواْدَ حَكَ، نِے يَهْوٜىٰهْ مَيْ ضُنْدُنَا نَثٜىٰ، حَڧِيڧَ نَا ضَنْڟٜىٰ دَ رَيْنَ ثٜىٰوَ مُواْوَبْ ذَاتَ ذَمَ كَمَرْ سُواْدُوامْ، أَمُّواْنَاوَا كُمَ كَمَرْ غُواْمُواْرَ، ڧَسَرْ ذَاتَثِكَ دَ ڧَيُواْيِ مَيْ رَامُكَنْ غِشِرِ، مَرَرْ أَمْڢَانِ حَرْ أَبَدَا؞ ضَغُواْوَرْ جَمَعَتَ ذَاسُ ڨُوثٜىٰ مُسُ كَايَ، مُتَنٜىٰنَ دَ سُكَ ڟِيرَا ذَاسُ غَاجٜىٰسُ؞

10وَنَّنْ ذَيْ ذَمَ سَكَمَكُوانْ غِرْمَنْ كَنْسُ، سَبُواْدَ سُكَيِ رٜىٰنِ، سُكَ كُمَ بُغَ ڧِرْجِ، سُكَيِ غَابَادَ مُتَنٜىٰنْ يَهْوٜىٰهْ مَيْ ضُنْدُنَا ؞

11يَهْوٜىٰهْ ذَيْ ذَمَ أَبِنْ ڟُواْرُواْ أَغَرٜىٰسُ، عِ، ذَيْ هَلَّكَرْ دَ دُكَنْ أَلُّواْلِنْ دُونِيَا؞ أَغَرٜىٰشِ كُواْوَثٜىٰ أَلْعُمَّ ذَاتَ رُسُنَ، كُواْوَثٜىٰ عَڧَسَرْتَ كُواْ عَڟِبِرِنْتَ؞»

12«كُو مُتَنٜىٰنْ إِتِيُواْڢِيَ كُمَ، ذَاعَ كَكَّشٜىٰكُ دَ تَكُواْبِنَ؞»

13« يَهْوٜىٰهْ ذَيْ مِيڧَ حَنُّنْسَ غَابَادَ أَرٜىٰوَ، يَهَلَّكَ أَسُّرِيَ؞ ذَيْ مَيْدَ نِنٜىٰبَ كُڢَيْ، بُوسَشِّيَ كَمَرْ هَمَادَ؞

14غَرْكُنَ ذَاسُ ݣُونْتَ أَڟَكِيَرْتَ، دَ كُواْوَنٜىٰ إِرِنْ نَامَنْ دَاجِ؞ عُنْ‌غُلُ دَ مُجِيَرْ دَاجِ ذَاسُ ذَوْنَ عَكَوُنَنْ غِنْشِڧَنْتَ؞ كُوكَنْ مُجِيَ ذَيْ يِتَڢِتُواْوَ دَغَ تَغَ، نَهَنْكَكَ كُمَ دَغَ بَاكِنْ ڧُواْڢَ؞ كَتَكَنْ سٜىٰدَ نَغِنٜىٰ غِنٜىٰنْتَ، أَبُواْكَنْ غَابَنْتَ ذَاسُ وَرْوَارٜىٰ؞

15وَنَّنْ نٜىٰ بِرْنِ مَيْ تَاڧَمَ، وَنْدَ دَا يَذَوْنَ لَاڢِيَ، وَنْدَ يَثٜىٰ وَكَنْسَ، ‹نِے كَطَيْنٜىٰ، بَا وَنِ سَيْنِے!› غَاشِ، يَذَمَ كُڢَيْ، وُرِنْ ݣُونْثِيَرْ نَمُواْمِنْ دَاجِ! دُكْ وَنْدَ يَوُثٜىٰ تَوُرِنْسَ، ذَيْ يِڟَكِ، يَكَطَ كَيْ؞»

← Chapter 1 Jump to: Chapter 3 →