Ezra 2

Ilonggo (Ang Biblia (1982))

← Chapter 1 Jump to: Chapter 3 →

1Karon amo ini ang katawohan sang puud nga nagtaklad gikan sa kabihagan sang mga binihag nga gindala sa Babilonia ni Nabucodonosor nga hari sang Babilonia; nagbalik sila sa Jerusalem kag Juda, ang tagsatagsa sa iya banwa.

2Nag-abut sila upud kay Zorobabel, kay Jesua, kay Nehemias, kay Seraya, kay Reelaya, kay Mardoqueo, kay Belsan, kay Mispar, kay Bigvai, kay Rehum, kag kay Baana. Ang kadamuon sang mga tawo sang banwa sang Israel:

3ang mga lalaking anak ni Paros, duha ka libo kag isa ka gatus kag kapitoan kag duha.

4Ang mga lalaking anak ni Sefatias, tatlo ka gatus kag kapitoan kag duha.

5Ang mga lalaking anak ni Ara, pito ka gatus kag kapitoan kag lima.

6Ang mga lalaking anak ni Pahat-moab, gikan sa mga anak ni Jesua kag ni Joab, duha ka libo kag walo ka gatus kag napulo kag duha.

7Ang mga lalaking anak ni Elam, isa ka libo kag duha ka gatus kag kalim-an kag apat.

8Ang mga lalaking anak ni Zatu, siam ka gatus kag kap-atan kag lima.

9Ang mga lalaking anak ni Zacai, pito ka gatus kag kan-uman.

10Ang mga lalaking anak ni Bani, anum ka gatus kag kap-atan kag duha.

11Ang mga lalaking anak ni Bebai, anum ka gatus kag duha ka pulo kag tatlo.

12Ang mga lalaking anak ni Azgad, isa ka libo kag duha ka gatus kag duha ka pulo kag duha.

13Ang mga lalaking anak ni Adonicam, anum ka gatus kag kan-uman kag anum.

14Ang mga lalaking anak ni Bigvai, duha ka libo kag kalim-an kag anum.

15Ang mga lalaking anak ni Adin, apat ka gatus kag kalim-an kag apat.

16Ang mga lalaking anak ni Ater, ni Ezequias, kasiaman kag walo.

17Ang mga lalaking anak ni Bezai, tatlo ka gatus kag duha ka pulo kag tatlo.

18Ang mga lalaking anak ni Jora, isa ka gatus kag napulo kag duha.

19Ang mga lalaking anak ni Hasum, duha ka gatus kag duha ka pulo kag tatlo.

20Ang mga lalaking anak ni Gibar, kasiaman kag lima.

21Ang mga lalaking anak sang Bet-lehem, isa ka gatus kag duha ka pulo kag tatlo.

22Ang mga tawo sang Netopa, kalim-an kag anum.

23Ang mga tawo sang Anatot, isa ka gatus kag duha ka pulo kag walo.

24Ang mga lalaking anak sang Azmavet, kap-atan kag duha.

25Ang mga lalaking anak sang Kiryat-jearim, sang Cafira, kag sang Beerot, pito ka gatus kag kap-atan kag tatlo.

26Ang mga lalaking anak sang Rama kag sang Geba, anum ka gatus kag duha ka pulo kag-isa.

27Ang mga tawo sang Micmas, isa ka gatus kag duha ka pulo kag duha.

28Ang mga tawo sang Bet-el kag sang Ai, duha ka gatus kag duha ka pulo kag tatlo.

29Ang mga lalaking anak sang Nebo, kalim-an kag duha.

30Ang mga lalaking anak sang Magbis, isa ka gatus kag kalim-an kag anum.

31Ang mga lalaking anak sang isa pa ka Elam, isa ka libo kag duha ka gatus kag kalim-an kag apat.

32Ang mga lalaking anak sang Harim, tatlo ka gatus kag duha ka pulo.

33Ang mga lalaking anak sang Lod, sang Hadid, kag sang Ono, pito ka gatus kag duha ka pulo kag lima.

34Ang mga lalaking anak sang Jerico, tatlo ka gatus kag kap-atan kag lima.

35Ang mga lalaking anak sang Senaa, tatlo ka libo kag anum ka gatus kag katloan.

36Ang mga sacerdote: Ang mga lalaking anak ni Jedaya, gikan sa panimalay ni Jesua, siam ka gatus kag kapitoan kag tatlo.

37Ang mga lalaking anak sang Imer, isa ka libo kag kalim-an kag duha.

38Ang mga lalaking anak sang Pasur, isa ka libo kag duha ka gatus kag kap-atan kag pito.

39Ang mga lalaking anak sang Harim, isa ka libo kag napulo kag pito.

40Ang mga Levinhon: ang mga lalaking anak ni Jesua kag ni Cadmiel, gikan sa mga lalaking anak ni Obadias, kapitoan kag apat.

41Ang mga manug-amba: ang mga lalaking anak ni Asaf, isa ka gatus kag duha ka pulo kag walo.

42Ang mga lalaking anak sang mga manugbantay sang gawang: ang mga lalaking anak ni Sallum, ang mga lalaking anak ni Ater, ang mga lalaking anak ni Talmon, ang mga lalaking anak ni Acub, ang mga lalaking anak ni Hatita, ang mga lalaking anak ni Sobai, ang tanan isa ka gatus kag katloan kag siam.

