bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Ibibio
/
ibibio
/
2 Thessalonians 3
2 Thessalonians 3
ibibio
← Chapter 2
Jump to:
Chapter 1
Chapter 2
Chapter 3
1
Ke akpatre, nditọete, ibọñ akam inọ ñnyịn nọ etob ikọ Abọọñ asuana usọp-usọp ñko enyʌñ ekpono anye kpa naña akedo ye ndufo.
2
Ndin ibọñ akam ite ñnyịn ikpikap ibọkkọ mme ndiọi ye ndubịk awo, sia idooho afịd awo enie mbuọdidem.
3
Ado Abọọñ ayọhọ mme mbuọdidem, ndin anye ayainọ ndufo adudu anyʌñ ifak ñko asio ke ubọk anam idiọọk ñkpọ.
4
Ñnyịn iminie mbuọdidem ke Abọọñ ite ke ndufo esʌk enam, ñko ke eyaekaiso adinam mme ewʌhọ a-ñnyịn inọọhọ.
5
Yak Abọọñ adat esịd ndufo usʌñ ke ima Abasi ye nsịnifịk ke Krais.
6
Ke anyịñ Abọọñ Yisọs Krais, ñnyịn inọ ndufo ewʌhọ, nditọete, ite ediañña ekpọñ afịd ifu nditọete a-mmiisañake ikikem ke ukpeebñkpọ ndufo e-ebọọhọ eto ñnyịn.
7
Sia ndufo ke idem ndufo emediọọñọ naña ndufo ekpena ekeene uwọdñkpọ ñnyịn. Ñnyịn ikidooho ifu ke ini a-ñnyịn ikibaaha ye ndufo,
8
ñnyịn ikinyʌññọ idia ndidia awo ndomokeed ke ini ñnyịn mmiikikpeeghe awo ado akʌk. Utu ke ado, ikinam utom akon ye uweeme, itịñ anyen inam akpọsọñ utom mbaak ato do ñnyịn idido mbiomo inọ awo ndomokeed.
9
Ñnyịn ikinam ami, idooho nte ñnyịn inieeghe unen adibọ utọ unwam ami ito ndufo, ado nọ ñnyịn inịm idem ñnyịn nte uwọt ñkpọ a-ndufo ekpekeeneke.
10
Sia ke ini ñnyịn ikibaaha ye ndufo, ñnyịn imainọ ndufo ewʌhọ: “Adieke awo mmidiinamma utom, inaaha anye adia ñkpọ.”
11
Ñnyịn imikop ke usʌk ke atu ndufo edoñño ifu. Ammọ inamma utom; esaaña edọọñ anyen ke ñkpọ mbon mfen.
12
Utọ mbon ami ke ñnyịn inọ ewʌhọ inyʌñ ikpak ammọ ke Abọọñ Yisọs Krais ite esuuk etie ndin enam utom nọ ato do ammọ enie ndidia se edia.
13
Ndin ndufo, nditọete, ikiiyak ikak ndufo adinam se ifọn.
14
Adieke awo ndomokeed mmiikoppo item ñnyịn ke deta ami, itʌm iwuuk anyen ise anye. Ikiiwuana ñkpọ ye anye, nọ ato do buud anam anye.
15
Ado ndufo ikiidat anye nte awo usua, ado inọ anye item nte ayịneka.
16
Idahami yak Abọọñ emem ñnyịn ke idem amọ inọ ndufo emem ke afịd ini ye ke afịd usʌñ. Yak Abọọñ aba ye afịd ndufo.
17
Ami Bọọd, ñwet ekọọm ami ke ubọk mmi, a-adooho ñkpọ a-abakkake ada ke afịd mme deta mmi. Ami ado naña ami ñwet ñkpọ.
18
Mfọn Abọọñ ñnyịn Yisọs Krais aba ye afịd ndufo.
← Chapter 2
Jump to:
Chapter 1
Chapter 2
Chapter 3
All chapters:
1
2
3