1 Thessalonians 2

ibibio

← Chapter 1 Jump to: Chapter 3 →

1Ndufo emediọọñọ, nditọete, ke adidi ñnyịn adise ndufo ikidooho utak-utak.

2Ñnyịn imaibọ ufen ye usọñanyen ke Fidipai, naña ndufo emaediọọñọ, ado ke unwam Abasi ñnyịn, ñnyịn imainie uko aditañ ikọ Abasi ikereke ekamba ubiọọñọ.

3Sia ñkpeubọk a-ñnyịn inamma itooho ke ndudue me unana adisana ido, inyʌññọ ido nte ñnyịn iyem adinam ndufo ñkara.

4Utu ke ado, ñnyịn itañ ikọ nte mbon a-Abasi amaakenyịmme ate ke afọn adiyaak ikọ Abasi nsịn ke ubọk ammọ. Ñnyịn inwanake adinem awo esịd, ado inwana adinem Abasi a-adomoke esịd ñnyịn.

5Ndufo emediọọñọ ke ñnyịn ikidatta nnem inua, ñko ñnyịn ifʌhọke ñkpọ ke iso adidat mfʌk idiọọk itọñ, sia Abasi ado ntiense ñnyịn.

6Ñnyịn ikiyemme itooro ito mme awo inyʌññọ ito ndufo me awo mfen a-adooho ado. Nte mme abọsịd Krais, ñnyịn ikpaikido mbiomo inọ ndufo,

7Ado ñnyịn ikiba nte ntəkayịn ke atu ndufo. Ado ñnyịn ikiba usʌk-usʌk ye ndufo, nte eka ayịn ase ntəkayịn amọ.

8Ñnyịn imaima ndufo eti-eti, ntodo ke ñnyịn idat esịd adiwuana ye ndufo, idooho ke ikọ Abasi ikpọọñ, ado ke uwem ñnyịn ñko, sia ndufo emaekappa edo mbon a-ñnyịn imaaha eti-eti.

9Ke akpanikọ ndufo emetoiyo, nditọete, mme utom ye akpọsọñ ufen; ñnyịn ikinam utom akoneyo ye uweeme mbaak ato do ñnyịn idido mbiomo inọ awo ake adodo ke idaha ikwọrọke ikọ Abasi inọ ndufo.

10Ndufo edoñño ntiense, ntodo ke Abasi ñko ado ntiense, ke naña ñnyịn isana, naña inen ye naña inana ndo ke atu ndufo e-enịmme ke akpanikọ.

11Sia ndufo emediọọñọ ete ke ñnyịn ikinam ñkpọ ye ndufo keed-e-keed nte ete anam ñkpọ ye nditọ amọ,

12ke adisọọñọ ñkpad, ñka iso nnọ ndọñesịd ndin ñnyʌñ nsʌk ikpekpek ndufo adidu uwem a-asañake akekem ke se Abasi ayem, anye i-ikoodo ndufo asịn ke abio ubọọñ ye itooro amọ.

13Ndin ñnyịn isʌk ikaaka iso ikọọm Abasi ye ntak, ke ini a-ndufo ekebọọhọ ikọ Abasi, a-ndufo ekekoppo eto ñnyịn, ndufo emaebọ idooho nte ikọ mme awo, ado ke naña anye aba, ikọ Abasi, a-anamma utom ke atu ndufo e-enịmme ke akpanikọ.

14Sia ndufo, nditọete, emaekappa edoñño mme andikpebe mme ufọkabasi ke Yudia, e-ebaññake ke Krais Yisọs. Ndufo ekebọ ufen eto ke ubọk mbon abio ndufo, ukem ufen a-mme ufọkabasi ado ekebọọhọ eto mme Yuu,

15e-ekewotto Abọọñ Yisọs ye mme brọfed ndin enyʌñ ebịn ñnyịn esio. Ammọ inemme Abasi esịd enyʌñ eba ekọñ-ekọñ ye afịd awo

16ke usʌñ ammọ aditre ñnyịn aditañ ikọ nnọ mme Yentaid nọ ato do ammọ enie adinyaaña. Ke usʌñ ntom, ammọ afịd ini ebək mme idiọọkñkpọ ammọ esịm utịd. Ifiopesịd Abasi adidoro ammọ ke akpatre.

17Ado, nditọete, ke ini ekebakkake ñnyịn esio ekpọñ ndufo ke etək idaha ini (ke abʌkidem, idooho ke akikere) ato ke ata ekamba udọñ ñnyịn imaiyem afịd usʌñ adikịt ndufo.

18Sia ñnyịn imaiyem adidi ibịne ndufo, ke akpanikọ ami, Bọọd, mmaayem uwak ini–ado Setan amaikpan ñnyịn.

19Sia nso-o ido idodanyen ñnyịn, idadesịd ñnyịn, me anyanya a-ñnyịn idiibọ ubọọñ ke iso Abọọñ ñnyịn Yisọs Krais ke anye amaadi? Nte idooho ndufo?

20Ke akpanikọ ndufo edoñño ubọọñ mme idara ñnyịn.

← Chapter 1 Jump to: Chapter 3 →