bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilonggo
/
Ilonggo (Maayong Balita nga Biblia (2012))
/
2 Corinthians 7
2 Corinthians 7
Ilonggo (Maayong Balita nga Biblia (2012))
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 8 →
1
Mga hinigugma nga mga kautoran, ini tanan nga mga saad ginhatag sa aton. Gani, tinloan ta ang aton kaugalingon sang tanan nga nagahigko sang lawas kag sang espiritu, kag magtinguha kita nga magbalaan sing bug-os, paagi sa aton kabuhi nga may pagtahod sa Dios.
2
Batuna ninyo kami sa inyo mga tagipusoon. Wala kami makahimo sing malain sa bisan kay sin-o, wala kami sing may nahalitan kag wala man kami nagpamintaha bisan kay sin-o.
3
Wala ako nagasiling sini sa pagpakalain sa inyo, kay subong sang ginsiling ko sang una, mahal gid kamo sa amon, kag bisan sa kabuhi ukon kamatayon nagaunongay kita.
4
Daku ang akon pagsalig sa inyo, kag ginapabugal ko gid kamo! Sa tunga sang amon mga kabudlayan, puno ako sing kaisog kag kalipay sa gihapon.
5
Bisan nakaabot na kami sa Macedonia, wala gid kami sing pahuway. May mga kinagamo bisan diin, mga inaway sa palibot, kag kahadlok sa amon mga tagipusoon.
6
Pero ang Dios nga nagalipay sang mga nasub-an, naglipay sa amon sang pag-abot ni Tito.
7
Indi lang nga ang iya pag-abot ang naglipay sa amon, kundi ang iya man panugiron sang inyo paglipay sa iya. Ginsugiran niya kami kon daw ano kadako sang inyo handom sa pagpakigkita sa akon, kon daw ano ang inyo pagpangasubo, kag kon daw ano kahanda sa inyo sa pag-apin sa akon. Gani, mas malipayon pa gid ako karon.
8
Kay bisan nga yadtong akon sulat nagpasubo sa inyo, wala ako nagahinulsol nga ginsulat ko yadto. Ayhan naghinulsol man ako sang nakita ko nga ang akon sulat nagpasubo sa inyo sa malip-ot nga tion.
9
Pero karon malipayon ako, indi tungod nga ginpasubo ko kamo, kundi tungod nga ang inyo kasubo nagbaylo sang inyo mga pagginawi. Yadto nga kasubo gingamit sang Dios, gani wala kami makahimo sa inyo sing malain.
10
Kay ang kasubo nga ginagamit sang Dios nagadala sang pagbaylo sang tagipusoon nga nagapadulong sa kaluwasan, kag sa sina wala sing paghinulsol. Pero ang kasubo nga kalibutanon lamang nagadala sang kamatayon.
11
Tan-awa ninyo kon ano ang ginhimo sang Dios sining inyo kasubo: ini naghimo sa inyo nga magtinguha kag nagpahimulat sa inyo sa pagpamatuod nga wala kamo sing sayop! Daw ano ang inyo kaakig! Daw ano ang inyo pagkatublag sa mahimo nga resulta sini! Naghandom kamo nga magpasag-uli kita sa isa kag isa. Nagmanginmakugi kamo sa paghimo sang matarong kag nanginhanda kamo sa pagsilot sang sayop! Kamo mismo nagapakita nga wala kamo sing sayop sa sini nga butang.
12
Gani, bisan nga ginpadala ko yadto nga sulat, ginhimo ko yadto, indi tungod sa nakasayop, ukon sa iya nga ginhimuan sing sayop. Sa baylo, ginsulat ko yadto sa pagpaathag sa inyo nga ang Dios nakahibalo kon daw ano ang inyo pagkabalaka sa amon.
13
Amo ini ang kabangdanan nga nalipay kami. Indi lang nga nalipay kami, kundi nagdugang pa gid ang amon kalipay tungod sang kalipay ni Tito, kay tanan kamo nagbulig sa paglipay sa iya.
14
Gindayaw ko kamo sa iya, kag wala ninyo ako pagpakahuy-i. Matuod pirme ang ginahambal namon sa inyo. Sa amo man nga bagay, ang ginpabugal namon kay Tito napamatud-an.
15
Gani ang iya paghigugma sa inyo nagadugang pa gid, sa nagadumdom sia kon daw ano ang inyo pagkahanda sa pagtuman sang iya ginsiling, kag sa inyo pagbaton sa iya nga may daku nga pagtahod.
16
Daw ano ang akon kalipay nga makasalig ako sa inyo sing bug-os!
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 8 →
All chapters:
1
2
3
4
5
6
7
8
9
10
11
12
13