43Ang mga Netinim: ang mga lalaking anak ni Ziha, ang mga lalaking anak ni Hasufa, ang mga lalaking anak ni Tabaot,

44ang mga lalaking anak ni Keros, ang mga lalaking anak ni Siaha, ang mga lalaking anak ni Padon,

45ang mga lalaking anak ni Lebana, ang mga lalaking anak ni Hagaba, ang mga lalaking anak ni Acub,

46ang mga lalaking anak ni Hagab, ang mga lalaking anak ni Samlai, ang mga lalaking anak ni Hanan,

47ang mga lalaking anak ni Gidel, ang mga lalaking anak ni Gahar, ang mga lalaking anak ni Reaya,

48ang mga lalaking anak ni Rezin, ang mga lalaking anak ni Necoda, ang mga lalaking anak ni Gazam,

49ang mga lalaking anak ni Uza, ang mga lalaking anak ni Pasea, ang mga lalaking anak ni Besai,

50ang mga lalaking anak ni Asna, ang mga lalaking anak ni Meunim, ang mga lalaking anak ni Nefsim,

51ang mga lalaking anak ni Bacbuc, ang mga lalaking anak ni Hakufa, ang mga lalaking anak ni Harhur,

52ang mga lalaking anak ni Bazlut, ang mga lalaking anak ni Mehida, ang mga lalaking anak ni Harsa,

53ang mga lalaking anak ni Barcos, ang mga lalaking anak ni Sisera, ang mga lalaking anak ni Tema,

54ang mga lalaking anak ni Nezia, kag ang mga lalaking anak ni Hatifa.

55Ang mga lalaking anak sang mga alagad ni Salomon: ang mga lalaking anak ni Sotai, ang mga lalaking anak ni Hasoferet, ang mga lalaking anak ni Peruda,

56ang mga lalaking anak ni Jaala, ang mga lalaking anak ni Darcon, ang mga lalaking anak ni Gidel,

57ang mga lalaking anak ni Sefatias, ang mga lalaking anak ni Hatil, ang mga lalaking anak ni Poqueret-hazebaim, kag ang mga lalaking anak ni Ami.

58Ang tanan nga Netinim kag ang mga lalaking anak sang mga alagad ni Salomon tatlo ka gatus kag kasiaman kag duha.

59Amo ini sila ang nagtaklad gikan sa Tel-mela, sa Tel-harsa, sa Querub, sa Adam, kag sa Imer, apang indi sila makapahayag sang ila mga kabaranggayan kag sang ila kaliwat, kon bala gikan sila sa Israel:

60ang mga lalaking anak ni Delaya, ang mga lalaking anak ni Tobias, ang mga lalaking anak ni Necoda, anum ka gatus kag kalim-an kag duha.

61Ang mga lalaking anak sang mga sacerdote: ang mga lalaking anak ni Habaya, ang mga lalaking anak ni Hacoz, ang mga lalaking anak ni Barzillai (nga nagpangasawa gikan sa babayi nga mga anak ni Barzillai nga Galaadnon, kag ginhingadlan sono sa ngalan nila).

62Ini sila nagpangita sang ila listahan sa mga naisipan sono sa lista sang kaliwatan, apang wala sila makita, busa ginkabig sila nga nadagtaan kag ginpagowa sa pagkasacerdote;

63ang pangolo-puud nagsiling sa ila nga indi sila magkaon sang labi gid ka balaan nga mga butang, tubtub nga may magtindug nga sacerdote nga may Urim kag Tummim.

64Ang bug-os nga katilingban sa tingub kap-atan kag duha ka libo kag tatlo ka gatus kag kan-uman,

65luwas sang ila mga ulipon nga lalaki kag sang ila mga ulipon nga babayi, nga sa ila may pito ka libo kag tatlo ka gatus kag katloan kag pito; kag sila may duha ka gatus ka manug-amba nga mga lalaki kag mga babayi.

66Ang ila mga kabayo pito ka gatus kag katloan kag anum; ang ila mga mula, duha ka gatus kag kap-atan kag lima,

67ang ila mga camelyo apat ka gatus kag katloan kag lima, kag ang ila mga asno anum ka libo kag pito ka gatus kag duha ka pulo.

68Ang iban sang mga pangolo sang mga kabaranggayan, sang nag-abut sila sa balay sang Ginoo nga yara sa Jerusalem, naghalad sing kinabubut-on nga sa balay sang Dios, sa pagpatindug sini sa iya duug;

69naghatag sila sono sa ila ikasarang sa bahandian sang buluhaton sing kan-uman kag isa ka libo ka darico nga bulawan, lima ka libo ka mina nga pilak, kag isa ka gatus ka panapton sang mga sacerdote.

70Ang mga sacerdote, ang mga Levinhon, ang iban sang mga tawo, ang mga manug-amba, ang mga manugbantay sang gawang, kag ang mga Netinim nagpuyo sa ila mga banwa, kag ang bug-os nga Israel sa ila mga banwa.

← Chapter 1 Jump to: Chapter 3 →