bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ilonggo
/
Ilonggo (Maayong Balita nga Biblia (2012))
/
Luke 23
Luke 23
Ilonggo (Maayong Balita nga Biblia (2012))
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 24 →
1
Ang bug-os nga katapo sang Konseho nagtindog kag gindala nila si Jesus sa atubang ni Pilato.
2
Didto ginsumbong nila sia nga nagasiling: “Nadakpan namon ini nga tawo nga nagasudyot sang amon mga kasimanwa. Nagasiling sia nga indi sila magbayad sang buhis sa Emperador, kag iya ginaangkon nga sia amo ang Cristo nga isa ka hari.”
3
Si Pilato namangkot sa iya, “Ikaw bala ang hari sang mga Judio?” Si Jesus nagsabat, “Ginasiling mo.”
4
Dayon si Pilato nagsiling sa pangulo nga mga pari kag sa mga tawo, “Wala ako sing may nakita nga kasal-anan sa sini nga tawo.”
5
Pero nag-insister gid sila nga nagasiling, “Sia gid ang nagasugod sang kinagamo sa mga tawo tungod sang iya pagpanudlo sa bug-os nga Judea. Nagsugod sia sa Galilea, kag karon diri naman sia.”
6
Sang pagkabati ni Pilato sini namangkot sia, “Taga-Galilea bala ini nga tawo?”
7
Sang pagkahibalo niya nga si Jesus nagikan sa lugar nga ginadumalahan ni Herodes, ginpadala niya sia kay Herodes nga didto man sa Jerusalem sa sadto nga tion.
8
Nalipay gid si Herodes sang pagkakita niya kay Jesus, tungod kay nakabati sia nahanungod sa iya kag dugay na ang handom niya sa pagpakigkita kay Jesus. Naglaom sia sa pagtan-aw kay Jesus nga nagahimo sing mga gamhanan nga mga buhat.
9
Gani madamo ang mga pamangkot ni Herodes kay Jesus, pero si Jesus wala gid magsabat.
10
Ang pangulo nga mga pari kag ang mga manunodlo sang Kasugoan nagtindog kag naghimo sang mabaskog nga mga panumbongon batok kay Jesus.
11
Si Herodes kag ang iya mga soldado nagpakanubo kag nagyaguta sa iya. Dayon ginpasuksokan nila sia sing malahalon nga bayu kag ginpabalik kay Pilato.
12
Sa sadto gid nga adlaw si Pilato kag si Herodes nag-amiguhay, kay sadto anay magkaaway sila.
13
Gintipon ni Pilato ang pangulo nga mga pari, ang mga manugdumala, kag ang mga tawo,
14
kag nagsiling sia sa ila, “Gindala ninyo ini nga tawo sa akon kag nagsiling kamo nga nagasudyot sia sang mga tawo. Karon, gin-usisa ko sia sa atubang ninyo kag wala ako sing may nakita nga sala nga inyo ginasumbong batok sa iya.
15
Si Herodes wala man sing may nakita nga sala sa iya, kay ginpabalik niya sia sa aton. Wala sing may nahimo ini nga tawo nga takos sang kamatayon.
16
Gani, ipahanot ko sia, kag buy-an.”
18
Ang tanan nga mga tawo nagsinggit, “Patya sia kag buy-i sa amon si Barrabas.”
19
Karon si Barrabas nabilanggo tungod sang kinagamo nga natabo sa siudad, kag sang pagpamatay.
20
Si Pilato luyag maghilway kay Jesus, gani naghambal sia liwat sa mga tawo.
21
Pero nagsinggit sila, “Ilansang sia sa krus! Ilansang sia sa krus!”
22
Si Pilato nagsiling sa ila sa ikatlo nga tion, “Pero ano nga sala ang iya nahimo? Wala ako sing may nakita nga sala sa iya nga takos sang kamatayon. Ipahanot ko sia kag buy-an.”
23
Pero nagpadayon sila sa pagsinggit sing mabaskog, “Ilansang sia sa krus!” Kag sang ulihi nagmadinalag-on ang ila pagsinggit.
24
Gani nagpamatbat si Pilato nga ihatag ang ila ginapangayo.
25
Ginhilway niya ang ila ginpangayo nga tawo nga nabilanggo tungod sa kinagamo kag pagpamatay, kag gintugyan niya si Jesus sa ila agod nga mahimo nila ang ila luyag.
26
Sang gindala sang mga soldado si Jesus pa gwa, nasugata nila ang isa ka tawo nga ginhingalanan kay Simon nga taga-Cirene nga naghalin sa uma kag nagakadto sa siudad. Gindakop nila sia kag ginpapas-an sang krus agod dalhon ini nga nagasunod kay Jesus.
27
Madamo nga mga tawo ang nagsunod kay Jesus. Upod sa mga tawo may mga babayi nga nagahinibi kag nagapanalambiton tungod sa iya.
