bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
2 Thessalonians 2
2 Thessalonians 2
ibibio
← Chapter 1
Jump to:
Chapter 1
Chapter 2
Chapter 3
Chapter 3 →
1
Ke abaña adidi Abọọñ ñnyịn Yisọs Krais ye ñnyịn adiboho keed ye anye, ñnyịn ikpe ndufo ubọk, nditọete, ite,
2
ikiisọp iyak ñkpọ itịmede ndufo esịd me adinam ndufo ndịk ato mme usʌk brọfesi, etob me deta e-ebooho ke ito ñnyịn, atañña abo ke usen Abọọñ adidi adisịm ama.
3
Ikiiyak awo ndomokeed ibiaaña ndufo ke usʌñ ndomokeed, sia usen ado idiidiighe tutu ndutịme aba ndin eyaara awo abiad ibed, awo a-anaaha nsobo asịm anye.
4
Anye ayaabiọñọ ndin anyʌñ abenne idem amọ ke anyọñ akpon akan afịd ñkpọ e-ekoodo Abasi me se ekpono, ñko anye ayaaben idem amọ adod ke tembịd Abasi, anyʌñ atọt idem amọ nte Abasi anwa-anwa.
5
Nte ndufo itoiyoke idaha a-ñkebaaha ye ndufo ke mmaasitañ mme ñkpọ ami inọ ndufo?
6
Ndin idahami ndufo emediọọñọ se idʌt anye itịmme edem dion, nọ ato do mme ñkpọ ami eyaara ke akem ini.
7
Sia ndedịbe adudu ubiad ibed ababa ke utom idahami, ado andidʌt anye ntịmme edem ayaakaiso tutu esio anye efep ke usʌñ
8
Ndin eyaeyaara anye abiad ibed, a-Abọọñ Yisọs adidoro iduọọk itọ ke inweek a-awuọọhọ anye ke inua ndin anyʌñ abiad anye ato ke uyamma adidi amọ.
9
Adidi awo abiad ibed asaña akekem ke utom Setan a-awọttọ ke mme adudu ke nsu-nsu utịbe ñkpọ, idiọọñọ, mme ñkpọ ñkpaidem,
10
ye ke atu afịd utọ idiọọk ñkpọ e-ediyaañ mbon e-ediitak. Ammọ etak sia ammọ emaesịn adima akpanikọ ñnyʌñ mbọ adinyaaña.
11
Ke ntak ami Abasi adọñ ekamba adudu abiaaña nọ ato do ammọ enịm mme nsu ami
12
ndin ke ntodo ebiom afịd ammọ e-mmiinịmme ke akpanikọ ado ekop idadesịd ke adinam ibak.
13
Ado akpena afịd ini ñnyịn ikọọm Abasi ke ntak ndufo, nditọete a-Abasi amaaha, sia tọọñọ ke aditọọñọ Abasi amaimek ndufo adibọ adinyaaña nto ke utom adinam asana ake Sịbidịd ye ke adinịm ke akpanikọ.
14
Anye akiikood ndufo anọ ami ato eti etob ñnyịn nọ ato do ndufo ekeme adiwuana ke ubọọñ Abọọñ ñnyịn Yisọs Krais.
15
Ke ntodo, nditọete, isọọñọ ida inyʌñ imʌm ukpeebñkpọ a-ñnyịn iyakka inọ ndufo ikama, atooho ke ikọ inua me anyʌñọ ato ke deta.
16
Yak Abọọñ ñnyịn Yisọs Krais ke idem amọ ye Abasi Ete ñnyịn, a-akimaaha ñnyịn ndin ke mfọn amọ inọ ñnyịn nsi-nsi nsọọñọukod ye eti idodanyen,
17
isọọñọ ndufo ukod ndin inọ ndufo adudu ke afịd nti adinam ye ikọ.
← Chapter 1
Jump to:
Chapter 1
Chapter 2
Chapter 3
Chapter 3 →
All chapters:
1
2
3