28
Ginbalikid sila ni Jesus kag ginsingganan, “Mga babayi sang Jerusalem, indi kamo maghibi tungod sa akon, kundi tungod sa inyo kaugalingon kag sa inyo mga kabataan.
29
Kay ang mga adlaw magaabot nga ang mga tawo magasiling, ‘Daw ano ka malipayon ang mga babayi nga baw-as, kag wala makabusong, kag wala makapasuso!’
30
Amo ina ang tion nga ang mga tawo magasiling sa mga bukid, ‘Tumbahi kami!’ kag sa mga bakulod, ‘Tabuni kami!’
31
Kay kon ini nga mga butang ginahimo nila samtang lab-as pa ang mga kahoy, ano pa gid ayhan ang mahanabo kon laya na ini?”
32
Gindala man nila ang duha pa ka mga tawo nga kriminal, agod patyon upod kay Jesus.
33
Sang pag-abot nila sa lugar nga ginatawag “Ang Bagol,” ginlansang nila didto si Jesus sa krus, kag ang duha ka kriminal, ang isa sa iya tuo kag ang isa sa iya wala.
34
Si Jesus nagsiling, “Amay, patawara sila, kay wala sila makahibalo sang ila ginahimo.” Ginpartida nila ang iya mga bayu paagi sa pagabutgabot.
35
Ang mga tawo nagtindog didto nga nagatan-aw samtang ang mga pangulo sang mga Judio nagyaguta sa iya. Nagsiling sila: “Ginluwas niya ang iban, ipaluwas sa iya ang iya kaugalingon, kon sia amo ang Cristo, ang pinili sang Dios!”
36
Ang mga soldado nagyaguta man sa iya: nagpalapit sila sa iya kag gintungholan nila sia sang maaslom nga bino
37
kag nagsiling, “Luwasa ang imo kaugalingon, kon ikaw ang hari sang mga Judio!”
38
Sa ulohan niya nasulat ini nga mga pulong: “Ini amo ang Hari sang mga Judio.”
39
Ang isa sang mga kriminal nga nalansang sa krus didto nagpasipala sa iya: “Indi bala ikaw ang Cristo? Luwasa ang imo kaugalingon kag kami!”
40
Pero ang isa ka kriminal nagsaway sa iya nga nagasiling, “Wala ka bala mahadlok sa Dios? Nagabaton ka sang pareho nga pamatbat kasubong sini nga tawo.
41
Ang aton silot bagay gid man sa aton tungod kay nagabaton kita sang nagakaigo nga balos sang aton mga ginhimo, pero ini nga tawo wala sing nahimo nga malain.”
42
Kag nagsiling sia kay Jesus, “Jesus, dumdoma ako kon maghari ka na!”
43
Si Jesus nagsiling sa iya, “Nagasaad ako sa imo, karon gid nga adlaw manginkaupod ko ikaw sa Paraiso.”
44
Sang mga alas dose ang takna nagdulom ang bug-os nga duta tubtob sa alas tres sang hapon.
45
Wala magsilak ang adlaw, kag ang kurtina sang Templo nagisi sa tunga.
46
Dayon si Jesus nagsinggit sa mabaskog nga tingog, “Amay, sa imo mga kamot ginatugyan ko ang akon espiritu!” Sang makasiling sia sini napatay sia.
47
Sang makita sang opisyal sang mga soldado ang nahanabo, nagdayaw sia sa Dios nga nagasiling, “Matuod gid nga ini nga tawo matarong!”
48
Ang nahanabo nakita sang tanan nga mga tawo nga nagtipon sa pagtan-aw sang talan-awon. Nagpauli sila nga nagapamukpok sang ila mga dughan sa kasubo.
49
Ang tanan nga nakakilala kay Jesus, lakip sang mga babayi nga nagsunod sa iya halin sa Galilea, nagtindog sa malayo nga nagatan-aw sini nga mga butang.
50
May isa ka tawo nga ginhingalanan kay Jose nga naghalin sa Arimatea, isa ka banwa sa Judea. Maayo kag talahuron sia nga tawo, kag nagapaabot sia sang paghari sang Dios. Bisan nga katapo sia sang Konseho, wala sia magsugot sang ila tinutuyo kag buhat.
52
Nagkadto sia kay Pilato kag iya ginpangayo ang bangkay ni Jesus.
53
Dayon gintaltal niya ini, ginputos ini sang tela nga lino, kag ginbutang ini sa lulobngan nga ginguhab sa bato. Ini nga lulobngan wala pa gid malubngi.
54
Adlaw yadto sang Pag-aman kag ang Adlaw nga Inugpahuway manugsugod na.
55
Ang mga babayi nga nagsunod kay Jesus halin sa Galilea nag-upod kay Jose kag nakita nila ang lulobngan kag kon paano ang pagbutang sang bangkay ni Jesus sa amo nga lulobngan.
56
Dayon nagpauli sila kag naghanda sing mga pahamot kag inughaplas para sa bangkay ni Jesus. Sa Adlaw nga Inugpahuway nagpahuway sila suno sa ginasugo sang Kasugoan.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24